13.nóvember - 20.nóvember - Tbl 46
„Verður mjög erfitt fyrir mörg fyrirtæki á svæðinu“
Von er á 350 þúsund ferðamönnum á Norðurland í sumar.
Mikil óvissa er í ferðaþjónustu á Norðurlandi í sumar vegna gjaldþrots Wow Air að sögn Arnheiðar Jóhannsdóttur framkvæmdastjóra Markaðsstofu Norðurlands. Arnheiður segir að horfur fyrir sumarið hafi verið góðar, bókunarstaða víðast verið betri en á sama tíma í fyrra og almennt verið mikil bjartsýni fyrir sumrinu áður Wow Air fór í þrot.
Von er á ríflega 650 þúsund ferðamönnum á Norðurland í ár og þar af ríflega 350 þúsund yfir sumartímann. „Almennt vita menn lítið um hver áhrifin verða því upplýsingar eru ekki til staðar um hversu stór hluti af bókunum koma í gegnum Wow. Fólk er að tala við söluaðila erlendis og einnig að taka við afbókunum, breytingum og fyrirspurnum þessa dagana,“ segir Arnheiður.
Afbókanir og fyrirtæki halda að sér höndum
Hún óttast að áhrifin verði veruleg og eru viðbrögð ferðaþjónustufyrirtækja almennt þau að halda að sér höndum varðandi mannaráðningar og skipuleggja sumarið miðað við að sjá fram á fækkun. „Afbókanir fóru að berast strax og ljóst var hvernig færi, en einnig höfðu bókanir minnkað vikurnar á undan vegna óvissunnar. Þetta verður mjög erfitt fyrir mörg fyrirtæki á svæðinu. Sumarið í fyrra var ekki gott og við hefðum því þurft að sjá gott sumar framundan,“ segir Arnheiður.
Arnheiður Jóhannsdóttir
Mega ekki við miklum sveiflum
Stærstur hluti ferðaþjónustufyrirtækja á Norðurlandi eru lítil fyrirtæki sem mega ekki við miklum sveiflum að sögn Arnheiðar. „Árstíðasveiflan er ennþá gríðarleg hjá okkur þótt að við höfum náð að lengja tímabilið fram í október til nóvember víðast hvar. Fyrirtæki eru að ná inn langstærstum hluta tekna sinna yfir sumarið og því ljóst að skammtímaáhrifin af falli Wow verða mikil á þessu svæði. Við eigum von á því að sjá önnur flugfélög stíga að einhverju leiti inn í þá eftirspurn sem er eftir flugi til Íslands yfir sumartímann og að þeir farþegar skili sér norður,“ segir Arnheiður.
Mikill kraftur í okkar fólki
Arnheiður segir að fólk í ferðaþjónustu láti þó ekki deigan síga. Ferðaþjónustan sé í mikilli þróun og ýmsar nýjungar á Norðurlandi. „Voigt Travel flýgur hingað í sumar frá Rotterdam og Super Break verður hér aftur næsta vetur. Einnig erum við að þróa nýtt verkefni, Norðurstrandarleið (Arctic Coast Way), sem ætlað er að vekja athygli á Norðurlandi og hefur þegar vakið mikla athygli erlendis. Það er því ljóst að þrátt fyrir mikil skammtímaáhrif af falli Wow Air þá eru allar forsendur til staðar til þess að ferðaþjónustan á Norðurlandi haldi áfram að vaxa og dafna enda er mikill kraftur í okkar fólki og mikil þróun framundan,“ segir Arnheiður Jóhannsdóttir.
Nýjast
-
Búsetutengd mismunun í heilbrigðisþjónustu, í boði einkavæðingar og heilbrigðisráðherra Framsóknar.
