13.nóvember - 20.nóvember - Tbl 46
Undirskriftalisti þar sem mótmælt er skipulagsbreytingum á Oddeyrinni
Fyrirhugaðar skipulagsbreytingar á Oddeyrinni hafa verið mikið til umræðu á meðal íbúa Akureyrar. Ljósmynd: Þórhallur/Pedromyndir
Hátt í hundrað manns hafa skrifað nafn sitt á undirskriftalista á vef Þjóðskrár Íslands þar sem mótmælt er fyrirhuguðum háhýsabyggingum á Oddeyrinni á Akureyri. Ábyrgðarmaður undirskriftalistans er Björgvin Ólafsson.
Eins og fjallað hefur verið um undanfarið er fyrirhugað að reisa allt að 11 hæða byggingar á Oddeyrinni og eru hugmyndirnar afar umdeildar í bæjarfélaginu.
Um undirskriftalistann segir:
„Listi þessi er settur í loftið til þess að gera almenningi auðveldara fyrir að mótmæla þeirri tillögu sem bæjarstjórn Akureyrar hefur nú nýverið samþykkt er varðar breytingar á núverandi deiluskipulagi Oddeyrarinnar. Það svæði sem um ræðir afmarkast af Hjalteyrargötu til vesturs, Gránufélagsgötu til norðurs, Kaldbaksgötu til austurs og Strandgötu til suðurs. Tillögurnar eru algjörlega á skjön við þá lýsingu sem þegar er búið að samþykkja vegna uppbyggingar á Oddeyrinni. Hæð þessara húsa myndu rýra verulega þá byggingarreiti sem þarna eru næst í kring sem og varpa miklum skugga á núverandi byggð til vesturs.
Þessi skipulagslýsing er unnin að án samráðs við núverandi eigendur þeirra húsa sem þarna fyrir eru og eftir að hún var kynnt í Hofi síðastliðinn mánudag hefur skipulagssvið þegar hótað eignarnámi séu menn ekki til í að selja bara strax. Hæð húsa mun ógna öryggi í aðflugi að Akureyrarflugvelli. Ekki er búið að rannsaka áhrif mengunar frá skemmtiferðaskipum í þessari hæð en fyrir liggur af þeim tölum sem borist hafa frá hafnaryfirvöldum að hún er veruleg. Bílastæða- og umferðaröryggismál hafa ekki verið könnuð, en þarna er ráðgert á litlum bletti að koma fyrir allt að 150 íbúðum.
Vanvirðing við Gránufélagshúsin með þessari tillögu er algjör. Samkvæmt þeirri skipulagslýsingu sem sviðstjóri skipulagssviðs bæjarins auglýsti nú þann 16. október síðastliðinn er gert ráð fyrir að veita einum verktaka leyfi til þess að byggja allt að fjórar 11 hæða blokkir á umræddum reit en núgildandi deiluskipulag þar gerir ráð fyrir 3-4 hæða íbúðarhúsnæði þar.“
Nýjast
-
Gripmælar, róbótar og ratleikur á Opnum degi Um 300 framhaldsskólanemendur lögðu leið sína í Háskólann á Akureyri
Stuðið var gífurlegt á dögunum þegar um 300 framhaldsskólanemendur heimsóttu Háskólann á Akureyri á Opnum degi. Skólinn hefur gert þetta í mörg ár í góðu samstarfi við náms- og starfsráðgjafa í framhaldsskólum á norðaustursvæðinu. -
Óska eftir frambjóðendum sem eru tilbúnir í alvöru breytingar!
Ég óska eftir breytingum svo að ég og allir aðrir menntaðir Heilsunuddarar viti hvað við eigum að kjósa í komandi alþingiskosningum. -
Lítið að frétta í lífi án frétta á landsbyggðunum
Af þeim 27 fjölmiðlum sem hlutu rekstrarstuðning til einkarekinna fjölmiðla 2024 voru 13 staðbundnir fjölmiðlar og af þeim 10 staðsettir utan höfuðborgarsvæðisins. Hver og einn af þessum staðbundnu miðlum þjónar gríðarlega mikilvægu hlutverki í sinni heimabyggð og styrkveitingin því sannarlega fagnaðarefni. -
AtNorth stækkar gagnaver sitt á Akureyri Glatvarmi nýttur til matvælaframleiðslu
Fyrirtækið atNorth vinnur að stækkun gagnavers síns á Akureyri. Einnig hefur félagið kynnt nýtt samstarf um endurheimt og nýtingu varma. Stækkun tveggja gagnavera atnorth, á Akureyri og í Reykjanesbæ er þegar hafin. -
easyJet lengir flugtímabil frá London til Akureyrar
Breska flugfélagið easyJet tilkynnti í dag að það muni bæta við flugferðum frá London Gatwick til Akureyrar í apríl 2025, og í október 2025. Áður stóð til að fljúga út mars á næsta ári, og hefja flugin að nýju í nóvember. Flugfélagið verður því mánuði lengur með flug í boði þennan vetur og að auki næsta haust. -
Snjómokstur í bænum
Töluvert hefur snjóað í bænum um helgina og þennan mánudagsmorguninn er víða illfært um íbúðagötur og stíga. Unnið er að snjómokstri og er mikill fjöldi tækja í notkun á vegum sveitarfélagsins og verktaka. -
Íþróttir fyrir alla!
Hver króna sem fer til íþróttafélaga er króna sem skilar sér margfalt til baka í samfélagið. Um kosti íþróttastarfs á Íslandi verður ekki deilt. Starfið er faglegt, fjölbreytt og gott. Það sem hefur breyst á undanförnum árum er að íþróttir eru gríðarlega atvinnuskapandi. Félögin á Íslandi í dag eru orðin stærri og komin með fleiri starfsmenn í full störf. Ásamt því að afleidd störf tengd íþróttum á Íslandi, t.d. í ferðaþjónustu, eru orðin ansi mörg og drjúg. -
Hið fullkomna stjórnarfar
Mannkynið hefur gert tilraunir með margskonar stjórnarfar. Þetta lærdómsferli hefur því miður kostnað blóð og mannfórnir en það hefur fært okkur vitneskjuna um að lýðræði er besta stjórnarfarið sem mannkynið hefur þekkt. Ekkert stjórnskipulag hefur fært mannkyni jafn miklar framfarir, öryggi, réttlæti og almenna hagsæld en lýðræðið. -
Hættum að slá ryki í augun á fólki !
Greinin er skrifuð í nafni Stangaveiðifélags Akureyrar, Stangaveiðifélagsins Flúða, Veiðifélags Fnjóskár, Veiðifélags Eyjafjarðarár, Veiðifélags Hörgár, Fiskirannsókna ehf, félagsskapar sem kallast Bleikjan - Styðjum stofninn, SUNN - Samtaka um náttúruvernd á Norðurlandi, Landssambands veiðifélaga, NASF – Verndarsjóðs villtra laxastofna og Íslenska náttúruverndarsjóðsins – IWF.
