20. nóvember - 27. nóvember - Tbl 47
Íbúar uggandi vegna fyrirhugaðrar steypustöðvar
Eins og sjá má á myndinni mun væntanleg bygging á steypustöð og steypueiningarverksmiðju á Rangárvöllum vera nálægt Giljaverfi.
Íbúar í Giljahverfi á Akureyri eru ósáttir við væntanlega byggingu á steypustöð og steypueiningarverksmiðju á Rangárvöllum sem yrði í um 100 m fjarlægð frá íbúahverfi. Hverfisnefnd Giljahverfis hefur fundað um málið og sent inn umsókn til bæjaryfirvalda þar sem væntanlegri byggingu steypustöðvar og einingarverksmiðju er harðlega mótmælt.
Finnur Víkingsson, formaður hverfisnefndarinnar, segir íbúa uggandi yfir stöðunni. „Við héldum öflugan íbúafund rétt fyrir kosningar sl. vor í Giljaskóla þar sem mættu yfir 100 manns. Afstaða íbúa í hverfinu er alveg skýr; við kærum okkur ekki um mengandi verksmiðjustarfsemi svona nálægt íbúahverfi. En ég tek það skýrt fram að við erum ekki í stríði við lóðarhafa heldur erum við að gagnrýna Akureyrarbæ,“ segir Finnur. Hann bendir á að í deiliskipulagi fyrir lóðirnar frá árinu 2007 sé ekki gert ráð fyrir annarri starfsemi en athafnasvæði Landsvirkjunnar, Rarik og Norðurorku. Í umsókn lóðarhafa er óskað eftir stækkun á lóð og þreföldun á byggingarmagni fyrir verksmiðjuna og steypistöðina.
Segir þetta þvert á loforð bæjarfulltrúa
„Okkur finnst bæjaryfirvöld vera að svíkja það sem búið var að lofa fyrir þessu hverfi fyrir kosningarnar sl. vor, en þá sögðu oddvitar allra flokkanna að þarna yrði ekki leyfð mengandi starfsemi sem steypistöð og steypueiningarverksmiðja er og að finna starfseminni annan stað“, segir Finnur.
Hann bendir á að ef lóðarhafi fái leyfið í gegn sé kominn steypistöð, ekki minni en Möl og Sandur, í 100 m fjarlægð frá íbúahverfi. „Það sem er kannski alvarlegast við þetta er að deiliskipulagstillagan sem liggur fyrir hjá bænum hljóðar upp á að þarna megi vera mengandi iðnaður frá klukkan sjö á morgnana til 21 á kvöldin alla virka daga með 55 deselbila meðaltalshávaða við íbúahúsnæði í 100 m fjarlægð. Til að setja þetta í samhengi þá er þetta hámarksgildi á hávaða ef þú átt hús við Miklubraut í Reykjavík.“
Málið var tekið fyrir á síðasta fundi skipulagsráðs þar sem lagðar voru fram kynningar á umsögnum Landsnets, Heilbrigðiseftirlits Norðurlands eystra, SS Byggis ehf. og hverfisnefndar Giljahverfis um tillögur að breytingu á deiliskipulagi iðnaðar- og athafnasvæðis á Rangárvöllum. Afgreiðslu frestað, þar sem umsagnir Norðurorku og Rarik liggja ekki fyrir.
Nýjast
-
Örugg skref um allt land.
Heilbrigðiskerfið okkar er hjartað í því velferðarsamfélagi sem tekist hefur að byggja upp á Íslandi. Á yfir 40 fundum sem Samfylkingin bauð til um allt land til að ræða heilbrigðis- og öldrunarmál var ljóst að sinnuleysi og fyrirhyggjuskortur undanfarinna ríkisstjórna er að hola innan öryggistilfinningu fólks. Ekki síst í okkar kjördæmi þar sem vegalengdir eru langar, veður viðsjál og langt til Reykjavíkur. Að heilsugæslan neyðist til að reiða sig á íhlaupalækna til að bjarga vandanum tímabundið stoðar lítt. Það byggir ekki upp það traust og samfellu sem þarf til að fólk njóti þess margháttaða ávinnings sem rannsóknir hafa sýnt að fylgi því að hafa fastan heimilislækni. Enda settum við það sem okkar fyrsta heit í nýju framkvæmdaplani heilbrigðismála til tveggja kjörtímabila. Við erum tilbúin. -
Búsetutengd mismunun í heilbrigðisþjónustu, í boði einkavæðingar og heilbrigðisráðherra Framsóknar.
