13.nóvember - 20.nóvember - Tbl 46
Treysta á gott sumar eftir erfiðan vetur
Vegna Covid 19 verður reynt að hvetja til ferðamennsku innanlands í sumar.
Arnheiður Jóhannsdóttir, framkvæmdastjóri Markaðsstofu Norðurlands, segir aðila í ferðaþjónustu á svæðinu áhyggjufulla vegna stöðunnar sem upp er komin vegna úbreiðslu COVID-19 veirunnar. Veturinn hafi verið ferðaþjónustunni erfiður og treysta því margir á gott sumar. Arnheiður segir að enn sem komið er hafi ekki verið mikið um afbókanir.
„Hins vegar er byrjað að hægjast á bókunum og það er erfitt fyrir okkur að bregðast við. Það er yfirvofandi áfall sem mun dynja á okkur og eina sem getur komið í staðinn fyrir erlenda ferðagesti er að herja á meiri ferðlög Íslendinga hér innanlands,“ segir Arnheiður. Hún segir að fari allt á versta veg geti mörg fyrirtæki í ferðaþjónustu, bæði stór og smá lognast útaf. „Sérstaklega í ljósi þess að fjármálakerfið er alveg lokað og þar af leiðandi getur vandinn gerst mjög hratt ef við fáum ekki sumartímabilið. Veturinn var erfiður og við treystum á gott sumar. Ef við töpum sumrinu líka þá munu einhver fyrirtæki eiga erfitt með að lifa það af.“
Óvissan mikil
Arnheiður segir síðasta sumar hafa verið gott á flestum stöðum og komandi sumar líti mjög vel út varðandi bókanir enn sem komið er. „En þetta getur breyst hratt. Ferðaþjónustufyrirtæki berjast vissulega við að halda bókunum og ef þetta gengur yfir á tveimur mánuðum getum við náð góðu sumri. En það er engin leið að segja til um hvernig þetta muni þróast.“ Arnheiður segir brýnt að aðilar í ferðaþjónustu verði á tánum. „Við verðum að vera tilbúin þegar hlutirnir færast í eðlilegt horf og uppsöfnuð ferðaþörf brýst út. Þá verðum við að vera klár í þann slag að ná ferðafólkinu til okkar og megum því ekkert slaka á í að markaðsetja svæðið.“
Draga úr kaupum og bíða með sumarráðningar
„Við höfum áhyggjur af stöðunni enda full ástæða til,“ segir Steingrímur Örn Birgisson, forstjóri Hölds, Bílaleigu Akureyrar. Hann segir fyrirtækið hafa þegar sett af stað varúðarráðstafanir vegna yfirvofandi áhrifa veirunnar á reksturinn. „Við byrjuðum t.d. strax í febrúar að skoða með að draga úr kaupum og þá höfum við beðið með að ráða í sumarafleysingar. Menn eru að bíða og sjá hvernig þetta þróast og halda að sér höndum á meðan,“ segir Steingrímur.
Stjórnvöld bregðast við
Stjórnvöld tilkynntu í vikunni aðgerðaráætlun vegna kórónuveirunnar þar sem m.a. er horft til þess að veita fyrirtækjum sem lenda í tímabundnum rekstrarerfiðleikum vegna tekjufalls lengri frest til að standa skil á sköttum og opinberum gjöldum. Þá er einnig til skoðunar að fella niður tekjuöflun sem er íþyngjandi fyrir fyrirtæki í ferðaþjónustu, t.d. gistináttaskatt sem verður afnuminn tímabundið. Þá verður markaðsátaki hleypt af stokkunum þegar aftur fer að birta til eftir faraldurinn og aðstæður til að kynna Ísland sem áfangastað batna.
