13.nóvember - 20.nóvember - Tbl 46
Umferð um Vaðlaheiði jókst um 5,7%
Vaðlaheiðargöng.
Þann 12. janúar sl. var eitt ár liðið síðan Vaðlaheiðargöng voru formlega opnuð fyrir umferð. Vaðlaheiðargöng höfðu verið opnuð fyrir umferð síðdegis 21. desember 2018 og var gjaldfrítt í göngin fyrstu daganna en gjaldtaka hófst formlega 2. janúar 2019.
„Heilt yfir gekk þetta fyrsta starfsár mjög vel fyrir utan að bíll ferðamanna brann í vegskálanum Fnjóskadalsmegin en sem betur fer gekk vel að slökkva og reykræsa göngin þannig að þau voru eingöngu lokuð í stutta stund,“ segir Valgeir Bergmann framkvæmdastjóri Vaðlaheiðarganga.
Nú liggja fyrir ýmsar tölur um umferð í Vaðlaheiðargöngum þetta fyrsta ár gjaldtöku. Skráning á „mitt.veggjald.is“ greiðslusíðu vegna Vaðlaheiðarganga hefur að sögn Valgeirs Bergmanns gengið ágætlega en skráðir virkir notendur eru 23.634 og skráð ökutæki 68.239.
Fjöldi bíla í gegnum Vaðlaheiðargöng
Ef fyrst er skoðaður fjöldi bíla sem var ekið í gegnum Vaðlaheiðargöng á fyrsta rekstrarárinu kemur í ljós að heildarfjöldinn er 528.143 bílar. Á sama tíma fóru 173.980 bílar um Víkurskarð. Heildarfjöldi bíla um Vaðlaheiðargöng og Víkurskarð árið 2019 var því 702.123 bílar í samanburði við 664.463 bíla um Víkurskarð árið 2018. Samanlögð umferð um Vaðlaheiðargöng og Víkurskarð er sem nemur 37.660 bílum meiri árið 2019 en 2018, heildaraukning umferðar milli ára er 5,7%. Mest var umferðin í júlí en þá fór 78.481 bíll í gegnum Vaðlaheiðargöng, í ágúst voru þeir 68.932 og í júní 64.669 bílar. Umferðin er hins vegar minnst í svartasta skammdeginu, í janúar var hún 25.196 bílar, í desember 25.956 og í febrúar 26.104.
Valgeir Bergmann segir heildarumferðina fyrsta rekstrarárið ekki langt frá áætlunum, þrátt fyrir fækkun ferðamanna og frekar óhagstætt veðursfars hér á Norðurlandi á síðasta ári.
Ítarlegri umfjöllun um þetta mál má nálgast í net-og prentútgáfu blaðsins.
Nýjast
-
AtNorth stækkar gagnaver sitt á Akureyri Glatvarmi nýttur til matvælaframleiðslu
Fyrirtækið atNorth vinnur að stækkun gagnavers síns á Akureyri. Einnig hefur félagið kynnt nýtt samstarf um endurheimt og nýtingu varma. Stækkun tveggja gagnavera atnorth, á Akureyri og í Reykjanesbæ er þegar hafin. -
easyJet lengir flugtímabil frá London til Akureyrar
Breska flugfélagið easyJet tilkynnti í dag að það muni bæta við flugferðum frá London Gatwick til Akureyrar í apríl 2025, og í október 2025. Áður stóð til að fljúga út mars á næsta ári, og hefja flugin að nýju í nóvember. Flugfélagið verður því mánuði lengur með flug í boði þennan vetur og að auki næsta haust. -
Snjómokstur í bænum
Töluvert hefur snjóað í bænum um helgina og þennan mánudagsmorguninn er víða illfært um íbúðagötur og stíga. Unnið er að snjómokstri og er mikill fjöldi tækja í notkun á vegum sveitarfélagsins og verktaka. -
Íþróttir fyrir alla!
Hver króna sem fer til íþróttafélaga er króna sem skilar sér margfalt til baka í samfélagið. Um kosti íþróttastarfs á Íslandi verður ekki deilt. Starfið er faglegt, fjölbreytt og gott. Það sem hefur breyst á undanförnum árum er að íþróttir eru gríðarlega atvinnuskapandi. Félögin á Íslandi í dag eru orðin stærri og komin með fleiri starfsmenn í full störf. Ásamt því að afleidd störf tengd íþróttum á Íslandi, t.d. í ferðaþjónustu, eru orðin ansi mörg og drjúg. -
Hið fullkomna stjórnarfar
Mannkynið hefur gert tilraunir með margskonar stjórnarfar. Þetta lærdómsferli hefur því miður kostnað blóð og mannfórnir en það hefur fært okkur vitneskjuna um að lýðræði er besta stjórnarfarið sem mannkynið hefur þekkt. Ekkert stjórnskipulag hefur fært mannkyni jafn miklar framfarir, öryggi, réttlæti og almenna hagsæld en lýðræðið. -
Hættum að slá ryki í augun á fólki !
Greinin er skrifuð í nafni Stangaveiðifélags Akureyrar, Stangaveiðifélagsins Flúða, Veiðifélags Fnjóskár, Veiðifélags Eyjafjarðarár, Veiðifélags Hörgár, Fiskirannsókna ehf, félagsskapar sem kallast Bleikjan - Styðjum stofninn, SUNN - Samtaka um náttúruvernd á Norðurlandi, Landssambands veiðifélaga, NASF – Verndarsjóðs villtra laxastofna og Íslenska náttúruverndarsjóðsins – IWF. -
Eldri borgarar hafa áhyggjur af öryggismálum í Sölku
Fulltrúar í Félagi Eldri borgara á Akureyri hafa lýst yfir áhyggjum sínum af öryggismálum í kjallara félagsmiðstöðvarinnar Sölku í Víðilundi á Akureyri. Þeir hvetja til þess að vinnueftirlit, heilbrigðiseftirlit og eldvarnareftirlit verði fengið til að gera heildarúttekt á húsnæðinu vegna þeirrar starfsemi sem þar fer fram á vegum Akureyrarbæjar. -
Gestir í Lystigarði um 159 þúsund á 10 mánuðum
Alls heimsóttu rúmlega 159 þúsund gestir í Lystigarðinni á Akureyri á 10 mánaða tímabili, frá byrjun janúar til loka október samkvæmt teljurum sem þar eru. Þetta kemur fram í minnisblaði sem fjallað var um á fundi umhverfis- og mannvirkjaráðs. -
Sólveig Lára er Ungskáld Akureyrar 2024
Það var vel við hæfi að í dag, á degi íslenskrar tungu, voru úrslit í ritlistakeppni Ungskálda 2024 kunngjörð á Amtsbókasafninu. Fyrstu veðlaun hlaut Sólveig Lára Skarphéðinsdóttir fyrir verkið Stök.
