20. nóvember - 27. nóvember - Tbl 47
Vilja byggingarsvæði fyrir eldri borgara á Akureyri
Skortur er á húsnæði fyrir eldri borgara á Akureyri.
EBAK og Búfesti hsf. hafa lagt inn erindi hjá bæjaryfirvöldum á Akureyri með ósk um að tekið verði frá byggingarsvæði fyrir umtalsverðan fjöld íbúða sem væru í forgangi fyrir 60 ára og eldri. Í tilkynningu frá Búfesti segir að um gæti verið að ræða byggingarsvæði í þægilegu nágrenni við fyrirliggjandi þjónustukjarna við eldri borgara eða á nýju svæði þar sem þá væri frá upphafi gert ráð fyrir tiltekinni uppbyggingu á þjónustu í samstarfi við aðila.
„Greinilegt er að mikil þörf er að byggja húsnæði sem sérstaklega tekur mið af þörfum þessa þjóðfélagshóps varðandi aðgengi og innréttingar. Aðstæður eldri borgara eru auðvitað mjög mismunandi að því er eignir og lífeyri varðar,“ segir í tilkynningu. Samtöl milli forystufólks EBAK og Búfesti hsf. ganga út á það að í stærri íbúðakjörnum sem byggðir væru á vegum félaganna mundi vera unnt að mæta öllum þessum hópum; með byggingu leiguíbúða með stofnstyrkjum mætti koma til móts við lakast setta hópinn, leiguíbúðir og hóflegur búseturéttur getur síðan mætt þörfum langflestra og til viðbótar mætti bjóða efnalega vel settum að fullfjármagna sínar íbúðir í búseturétti eða séreign - en þó með föstum kjörum varðandi endursölu.
Aðkallandi þörf
Benedikt Sigurðarson, framkvæmdastjóri Búfesti, segir mikla þörf fyrir húsnæði fyrir eldri borgara í bæjarfélaginu. Hann bendir á að ekkert leiguhúsnæði sé í forgangi fyrir eldri borgara og ekkert hafi verið byggt í forgang fyrir þennan aldurshóp af ódýrari gerðum íbúða. Benedikt segir ennfremur að umtalsvert hlutfall eldri borgara búi í eigin húsnæði sem er þeim erfitt á marga lund, í lyftulausu fjölbýli eða sérbýli með tröppum og stigum og erfiða umhirðu og viðhald.
„Sé litið á aldurssamsetningu íbúa á Akureyri sérstaklega þá staðfestist að hlutfall 50 ára og eldri er orðið talsvert yfir landsmeðaltali. Öll tölfræði bendir til þess að fjöldi aldraðra muni bara halda áfram að aukast og þannig verði mjög vaxandi þörf fyrir sérbúið húsnæði miðað við þessar þarfir,“ segir Benedikt. Hann segir að bæjaryfirvöld hafi tekið jákvætt í erindið.
„Þess vegna reiknum við með því að unnið verði markvisst á næstu vikum þannig að þess verði ekki alltof langt að bíða að ákvörðun um slíka uppbyggingu á íbúðakjarna í forgang fyrir 60 ára og eldri verði fundinn staður í skipulagi og formlegri undirbúningur framkvæmda geti þá hafist,“ segir Benedikt.
Nýjast
-
Örugg skref um allt land.
Heilbrigðiskerfið okkar er hjartað í því velferðarsamfélagi sem tekist hefur að byggja upp á Íslandi. Á yfir 40 fundum sem Samfylkingin bauð til um allt land til að ræða heilbrigðis- og öldrunarmál var ljóst að sinnuleysi og fyrirhyggjuskortur undanfarinna ríkisstjórna er að hola innan öryggistilfinningu fólks. Ekki síst í okkar kjördæmi þar sem vegalengdir eru langar, veður viðsjál og langt til Reykjavíkur. Að heilsugæslan neyðist til að reiða sig á íhlaupalækna til að bjarga vandanum tímabundið stoðar lítt. Það byggir ekki upp það traust og samfellu sem þarf til að fólk njóti þess margháttaða ávinnings sem rannsóknir hafa sýnt að fylgi því að hafa fastan heimilislækni. Enda settum við það sem okkar fyrsta heit í nýju framkvæmdaplani heilbrigðismála til tveggja kjörtímabila. Við erum tilbúin. -
Búsetutengd mismunun í heilbrigðisþjónustu, í boði einkavæðingar og heilbrigðisráðherra Framsóknar.