Nýjast
-
AtNorth stækkar gagnaver sitt á Akureyri Glatvarmi nýttur til matvælaframleiðslu
Fyrirtækið atNorth vinnur að stækkun gagnavers síns á Akureyri. Einnig hefur félagið kynnt nýtt samstarf um endurheimt og nýtingu varma. Stækkun tveggja gagnavera atnorth, á Akureyri og í Reykjanesbæ er þegar hafin. -
easyJet lengir flugtímabil frá London til Akureyrar
Breska flugfélagið easyJet tilkynnti í dag að það muni bæta við flugferðum frá London Gatwick til Akureyrar í apríl 2025, og í október 2025. Áður stóð til að fljúga út mars á næsta ári, og hefja flugin að nýju í nóvember. Flugfélagið verður því mánuði lengur með flug í boði þennan vetur og að auki næsta haust. -
Snjómokstur í bænum
Töluvert hefur snjóað í bænum um helgina og þennan mánudagsmorguninn er víða illfært um íbúðagötur og stíga. Unnið er að snjómokstri og er mikill fjöldi tækja í notkun á vegum sveitarfélagsins og verktaka. -
Íþróttir fyrir alla!
Hver króna sem fer til íþróttafélaga er króna sem skilar sér margfalt til baka í samfélagið. Um kosti íþróttastarfs á Íslandi verður ekki deilt. Starfið er faglegt, fjölbreytt og gott. Það sem hefur breyst á undanförnum árum er að íþróttir eru gríðarlega atvinnuskapandi. Félögin á Íslandi í dag eru orðin stærri og komin með fleiri starfsmenn í full störf. Ásamt því að afleidd störf tengd íþróttum á Íslandi, t.d. í ferðaþjónustu, eru orðin ansi mörg og drjúg. -
Hið fullkomna stjórnarfar
Mannkynið hefur gert tilraunir með margskonar stjórnarfar. Þetta lærdómsferli hefur því miður kostnað blóð og mannfórnir en það hefur fært okkur vitneskjuna um að lýðræði er besta stjórnarfarið sem mannkynið hefur þekkt. Ekkert stjórnskipulag hefur fært mannkyni jafn miklar framfarir, öryggi, réttlæti og almenna hagsæld en lýðræðið. -
Hættum að slá ryki í augun á fólki !
Greinin er skrifuð í nafni Stangaveiðifélags Akureyrar, Stangaveiðifélagsins Flúða, Veiðifélags Fnjóskár, Veiðifélags Eyjafjarðarár, Veiðifélags Hörgár, Fiskirannsókna ehf, félagsskapar sem kallast Bleikjan - Styðjum stofninn, SUNN - Samtaka um náttúruvernd á Norðurlandi, Landssambands veiðifélaga, NASF – Verndarsjóðs villtra laxastofna og Íslenska náttúruverndarsjóðsins – IWF. -
Eldri borgarar hafa áhyggjur af öryggismálum í Sölku
Fulltrúar í Félagi Eldri borgara á Akureyri hafa lýst yfir áhyggjum sínum af öryggismálum í kjallara félagsmiðstöðvarinnar Sölku í Víðilundi á Akureyri. Þeir hvetja til þess að vinnueftirlit, heilbrigðiseftirlit og eldvarnareftirlit verði fengið til að gera heildarúttekt á húsnæðinu vegna þeirrar starfsemi sem þar fer fram á vegum Akureyrarbæjar. -
Gestir í Lystigarði um 159 þúsund á 10 mánuðum
Alls heimsóttu rúmlega 159 þúsund gestir í Lystigarðinni á Akureyri á 10 mánaða tímabili, frá byrjun janúar til loka október samkvæmt teljurum sem þar eru. Þetta kemur fram í minnisblaði sem fjallað var um á fundi umhverfis- og mannvirkjaráðs. -
Sólveig Lára er Ungskáld Akureyrar 2024
Það var vel við hæfi að í dag, á degi íslenskrar tungu, voru úrslit í ritlistakeppni Ungskálda 2024 kunngjörð á Amtsbókasafninu. Fyrstu veðlaun hlaut Sólveig Lára Skarphéðinsdóttir fyrir verkið Stök.
