Framtíð íþróttavallarsvæðisins
Ragnar Sverrisson skrifar
Mikil gleði og ánægja ríkti fyrir réttum tuttugu árum þegar við Akureyringar héldum fjölmennasta íbúaþing sem sögur fara af hér á landi. Tíu af hundraði bæjarbúa voru heilan dag saman að ræða á hvað skyldi leggja áherslu við endurnýjun miðbæjarins. Niðurstöðurnar voru svo teknar saman og þær síðan lagðar til grundvallar tíu árum síðar þegar bæjarstjórn samþykkti samhljóða nýtt skipulag þessa hluta bæjarins. Því miður var niðurstöðunni gjörbreyt nokkrum árum síðar eftir óskiljanleg hrossakaup innan bæjarstjórnar þar sem öllum meginatriðum umrædds íbúaþings var hent í ruslakörfuna. Áður en það óláns niðurrif átti sér stað reyndum við mörg að fá umræðu um einstaka þætti þess og sjálfur tók ég fram nokkur atriði í athugasemdum sem ég óskaði eftir að ræða við bæjarfulltrúa áður en öllum meginniðurstöðum íbúaþingsins yrði kastað fyrir róða. Nei, því miður engin umræða, einasta einhverjar kúnstir innan bæjarstjórnar og óskapnaðurinn laminn í gegn án nokkurs samráðs við bæjarbúa. Eftir stendur skipulag sem enginn vill byggja eftir og miðbærinn í sama farinu og fyrir tuttugu árum; ekkert gert og algjör stöðnun.
Á dögunum samþykkti skipulagsráð bæjarins að koma á fót vinnuhóp til að semja samkeppnislýsingar fyrir gamla Akureyrarvöllinn. Jón vinur minn Hjaltason benti á að eðlilegt væri að leita til bæjarbúa strax á fyrstu stigum og spyrja þá hvernig þeir vilja nýta svæðið. Satt er það og rétt því ýmislegt kemur til greina og eðlilegt – eins og fyrir tuttugu árum – að velja úr þeim kostum áður en kemur að því að móta tillögur um útfærslu. Velta upp spurningunum hvort þarna ættu að vera íbúðir, fyrirtæki, verslanir, útivistarsvæði eða sambland alls þessa sem síðan mynduðu tengingu samfells miðbæjar milli þess gamla og Glerártorgssvæðisins. Auðvitað þarf að svara þessum grundvallarspurningum áður en lengra er haldið.
Ef kallað yrði til íbúaþings um skipulag gamla íþróttavallarins er nauðsynlegt að leggja fram nokkra valmöguleika, skýra kosti þeirra og galla fyrir fundarfólki, ræða þá og leita sameiginlegrar niðurstöðu. Eftir það væri loks tímabært að efna til samkeppnislýsingar sem, eins og fyrir tuttugu árum, byggði á niðurstöðum bæjarbúa. En auðvitað hræða sporin þar sem allt endar innan dyra bæjarstjórnar sem gerir ekkert með það sem íbúar hafa fram að færa – ekki neitt. Hvaða tryggingu hafa bæjarbúar fyrir því að nú verði breyting á? Er ætlunin að taka mið af skoðunum þeirra eða á aðeins að setja upp sjónarspil þar sem fólk leggur á sig að mæta og tjá sig en svo ekkert gert með það sem það leggur til? Það var á Eyrinni í gamla daga kallað að hafa fólk að fífli og þótti ljótur leikur og ekki til eftirbreytni. En kannski er óþarfi að hafa áhyggjur af íbúaþingi um þetta málefni þótt félagi Jón Hjalta hafi lagt það til. Vísast verður ekkert úr því frekar en mörgum öðrum góðum tillögum. Þess í stað helt sér beint í gerð samkeppnislýsingar um gamla völlinn okkar án þess að spyrja bæjarbúa um grundvallaratriði áður. Að vísu er almenntviðurkennt að röskleiki sé kostur en margir benda á að það sé til lítils að hlaupa ef hlaupið er í vitlausa átt.
Reynslan af fjölmennasta íbúaþinginu var sú að bæjarbúar hafa bæði vit og getu til að ræða um brýn hagsmunamál og komast að sameiginlegri niðurstöðu. Það er síðan hlutverk bæjaryfirvalda að útfæra þær með sérfræðingum en ekki að bregða fyrir þær fæti og koma í veg fyrir breytingar og framfarir sem íbúarnir hafa óskað eftir.