Búsetutengdur munur á notkun þjónustu sérgreinalækna er mjög mikill. Íbúar dreifbýlis nota þjónustuna mun minna en höfuðborgarbúar og íbúar Vestfjarða og Austfjarða minnst allra, nefnilega þrisvar sinnum minna en höfuðborgarbúar. Lýðheilsuvísar benda ekki til þess að íbúar í dreifbýli séu heilsubetri en höfuðborgarbúar. Nærtæk skýring á þessum mun er að kaupandi þjónustunnar, ríkið, lætur sig engu varða hvar þjónustan er veitt og hún hefur nær öll byggst upp í Reykjavík. Í versta falli er afleiðingin sú að þau sem búa næst þjónustunni nýta hana umfram þörf og hin sem fjær búa minna en æskilegt væri. Hvoru tveggja er hættulegt og brýnt að rýna lög og hvort þeim er fylgt. -
Svik við launafólk: Loforð um samráð brotin með gegndarlausum gjaldskrárhækkunum
Anna Júlíusdóttir formaður Einingar Iðju skrifar bréf til bæjarstjórnar Akureyrar í dag sem birt er að heimasíðu félagsins, það lætur hún í ljós mikla óánægju með boðaðar hækkanir hjá hinum ýmsu fyrirtækjum og stofnunum bæjarins og er óhætt að segja að Önnu sé misboðið. „Við erum tilbúin til uppbyggilegs samtals,“ sögðum við í júlí þegar bæjaryfirvöld á Akureyri boðuðu breytingar á gjaldskrám. Við fögnuðum loforðum um samráð, um víðtækt samtal við hagsmunaaðila og um reglulegt endurmatsferli þar sem allir kæmu að borðinu. Nú aðeins fjórum mánuðum síðar stendur eftir sársaukafullt svik á trausti launafólks. Í stað samtals og samráðs virðast vera að raungerast víðtækar gjaldskrárhækkanir sem eru hrein árás á kaupmátt launafólks. -
Vegamálin liggja þungt á Grímseyingum
Vegamál liggja þungt á heimamönnum í Grímsey. Bundið slitlag var sett á götur þar árið 1994 og aftur árið 2014, en þá var verkið ekki klárað almennilega, „því það mátti bara setja á ákveðið marga kílómetra,“ eins og það er orðað í bókun hverfisnefndar. -
Gripmælar, róbótar og ratleikur á Opnum degi Um 300 framhaldsskólanemendur lögðu leið sína í Háskólann á Akureyri
Stuðið var gífurlegt á dögunum þegar um 300 framhaldsskólanemendur heimsóttu Háskólann á Akureyri á Opnum degi. Skólinn hefur gert þetta í mörg ár í góðu samstarfi við náms- og starfsráðgjafa í framhaldsskólum á norðaustursvæðinu. -
Óska eftir frambjóðendum sem eru tilbúnir í alvöru breytingar!
Ég óska eftir breytingum svo að ég og allir aðrir menntaðir Heilsunuddarar viti hvað við eigum að kjósa í komandi alþingiskosningum. -
Lítið að frétta í lífi án frétta á landsbyggðunum
Af þeim 27 fjölmiðlum sem hlutu rekstrarstuðning til einkarekinna fjölmiðla 2024 voru 13 staðbundnir fjölmiðlar og af þeim 10 staðsettir utan höfuðborgarsvæðisins. Hver og einn af þessum staðbundnu miðlum þjónar gríðarlega mikilvægu hlutverki í sinni heimabyggð og styrkveitingin því sannarlega fagnaðarefni. -
AtNorth stækkar gagnaver sitt á Akureyri Glatvarmi nýttur til matvælaframleiðslu
Fyrirtækið atNorth vinnur að stækkun gagnavers síns á Akureyri. Einnig hefur félagið kynnt nýtt samstarf um endurheimt og nýtingu varma. Stækkun tveggja gagnavera atnorth, á Akureyri og í Reykjanesbæ er þegar hafin. -
easyJet lengir flugtímabil frá London til Akureyrar
Breska flugfélagið easyJet tilkynnti í dag að það muni bæta við flugferðum frá London Gatwick til Akureyrar í apríl 2025, og í október 2025. Áður stóð til að fljúga út mars á næsta ári, og hefja flugin að nýju í nóvember. Flugfélagið verður því mánuði lengur með flug í boði þennan vetur og að auki næsta haust.
