13.nóvember - 20.nóvember - Tbl 46
Úthlutuðu styrkjum úr minningarsjóði Baldvins
Hetjunum, félagi langveikra barna á Norðurlandi, var veittur peningastyrkur upp á eina milljón króna. Verður styrkurinn nýttur í að efla íþrótta og tómstundastyrk Hetjanna. Mynd/Minningarsjóður.
Nýverið var heiðruð minning Baldvins Rúnarssonar með veglegri úthlutun úr minningarsjóðnum í hans nafni en Baldvin hefði fagnað afmæli sínu þann 15. janúar. Minningarsjóður Baldvins Rúnarssonar var settur á stofn í júnímánuði af fjölskyldu og vinum Baldvins sem lést þann 31.maí sl. eftir fimm ára baráttu við krabbamein.
Sjóðnum er ætlað að styrkja einstaklinga, félög eða hópa á sviði íþrótta- og mannúðarmála sem er í anda Baldvins. Göngudeild Sjúkrahússins á Akureyri, þar sem Baldvin dvaldi í sinni meðferð, var færður að gjöf meðferðarstóll að verðmæti 830 þúsund krónur. Þá fékk Glerárskóli styrk en þar var Baldvin nemandi frá 4.bekk og þar til hann útskrifaðist úr 10.bekk. Fékk Glerárskóli Canon myndavél og Marshall ferðahátalara að gjöf.
Í minningarleik Baldvins þar sem Þór og Magni áttust við í Boganum á Kjarnafæðismótinu í knattspyrnu var leikmannahópum beggja liða færður þakklætisvottur fyrir sína þátttöku en bæði lið fengu nuddbyssu að gjöf frá sjóðnum. Vert er að taka fram að leikmenn og þjálfarar borguðu sig inn á leikinn.
Í hálfleik í þeim leik var Hetjunum, félagi langveikra barna á Norðurlandi, veittur peningastyrkur upp á eina milljón króna. Verður styrkurinn nýttur í að efla íþrótta og tómstundastyrk Hetjanna. Nam heildarúthlutun sjóðsins á þessum fyrsta afmælisdegi Baldvins eftir andlát hans, 2.120.000 krónum.
Nýjast
-
AtNorth stækkar gagnaver sitt á Akureyri Glatvarmi nýttur til matvælaframleiðslu
Fyrirtækið atNorth vinnur að stækkun gagnavers síns á Akureyri. Einnig hefur félagið kynnt nýtt samstarf um endurheimt og nýtingu varma. Stækkun tveggja gagnavera atnorth, á Akureyri og í Reykjanesbæ er þegar hafin. -
easyJet lengir flugtímabil frá London til Akureyrar
Breska flugfélagið easyJet tilkynnti í dag að það muni bæta við flugferðum frá London Gatwick til Akureyrar í apríl 2025, og í október 2025. Áður stóð til að fljúga út mars á næsta ári, og hefja flugin að nýju í nóvember. Flugfélagið verður því mánuði lengur með flug í boði þennan vetur og að auki næsta haust. -
Snjómokstur í bænum
Töluvert hefur snjóað í bænum um helgina og þennan mánudagsmorguninn er víða illfært um íbúðagötur og stíga. Unnið er að snjómokstri og er mikill fjöldi tækja í notkun á vegum sveitarfélagsins og verktaka. -
Íþróttir fyrir alla!
Hver króna sem fer til íþróttafélaga er króna sem skilar sér margfalt til baka í samfélagið. Um kosti íþróttastarfs á Íslandi verður ekki deilt. Starfið er faglegt, fjölbreytt og gott. Það sem hefur breyst á undanförnum árum er að íþróttir eru gríðarlega atvinnuskapandi. Félögin á Íslandi í dag eru orðin stærri og komin með fleiri starfsmenn í full störf. Ásamt því að afleidd störf tengd íþróttum á Íslandi, t.d. í ferðaþjónustu, eru orðin ansi mörg og drjúg. -
Hið fullkomna stjórnarfar
Mannkynið hefur gert tilraunir með margskonar stjórnarfar. Þetta lærdómsferli hefur því miður kostnað blóð og mannfórnir en það hefur fært okkur vitneskjuna um að lýðræði er besta stjórnarfarið sem mannkynið hefur þekkt. Ekkert stjórnskipulag hefur fært mannkyni jafn miklar framfarir, öryggi, réttlæti og almenna hagsæld en lýðræðið. -
Hættum að slá ryki í augun á fólki !
Greinin er skrifuð í nafni Stangaveiðifélags Akureyrar, Stangaveiðifélagsins Flúða, Veiðifélags Fnjóskár, Veiðifélags Eyjafjarðarár, Veiðifélags Hörgár, Fiskirannsókna ehf, félagsskapar sem kallast Bleikjan - Styðjum stofninn, SUNN - Samtaka um náttúruvernd á Norðurlandi, Landssambands veiðifélaga, NASF – Verndarsjóðs villtra laxastofna og Íslenska náttúruverndarsjóðsins – IWF. -
Eldri borgarar hafa áhyggjur af öryggismálum í Sölku
Fulltrúar í Félagi Eldri borgara á Akureyri hafa lýst yfir áhyggjum sínum af öryggismálum í kjallara félagsmiðstöðvarinnar Sölku í Víðilundi á Akureyri. Þeir hvetja til þess að vinnueftirlit, heilbrigðiseftirlit og eldvarnareftirlit verði fengið til að gera heildarúttekt á húsnæðinu vegna þeirrar starfsemi sem þar fer fram á vegum Akureyrarbæjar. -
Gestir í Lystigarði um 159 þúsund á 10 mánuðum
Alls heimsóttu rúmlega 159 þúsund gestir í Lystigarðinni á Akureyri á 10 mánaða tímabili, frá byrjun janúar til loka október samkvæmt teljurum sem þar eru. Þetta kemur fram í minnisblaði sem fjallað var um á fundi umhverfis- og mannvirkjaráðs. -
Sólveig Lára er Ungskáld Akureyrar 2024
Það var vel við hæfi að í dag, á degi íslenskrar tungu, voru úrslit í ritlistakeppni Ungskálda 2024 kunngjörð á Amtsbókasafninu. Fyrstu veðlaun hlaut Sólveig Lára Skarphéðinsdóttir fyrir verkið Stök.