Ragnar Sverrisson kaupmaður
Nýjast
-
Listasafnið á Akureyri: Þriðjudagsfyrirlestur - Steinunn Arnbjörg Stefánsdóttir
Þriðjudaginn 15. október kl. 17-17.40 heldur sellóleikarinn Steinunn Arnbjörg Stefánsdóttir Þriðjudagsfyrirlestur undir yfirskriftinni ListaÉg. Í fyrirlestrinum mun hún spekúlera í listferli og listalífi. Hún mun grúska í tilurð, gjörðum og lífi einhvers konar listapersónu sem á heima í einhvers konar alvöru persónu. Aðgangur er ókeypis. -
Hvernig er samfélagið okkar?
Samfélag sem ekki getur orðið við lögvörðum rétti fatlaðra til þjónustu, sem getur umborið að veikt barn sé sótt inn á Landspítalann með lögregluvaldi og látið húka á Keflavíkurflugvelli meðan ríkisstjórn landsins rambar á barmi stjórnarslita, samfélag sem lætur nútíma þrælahald viðgangast gegnum starfsmannaleigur, samfélag þar sem andlega veikt fólk fær ekki aðstoð fyrr en það er of seint og saklaus líf glatast, samfélag sem telur það eðlilega umgengni að ofbeldismenn geti fengið að vera einir með börnum sínum, samfélag þar sem fjöldi karlmanna telur það sinn sjálfsagða rétt að geta keypti líkama kvenna, kvenna sem eru ýmist hraktar eða neyddar í vændi, fluttar til landsins eins og hver annar varningur til sölu og neyslu, kjötskrokkar. -
Saga Maríu Júlíu heldur áfram á Húsavík
Í síðustu viku kom hið fornfræga björgunarskip Vestfirðinga, María Júlía BA 36 til hafnar á Húsavík en ætlunin er að gera það upp í Húsavíkurslipp. -
Byggja upp alþjóðlega rannóknarmiðstöð i eldfjalla- og orkurannsóknum í Kröflu.
Samkomulag hefur verið undirritað sem tryggir fjármögnun fyrirtæksins Krafla Magma Testbed, KMT til tveggja ára.Umhverfis-, orku- og loftslagsráðuneytið, Landsvirkjun, Orkuveitan og KMt eru aðilar að samkomulaginu. Samkomulagið markar ákveðin tímamót fyrir KMT þar sem Orkuveitan gengur til liðs við verkefnið, auk þess sem áframhaldandi stuðningur frá stjórnvöldum og Landsvirkjun er tryggður. -
Starfsfólk HA á ferð og flugi
Við tókum hús á tveimur starfskröftum Háskólans á Akureyri á dögunum sem bæði höfðu verið á ferðalögum tengdum sínum störfum. Störf við skólann bjóða upp á ýmis tækifæri, hvort sem það er í akademíu eða stoð- og stjórnsýslu. -
Gamli skóli 120 ára
Það var mikið um dýrðir í Menntaskólanum á Akureyri en tilefnið var 120 ára afmæli Gamla skóla. á Facebooksíðu skólans er þessa getið. -
Varðar okkur öll
Vert er að taka fram að í þessari grein er fjallað um sjálfsvíg. Fólk með sjálfsvígshugsanir er minnt á Píeta samtökin. Síminn hjá Pieta-samtökunum er jafnframt opinn allan sólarhringinn og er 552-2218 og vefsíðan pieta.is. -
Tíminn líður, trúðu mér!
Já það eru komin 20 ár síðan Sundfélagið Óðinn, ( stofnað af unglingum upp úr sunddeildum KA og Þórs) tók þátt í tilraunaverkefni með Fjölskyldudeild Akureyrarbæjar um að bjóða börnum með skilgreinda fötlun upp á sundæfingar. -
A! Gjörningahátíð er hafin
A! Gjörningahátíð hófst í gærkvöldi í Listasafninu á Akureyri með gjörningi KGB þríeykisins, en það skipa Kristján Helgason, Birgir Sigurðsson og Guðmundur Steinn Gunnarsson. Að þeim gjörningi loknum tóku við gjörningar Vénýjar Skúladóttur, Ashima Prakash og Évu Berki. A! er þriggja daga alþjóðleg gjörningahátíð sem haldin er árlega, nú í tíunda sinn og stendur fram á laugardagskvöld. Ókeypis er inn á alla viðburði. Hátíðin er sú eina sinnar tegundar á Íslandi þar sem einungis er um gjörningalist að ræða úr öllum listgreinum. Dagskrá hátíðarinnar má sjá á listak.is.