Búsetutengdur munur á notkun þjónustu sérgreinalækna er mjög mikill. Íbúar dreifbýlis nota þjónustuna mun minna en höfuðborgarbúar og íbúar Vestfjarða og Austfjarða minnst allra, nefnilega þrisvar sinnum minna en höfuðborgarbúar. Lýðheilsuvísar benda ekki til þess að íbúar í dreifbýli séu heilsubetri en höfuðborgarbúar. Nærtæk skýring á þessum mun er að kaupandi þjónustunnar, ríkið, lætur sig engu varða hvar þjónustan er veitt og hún hefur nær öll byggst upp í Reykjavík. Í versta falli er afleiðingin sú að þau sem búa næst þjónustunni nýta hana umfram þörf og hin sem fjær búa minna en æskilegt væri. Hvoru tveggja er hættulegt og brýnt að rýna lög og hvort þeim er fylgt. -
Svik við launafólk: Loforð um samráð brotin með gegndarlausum gjaldskrárhækkunum
Anna Júlíusdóttir formaður Einingar Iðju skrifar bréf til bæjarstjórnar Akureyrar í dag sem birt er að heimasíðu félagsins, það lætur hún í ljós mikla óánægju með boðaðar hækkanir hjá hinum ýmsu fyrirtækjum og stofnunum bæjarins og er óhætt að segja að Önnu sé misboðið. „Við erum tilbúin til uppbyggilegs samtals,“ sögðum við í júlí þegar bæjaryfirvöld á Akureyri boðuðu breytingar á gjaldskrám. Við fögnuðum loforðum um samráð, um víðtækt samtal við hagsmunaaðila og um reglulegt endurmatsferli þar sem allir kæmu að borðinu. Nú aðeins fjórum mánuðum síðar stendur eftir sársaukafullt svik á trausti launafólks. Í stað samtals og samráðs virðast vera að raungerast víðtækar gjaldskrárhækkanir sem eru hrein árás á kaupmátt launafólks. -
Vegamálin liggja þungt á Grímseyingum
Vegamál liggja þungt á heimamönnum í Grímsey. Bundið slitlag var sett á götur þar árið 1994 og aftur árið 2014, en þá var verkið ekki klárað almennilega, „því það mátti bara setja á ákveðið marga kílómetra,“ eins og það er orðað í bókun hverfisnefndar. -
Gripmælar, róbótar og ratleikur á Opnum degi Um 300 framhaldsskólanemendur lögðu leið sína í Háskólann á Akureyri
Stuðið var gífurlegt á dögunum þegar um 300 framhaldsskólanemendur heimsóttu Háskólann á Akureyri á Opnum degi. Skólinn hefur gert þetta í mörg ár í góðu samstarfi við náms- og starfsráðgjafa í framhaldsskólum á norðaustursvæðinu. -
Óska eftir frambjóðendum sem eru tilbúnir í alvöru breytingar!
Ég óska eftir breytingum svo að ég og allir aðrir menntaðir Heilsunuddarar viti hvað við eigum að kjósa í komandi alþingiskosningum. -
Lítið að frétta í lífi án frétta á landsbyggðunum
Af þeim 27 fjölmiðlum sem hlutu rekstrarstuðning til einkarekinna fjölmiðla 2024 voru 13 staðbundnir fjölmiðlar og af þeim 10 staðsettir utan höfuðborgarsvæðisins. Hver og einn af þessum staðbundnu miðlum þjónar gríðarlega mikilvægu hlutverki í sinni heimabyggð og styrkveitingin því sannarlega fagnaðarefni. -
AtNorth stækkar gagnaver sitt á Akureyri Glatvarmi nýttur til matvælaframleiðslu
Fyrirtækið atNorth vinnur að stækkun gagnavers síns á Akureyri. Einnig hefur félagið kynnt nýtt samstarf um endurheimt og nýtingu varma. Stækkun tveggja gagnavera atnorth, á Akureyri og í Reykjanesbæ er þegar hafin. -
easyJet lengir flugtímabil frá London til Akureyrar
Breska flugfélagið easyJet tilkynnti í dag að það muni bæta við flugferðum frá London Gatwick til Akureyrar í apríl 2025, og í október 2025. Áður stóð til að fljúga út mars á næsta ári, og hefja flugin að nýju í nóvember. Flugfélagið verður því mánuði lengur með flug í boði þennan vetur og að auki næsta haust.
