13.nóvember - 20.nóvember - Tbl 46
Vill kanna ásakanir Eyþings gegn fyrrum framkvæmdastjóra
Fulltrúi í sveitarstjórn Svalbarðsstrandarhrepps telur ástæðu til að leita sannleikans varðandi ásakanir stjórnar Eyþings um kynferðislega áreitni fyrrverandi framkvæmdastjóra samtakanna sem settar voru fram í tengslum við brottrekstur hans.
Valtýr Þór Hreiðarsson, fulltrúi í sveitarstjórn, tók málið fyrir í bókun á fundi sveitarstjórnar sl. þriðjudag. Hann rifjaði sérstaklega upp þau orð í yfirlýsingu stjórnar Samtaka sveitarfélaga og atvinnuþróunar á Norðurlandi eystra, SSNE, og fyrrverandi stjórnarmanna Eyþings um að stjórn Eyþings hefði aldrei sakað framkvæmdastjórann fyrrverandi um kynferðislega áreitni á vinnustað og að þau orð væru frá honum sjálfum komin.
Valtýr segist hafa rætt við vitni sem kölluð voru til við aðalmeðferð máls framkvæmdastjórans fyrrverandi fyrir Héraðsdómi og hafi framburður þeirra verið í algerri andstöðu við fullyrðingar stjórnar.
Forsaga málsins er sú að Pétur Þór Jónasson fyrrverandi framkvæmdastjóri Eyþings höfðaði mál til heimtu bóta vegna meintrar ólögmætrar uppsagnar ráðningarsamnings. Stjórn Eyþings sagði Pétri Þór upp störfum þann 31. janúar 2019 að undangengnum tilraunum til gerðar starfslokasamnings.
Í vor samþykkti bæjarráð Akureyrar beiðni SSNE, nýs landshlutasamtaka á Norðurlandi, um aukaframlag upp á tæpar tíu milljónir króna vegna dómsáttar í máli Péturs Þórs gegn Eyþingi. Gerð var dómsátt við Pétur sem fólst í eingreiðslu að fjárhæð 14.800.000 kr. og að deilum aðila um starfslokin væri þar með lokið.
Bæjarfulltrúi Sjálfstæðisflokksins á Akureyri lagði fram bókun um að aldrei hefði þurft að koma til þess neikvæða ferlis sem er lokið með dómssáttinni ef rétt hefði verið haldið á starfslokamáli fyrrverandi framkvæmdastjóra Eyþings frá upphafi.
Nýjast
-
AtNorth stækkar gagnaver sitt á Akureyri Glatvarmi nýttur til matvælaframleiðslu
Fyrirtækið atNorth vinnur að stækkun gagnavers síns á Akureyri. Einnig hefur félagið kynnt nýtt samstarf um endurheimt og nýtingu varma. Stækkun tveggja gagnavera atnorth, á Akureyri og í Reykjanesbæ er þegar hafin. -
easyJet lengir flugtímabil frá London til Akureyrar
Breska flugfélagið easyJet tilkynnti í dag að það muni bæta við flugferðum frá London Gatwick til Akureyrar í apríl 2025, og í október 2025. Áður stóð til að fljúga út mars á næsta ári, og hefja flugin að nýju í nóvember. Flugfélagið verður því mánuði lengur með flug í boði þennan vetur og að auki næsta haust. -
Snjómokstur í bænum
Töluvert hefur snjóað í bænum um helgina og þennan mánudagsmorguninn er víða illfært um íbúðagötur og stíga. Unnið er að snjómokstri og er mikill fjöldi tækja í notkun á vegum sveitarfélagsins og verktaka. -
Íþróttir fyrir alla!
Hver króna sem fer til íþróttafélaga er króna sem skilar sér margfalt til baka í samfélagið. Um kosti íþróttastarfs á Íslandi verður ekki deilt. Starfið er faglegt, fjölbreytt og gott. Það sem hefur breyst á undanförnum árum er að íþróttir eru gríðarlega atvinnuskapandi. Félögin á Íslandi í dag eru orðin stærri og komin með fleiri starfsmenn í full störf. Ásamt því að afleidd störf tengd íþróttum á Íslandi, t.d. í ferðaþjónustu, eru orðin ansi mörg og drjúg. -
Hið fullkomna stjórnarfar
Mannkynið hefur gert tilraunir með margskonar stjórnarfar. Þetta lærdómsferli hefur því miður kostnað blóð og mannfórnir en það hefur fært okkur vitneskjuna um að lýðræði er besta stjórnarfarið sem mannkynið hefur þekkt. Ekkert stjórnskipulag hefur fært mannkyni jafn miklar framfarir, öryggi, réttlæti og almenna hagsæld en lýðræðið. -
Hættum að slá ryki í augun á fólki !
Greinin er skrifuð í nafni Stangaveiðifélags Akureyrar, Stangaveiðifélagsins Flúða, Veiðifélags Fnjóskár, Veiðifélags Eyjafjarðarár, Veiðifélags Hörgár, Fiskirannsókna ehf, félagsskapar sem kallast Bleikjan - Styðjum stofninn, SUNN - Samtaka um náttúruvernd á Norðurlandi, Landssambands veiðifélaga, NASF – Verndarsjóðs villtra laxastofna og Íslenska náttúruverndarsjóðsins – IWF. -
Eldri borgarar hafa áhyggjur af öryggismálum í Sölku
Fulltrúar í Félagi Eldri borgara á Akureyri hafa lýst yfir áhyggjum sínum af öryggismálum í kjallara félagsmiðstöðvarinnar Sölku í Víðilundi á Akureyri. Þeir hvetja til þess að vinnueftirlit, heilbrigðiseftirlit og eldvarnareftirlit verði fengið til að gera heildarúttekt á húsnæðinu vegna þeirrar starfsemi sem þar fer fram á vegum Akureyrarbæjar. -
Gestir í Lystigarði um 159 þúsund á 10 mánuðum
Alls heimsóttu rúmlega 159 þúsund gestir í Lystigarðinni á Akureyri á 10 mánaða tímabili, frá byrjun janúar til loka október samkvæmt teljurum sem þar eru. Þetta kemur fram í minnisblaði sem fjallað var um á fundi umhverfis- og mannvirkjaráðs. -
Sólveig Lára er Ungskáld Akureyrar 2024
Það var vel við hæfi að í dag, á degi íslenskrar tungu, voru úrslit í ritlistakeppni Ungskálda 2024 kunngjörð á Amtsbókasafninu. Fyrstu veðlaun hlaut Sólveig Lára Skarphéðinsdóttir fyrir verkið Stök.
