Veður hefur áhrif á aðsókn
„Við höfðum sett markið á að fá til okkar um 15 þúsund gesti í sumar en veðrið hefur sett strik í þann reikning,“ segir Guðbergur Egill Eyjólfsson sem rekur ásamt eiginkonu sinni, Birnu Kristínu Friðriksdóttur húsdýragarðinn Daladýrð á bænum Brúnagerði í Fnjóskadal, skammt innan við Vaglaskóg. Þetta er þriðja sumarið sem þau reka húsdýragarð á bænum, það fyrst komu 5000 gestir í heimsókn og í fyrra voru þeir 10 þúsund talsins. Ríflega 15 mínútur tekur að aka frá Akureyri í Daladýrð eftir að Vaðlaheiðagöng voru tekin í notkun.
Guðbergur segir að kuldi og bleyta norðan heiða setji mark sitt á reksturinn þetta sumarið, en enn má halda í þá von að stytti upp og þeir Akureyringar sem eltu sólina suður á land eigi eftir að skila sér síðsumar og snemma hausts. Metaðsókn var í Daladýrð um síðustu páska en þá lék veðrið við íbúa á norðanverðu landinu. „Fólk er eðlilega meira á ferðinni í góðu veðri, það hvernig viðrar hefur mikið að segja um hver aðsókn er,“ segir hann.
Starfsemin fer m.a. fram í minkahúsi sem fyrir var á jörðinni, þar er svæði fyrir börn til að stökkva í hey, veitingasalur með sætum og fyrr í sumar var sett þar upp fræðslusýning um íslensku sauðkindina. Hún er hönnuð þannig að börn og fullorðnir geti farið saman í gegn um sýninguna og höfðað er til þeirra sem ekki eru kunnugir fjárbúskap og sveitalífi.
Klifurgrindin er vinsæl hjá geitunum
Utandyra er leiksvæði fyrir börn og hægt er að ganga í góðan hring út frá minkahúsinu og koma við hjá húsdýrunum í leiðinni. Á bænum eru hestar, kýr og kindur, geitur og svín og einnig er þar að finna heimilishund, ketti, hænur, endur, dúfur og kanínur svo eitthvað sé nefnt. Klifurgreind fyrir geiturnar var sett upp í vor og kunna þær vel að meta að hafa þanan möguleika að klifra upp á efsta pall og njóta útsýnis.
Tveir refir eru í húsdýragarðinum og verður starfsemin í vetur byggð að hluta til í kringum þá.
Nýjast
-
Svik við launafólk: Loforð um samráð brotin með gegndarlausum gjaldskrárhækkunum
Anna Júlíusdóttir formaður Einingar Iðju skrifar bréf til bæjarstjórnar Akureyrar í dag sem birt er að heimasíðu félagsins, það lætur hún í ljós mikla óánægju með boðaðar hækkanir hjá hinum ýmsu fyrirtækjum og stofnunum bæjarins og er óhætt að segja að Önnu sé misboðið. „Við erum tilbúin til uppbyggilegs samtals,“ sögðum við í júlí þegar bæjaryfirvöld á Akureyri boðuðu breytingar á gjaldskrám. Við fögnuðum loforðum um samráð, um víðtækt samtal við hagsmunaaðila og um reglulegt endurmatsferli þar sem allir kæmu að borðinu. Nú aðeins fjórum mánuðum síðar stendur eftir sársaukafullt svik á trausti launafólks. Í stað samtals og samráðs virðast vera að raungerast víðtækar gjaldskrárhækkanir sem eru hrein árás á kaupmátt launafólks. -
Vegamálin liggja þungt á Grímseyingum
Vegamál liggja þungt á heimamönnum í Grímsey. Bundið slitlag var sett á götur þar árið 1994 og aftur árið 2014, en þá var verkið ekki klárað almennilega, „því það mátti bara setja á ákveðið marga kílómetra,“ eins og það er orðað í bókun hverfisnefndar. -
Gripmælar, róbótar og ratleikur á Opnum degi Um 300 framhaldsskólanemendur lögðu leið sína í Háskólann á Akureyri
Stuðið var gífurlegt á dögunum þegar um 300 framhaldsskólanemendur heimsóttu Háskólann á Akureyri á Opnum degi. Skólinn hefur gert þetta í mörg ár í góðu samstarfi við náms- og starfsráðgjafa í framhaldsskólum á norðaustursvæðinu. -
Óska eftir frambjóðendum sem eru tilbúnir í alvöru breytingar!
Ég óska eftir breytingum svo að ég og allir aðrir menntaðir Heilsunuddarar viti hvað við eigum að kjósa í komandi alþingiskosningum. -
Lítið að frétta í lífi án frétta á landsbyggðunum
Af þeim 27 fjölmiðlum sem hlutu rekstrarstuðning til einkarekinna fjölmiðla 2024 voru 13 staðbundnir fjölmiðlar og af þeim 10 staðsettir utan höfuðborgarsvæðisins. Hver og einn af þessum staðbundnu miðlum þjónar gríðarlega mikilvægu hlutverki í sinni heimabyggð og styrkveitingin því sannarlega fagnaðarefni. -
AtNorth stækkar gagnaver sitt á Akureyri Glatvarmi nýttur til matvælaframleiðslu
Fyrirtækið atNorth vinnur að stækkun gagnavers síns á Akureyri. Einnig hefur félagið kynnt nýtt samstarf um endurheimt og nýtingu varma. Stækkun tveggja gagnavera atnorth, á Akureyri og í Reykjanesbæ er þegar hafin. -
easyJet lengir flugtímabil frá London til Akureyrar
Breska flugfélagið easyJet tilkynnti í dag að það muni bæta við flugferðum frá London Gatwick til Akureyrar í apríl 2025, og í október 2025. Áður stóð til að fljúga út mars á næsta ári, og hefja flugin að nýju í nóvember. Flugfélagið verður því mánuði lengur með flug í boði þennan vetur og að auki næsta haust. -
Snjómokstur í bænum
Töluvert hefur snjóað í bænum um helgina og þennan mánudagsmorguninn er víða illfært um íbúðagötur og stíga. Unnið er að snjómokstri og er mikill fjöldi tækja í notkun á vegum sveitarfélagsins og verktaka. -
Íþróttir fyrir alla!
Hver króna sem fer til íþróttafélaga er króna sem skilar sér margfalt til baka í samfélagið. Um kosti íþróttastarfs á Íslandi verður ekki deilt. Starfið er faglegt, fjölbreytt og gott. Það sem hefur breyst á undanförnum árum er að íþróttir eru gríðarlega atvinnuskapandi. Félögin á Íslandi í dag eru orðin stærri og komin með fleiri starfsmenn í full störf. Ásamt því að afleidd störf tengd íþróttum á Íslandi, t.d. í ferðaþjónustu, eru orðin ansi mörg og drjúg.
