13.nóvember - 20.nóvember - Tbl 46
Verja 40 milljónum til ferða-og menningarstarfsemis
Akureyri.
Bæjarstjórn Akureyrar hefur samþykkt að verja allt að 40 milljónum króna til ferða-og menningarstarfsemis í sumar. Hilda Jana Gísladóttir, bæjarfulltrúi og formaður Akureyrarstofu, greinir frá þessu á Facebooksíðu sinni.
Þar segir Hilda Jana að Akureyrarstofa hafi unnið að undirbúningi aðgerða í ferða- og menningarstarfsemi fyrir það óvenjulega sumar sem framundan er - sumarið 2020. Segir í færslu Hildu Jönu að í undirbúningsferlinu hafi starfsmenn verið í samtali og samskiptum við fjölmarga aðila í ferðaþjónustu, menningarstarfi og viðburðahaldi.
Verkefnið er í þremur liðum. Í fyrsta lagi er um að ræða sérstakt markaðsátak fyrir Akureyri á innanlandsmarkaði. Þar er horft er til þess að byggja markaðssetninguna á sérstöðu svæðisins; nálægð við náttúruna og útivistarmöguleika á sama tíma og í boði er iðandi mannlíf, verslun og góð þjónusta á öllum sviðum. Eins á að vekja athygli á Hrísey og Grímsey.
Til þess að styðja við markaðsátakið og auka og efla framboð hverskonar afþreyingar sem hentar allri fjölskyldunni er annar liður tillögunnar að komið verð á fót styrktarsjóði sem hafi breiða skírskotun. Þannig á hann að ná til fjölbreytilegs hóps aðila í ferðaþjónustu, menningarlífi og íþrótta- og útvistargeira. Markmiðið er að virkja sem flesta sem hafa aðstöðu og sköpunarkraft til að þróa fjölbreytt framboð sem henta fólki á öllum aldri.
Þriðja aðgerðin er aukafjárveiting í menningarsjóð. Hún á að nýtast í skapandi verkefni og menningarviðburði sem geta verið óháðir markaðs- og vöruþróunarátakinu og þar að auki verið verkefni sem ekki koma til framkvæmda fyrr en næsta haust eða vetur. Með því móti segir Hilda Jana að megi bregðast við þeirri eyðu sem orðið hefur í viðburðahaldi og menningarstarfi á meðan á samkomubanni og takmörkunum hefur staðið.
„Ég til þetta ákaflega mikilvæg innspýting fyrir okkar bæjarfélag, bæði nú og til framtíðar. Með þessu móti getum við sýnt í verki að stundum er sókn besta vörnin. Staðan er þröng og óvissan enn mikil en einmitt þess vegna tel ég mikilvægt að sýna líka sóknarhug,“ segir Hilda Jana.
Nýjast
-
AtNorth stækkar gagnaver sitt á Akureyri Glatvarmi nýttur til matvælaframleiðslu
Fyrirtækið atNorth vinnur að stækkun gagnavers síns á Akureyri. Einnig hefur félagið kynnt nýtt samstarf um endurheimt og nýtingu varma. Stækkun tveggja gagnavera atnorth, á Akureyri og í Reykjanesbæ er þegar hafin. -
easyJet lengir flugtímabil frá London til Akureyrar
Breska flugfélagið easyJet tilkynnti í dag að það muni bæta við flugferðum frá London Gatwick til Akureyrar í apríl 2025, og í október 2025. Áður stóð til að fljúga út mars á næsta ári, og hefja flugin að nýju í nóvember. Flugfélagið verður því mánuði lengur með flug í boði þennan vetur og að auki næsta haust. -
Snjómokstur í bænum
Töluvert hefur snjóað í bænum um helgina og þennan mánudagsmorguninn er víða illfært um íbúðagötur og stíga. Unnið er að snjómokstri og er mikill fjöldi tækja í notkun á vegum sveitarfélagsins og verktaka. -
Íþróttir fyrir alla!
Hver króna sem fer til íþróttafélaga er króna sem skilar sér margfalt til baka í samfélagið. Um kosti íþróttastarfs á Íslandi verður ekki deilt. Starfið er faglegt, fjölbreytt og gott. Það sem hefur breyst á undanförnum árum er að íþróttir eru gríðarlega atvinnuskapandi. Félögin á Íslandi í dag eru orðin stærri og komin með fleiri starfsmenn í full störf. Ásamt því að afleidd störf tengd íþróttum á Íslandi, t.d. í ferðaþjónustu, eru orðin ansi mörg og drjúg. -
Hið fullkomna stjórnarfar
Mannkynið hefur gert tilraunir með margskonar stjórnarfar. Þetta lærdómsferli hefur því miður kostnað blóð og mannfórnir en það hefur fært okkur vitneskjuna um að lýðræði er besta stjórnarfarið sem mannkynið hefur þekkt. Ekkert stjórnskipulag hefur fært mannkyni jafn miklar framfarir, öryggi, réttlæti og almenna hagsæld en lýðræðið. -
Hættum að slá ryki í augun á fólki !
Greinin er skrifuð í nafni Stangaveiðifélags Akureyrar, Stangaveiðifélagsins Flúða, Veiðifélags Fnjóskár, Veiðifélags Eyjafjarðarár, Veiðifélags Hörgár, Fiskirannsókna ehf, félagsskapar sem kallast Bleikjan - Styðjum stofninn, SUNN - Samtaka um náttúruvernd á Norðurlandi, Landssambands veiðifélaga, NASF – Verndarsjóðs villtra laxastofna og Íslenska náttúruverndarsjóðsins – IWF. -
Eldri borgarar hafa áhyggjur af öryggismálum í Sölku
Fulltrúar í Félagi Eldri borgara á Akureyri hafa lýst yfir áhyggjum sínum af öryggismálum í kjallara félagsmiðstöðvarinnar Sölku í Víðilundi á Akureyri. Þeir hvetja til þess að vinnueftirlit, heilbrigðiseftirlit og eldvarnareftirlit verði fengið til að gera heildarúttekt á húsnæðinu vegna þeirrar starfsemi sem þar fer fram á vegum Akureyrarbæjar. -
Gestir í Lystigarði um 159 þúsund á 10 mánuðum
Alls heimsóttu rúmlega 159 þúsund gestir í Lystigarðinni á Akureyri á 10 mánaða tímabili, frá byrjun janúar til loka október samkvæmt teljurum sem þar eru. Þetta kemur fram í minnisblaði sem fjallað var um á fundi umhverfis- og mannvirkjaráðs. -
Sólveig Lára er Ungskáld Akureyrar 2024
Það var vel við hæfi að í dag, á degi íslenskrar tungu, voru úrslit í ritlistakeppni Ungskálda 2024 kunngjörð á Amtsbókasafninu. Fyrstu veðlaun hlaut Sólveig Lára Skarphéðinsdóttir fyrir verkið Stök.
