Beðið svara um aðgerðir gegn hávaða frá bílaumferð
„Við höfum enn ekki fengið svör frá Akureyrarbæ varðandi það hvort bærinn hafi gripið til einhverra aðgerða og þá hverra og hvaða árangri þær hafa skilað,“ segir Leifur Þorkelsson framkvæmdastjóri Heilbrigðiseftirlits Eyjafjarðar en óskað hefur verið eftir upplýsingum frá Akureyrarbæ og Vegagerðinni um umferðarhraða á Akureyri og hvað gert hafi verið til að draga úr honum frá árinu 2015 þegar fyrsta aðgerðaráætlun gegn hávaða kom út. Vegagerðin hefur sent það svar til Heilbrigðiseftirlits að þar á bæ hafi ekki verið gripið til neinna aðgerða til að draga úr hávaða frá umferð.
Fram kemur í aðgerðaráætlun gegn hávaða sem verkfæðistofan Efla vann fyrir Akureyrarbæ árið 2015 að 1.532 íbúðir voru þá í bænum sem bjuggu við hávaða yfir 55 db (A) sem eru viðmiðunargildi reglugerðar, þar af voru 24 íbúðir sem bjuggu við hávaða yfir 65 db(A).
Vegagerðin hefur ekkert gert og engin svör frá bænum
Í kjölfar fundar Heilbrigðisnefndar kom í ljós að frá því að aðgerðaráætlun gegn umferðarhávaða kom fyrst út hafa engar aðgerðir gegn hávaða farið fram af hálfu Vegagerðarinnar og ekki hefur fengist staðfesting á því að Akureyrarbær hafi gripið til aðgerða af neinu tagi. Að mati heilbrigðisnefndar eru aðgerðir í tveimur síðustu aðgerðaráætlunum óljóst skilgreindar og nánast eins frá orði til orðs. Leifur segir að í aðgerðaráætlun komi fram að gera skuli grein fyrir einstökum aðgerðum á skýran hátt.
Nefndin hefur ítrekað fyrirspurn til Akureyrarbæjar varðandi aðgerðir til að draga úr hávaða og óskar jafnframt eftir upplýsingum um það hvort og þá hvenær Vegagerðin og eftir atvikum Akureyrarbær muni grípi til raunverulegra aðgerða til þess að draga úr umferðarhávaða á Akureyri. Enn hafa ekki borist svör fyrir fyrirspurninni. Sú aðgerðaráætlun sem nú er í gildi og væntanlega verið að vinna eftir gildir út árið 2023.
Nýjast
-
Harðbakur málaður og yfirfarinn í Slippnum á Akureyri
Togarinn Harðbakur EA 3 heldur senn til veiða eftir ýmsar endurbætur og uppfærslur í Slippnum á Akureyri, auk þess sem skipið var heilmálað. Harðbakur er fimm ára gamalt skip, smíðað í Vard-Aukra skipasmíðastöðinni í Noregi. Skipið kom til Akureyrar 9. nóvember 2019 og strax í kjölfarið tók Slippurinn við því, þar sem settur var vinnslubúnaður um borð. Harðbakur er 29 metra langur og 12 metra breiður. Skipið er gott í alla staði, bæði hvað varðar vinnslubúnað og aðbúnað áhafnar. -
Tónlistarskóli Eyjafjarðar sá fyrsti sem fer í Græn skref
Tónlistarskóli Eyjarfjarðar hefur náð þeim einstaka áfanga að vera fyrsti tónlistarskólinn á Íslandi til að fara í Græn skref „og mega þau vera stolt af því,“ segir á vefsíðu Samtaka sveitarfélaga á Norðurlandi eystra, SSNE. -
Atkvæðagreiðsla utan kjörfundar hefst 7 nóvember
Atkvæðagreiðsla utan kjörfundar við embætti sýslumannsins á Norðurlandi eystra hefst 7. nóvember n.k. Alls hafa 31.039 atkvæðarétt í kjördæminu, flestir þeirra og það kemur ekki á óvart frá Akureyri eða 15.057 manns. -