Búsetutengdur munur á notkun þjónustu sérgreinalækna er mjög mikill. Íbúar dreifbýlis nota þjónustuna mun minna en höfuðborgarbúar og íbúar Vestfjarða og Austfjarða minnst allra, nefnilega þrisvar sinnum minna en höfuðborgarbúar. Lýðheilsuvísar benda ekki til þess að íbúar í dreifbýli séu heilsubetri en höfuðborgarbúar. Nærtæk skýring á þessum mun er að kaupandi þjónustunnar, ríkið, lætur sig engu varða hvar þjónustan er veitt og hún hefur nær öll byggst upp í Reykjavík. Í versta falli er afleiðingin sú að þau sem búa næst þjónustunni nýta hana umfram þörf og hin sem fjær búa minna en æskilegt væri. Hvoru tveggja er hættulegt og brýnt að rýna lög og hvort þeim er fylgt. -
Svik við launafólk: Loforð um samráð brotin með gegndarlausum gjaldskrárhækkunum
Anna Júlíusdóttir formaður Einingar Iðju skrifar bréf til bæjarstjórnar Akureyrar í dag sem birt er að heimasíðu félagsins, það lætur hún í ljós mikla óánægju með boðaðar hækkanir hjá hinum ýmsu fyrirtækjum og stofnunum bæjarins og er óhætt að segja að Önnu sé misboðið. „Við erum tilbúin til uppbyggilegs samtals,“ sögðum við í júlí þegar bæjaryfirvöld á Akureyri boðuðu breytingar á gjaldskrám. Við fögnuðum loforðum um samráð, um víðtækt samtal við hagsmunaaðila og um reglulegt endurmatsferli þar sem allir kæmu að borðinu. Nú aðeins fjórum mánuðum síðar stendur eftir sársaukafullt svik á trausti launafólks. Í stað samtals og samráðs virðast vera að raungerast víðtækar gjaldskrárhækkanir sem eru hrein árás á kaupmátt launafólks. -
Vegamálin liggja þungt á Grímseyingum
Vegamál liggja þungt á heimamönnum í Grímsey. Bundið slitlag var sett á götur þar árið 1994 og aftur árið 2014, en þá var verkið ekki klárað almennilega, „því það mátti bara setja á ákveðið marga kílómetra,“ eins og það er orðað í bókun hverfisnefndar. -
Gripmælar, róbótar og ratleikur á Opnum degi Um 300 framhaldsskólanemendur lögðu leið sína í Háskólann á Akureyri
Stuðið var gífurlegt á dögunum þegar um 300 framhaldsskólanemendur heimsóttu Háskólann á Akureyri á Opnum degi. Skólinn hefur gert þetta í mörg ár í góðu samstarfi við náms- og starfsráðgjafa í framhaldsskólum á norðaustursvæðinu. -
Óska eftir frambjóðendum sem eru tilbúnir í alvöru breytingar!
Ég óska eftir breytingum svo að ég og allir aðrir menntaðir Heilsunuddarar viti hvað við eigum að kjósa í komandi alþingiskosningum. -
Lítið að frétta í lífi án frétta á landsbyggðunum
Af þeim 27 fjölmiðlum sem hlutu rekstrarstuðning til einkarekinna fjölmiðla 2024 voru 13 staðbundnir fjölmiðlar og af þeim 10 staðsettir utan höfuðborgarsvæðisins. Hver og einn af þessum staðbundnu miðlum þjónar gríðarlega mikilvægu hlutverki í sinni heimabyggð og styrkveitingin því sannarlega fagnaðarefni. -
AtNorth stækkar gagnaver sitt á Akureyri Glatvarmi nýttur til matvælaframleiðslu
Fyrirtækið atNorth vinnur að stækkun gagnavers síns á Akureyri. Einnig hefur félagið kynnt nýtt samstarf um endurheimt og nýtingu varma. Stækkun tveggja gagnavera atnorth, á Akureyri og í Reykjanesbæ er þegar hafin. -
easyJet lengir flugtímabil frá London til Akureyrar
Breska flugfélagið easyJet tilkynnti í dag að það muni bæta við flugferðum frá London Gatwick til Akureyrar í apríl 2025, og í október 2025. Áður stóð til að fljúga út mars á næsta ári, og hefja flugin að nýju í nóvember. Flugfélagið verður því mánuði lengur með flug í boði þennan vetur og að auki næsta haust. -
Snjómokstur í bænum
Töluvert hefur snjóað í bænum um helgina og þennan mánudagsmorguninn er víða illfært um íbúðagötur og stíga. Unnið er að snjómokstri og er mikill fjöldi tækja í notkun á vegum sveitarfélagsins og verktaka.