Pólarhestar eru fyrirtæki ársins
Markaðsstofa Norðurlands veitir viðurkenninguna Fyrirtæki ársins til fyrirtækis sem er búið að slíta barnsskónum og hefur skapað sér sterka stöðu á markaði. Fyrirtækið hefur unnið að stöðugri uppbyggingu, vöruþróun og nýsköpun og er með höfuðstöðvar á Norðurlandi. -
Íslenska kerfið framleiðir afbrotamenn
Að refsa einstaklingi fyrir alvarleg afbrot með fangelsisvist, er eitthvað sem flestir geta verið sammála um að sé nauðsynlegt. Fæstir átta sig hins vegar á hve frelsissviptingin ein og sér hefur gríðarleg áhrif á einstakling sem dæmdur hefur verið til vistar í fangelsi og ef betrunarúrræðin eru ekki til staðar er næsta öruggt að sá einstaklingur er lýkur afplánun, kemur út í samfélagið aftur í verra ástandi en hann var í þegar afplánun hófst. Stundum held ég að þessi hópur samfélags okkar sé álitinn hin skítugu börn Evu sem flestir vita af en enginn vill af þeim vita. Eins og að vandamálin hverfi um leið og kveðinn er upp dómur. Allir þeir einstaklingar sem fá á sig dóma eru synir, dætur, bræður, systur og barnabörn einhverra. Að afplána dóm hefur ekki bara gríðarleg áhrif á fangann heldur líka hans nánustu aðstandendur sem ég tel vera algjörlega týndan hóp innan kerfisins. Kerfis sem fyrir löngu er molnað í sundur. Kerfi sem nær ekki að eiga samskipti. Kerfi sem þarf að taka alvarlega til í og snýst hreinlega um líf eða dauða fólksins okkar. -
KOSNINGARÉTTUR
Við vanmetum oft það sem þykir sjálfsagt! Árið 1843 rak kosningaréttur fyrst á fjörur okkar Íslendinga með tilskipun Kristjáns VIII, en eingöngu til karlmanna eldri en 25 ára sem áttu jörð. Það var um 2% íslensku þjóðarinnar. Árið 1857 var ekki lengur þörf á að eiga jörð, nægjanlegt að búa á eigin heimili og borga skatta. Konur virtust ekki vera landsmenn á þessum tíma. -
Afleitt að Sæfari verði í slipp í apríl
Grímseyingar óska eftir aðstoð við að fá aðra tímasetningu en nú er þegar fyrirhugað er að ferjan Sæfari sem siglir milli lands og eyjar fer í slipp, sem er „afleit tímasetning bæði hvað varðar sjávarútveg og sérstaklega slæmt fyrir ferðaþjónustu í eynni,.“ segir í bókun frá íbúafundi sem haldinn var í eyjunni. -
Framkvæmdir að hefjast við innisundlaugina
Framkvæmdir eru hafnar við talsvert umfangsmiklar breytingar á innisundlaugin í Sundlaug Akureyrar. Umhverfis- og mannvirkjaráð hefur samþykkt að taka lægstu tilboðum í lagnir, raflagnir og múrverk en hafnaði aftur á móti tilboðum sem bárust í útboði á verkefnum í húsasmíði og blikksmíði þar sem þau voru hátt yfir kostnaðaráætlun. -
Nytjamarkaður Norðurhjálpar er eins árs
„Þetta var dásamlegur dagur og við erum þakklátar öllu því góða fólki sem styður við bakið á okkur, við erum eiginlega alveg vissar um að við er með langbesta fólki í kringum okkur,“ segir Sæunn Ísfeld Guðmundsdóttir ein þeirra fjögurra kvenna sem reka nytjamarkaðinn Norðurhjálp.
