13.nóvember - 20.nóvember - Tbl 46
Tjaldsvæðisreitur og Skarðshlíð hentugast fyrir heilsugæslustöðvar
Lagt er til að byggt verði tvær nýjar heilsugæslustöðvar á Akureyri. Í suðurhluta bæjarins þykir svæðið á tjaldstæðinu við Þórunnarstræti vera besti kosturinn.
Á síðasta fundi skipulagsráðs Akureyrarbæjar var lagt fram minnisblað um mögulegar lóðir til uppbyggingar tveggja heilsugæslustöðva. Allt frá haustinu 2018 hefur verið í gangi samráð bæjaryfirvalda við Heilbrigðisstofnun Norðurlands (HSN) vegna fyrirhugaðrar uppbyggingar á nýjum heilsugæslustöðvum á Akureyri.
Samkvæmt þarfagreiningu HSN er þörf á að byggja tvær heilsugæslustöðvar þar sem miðað er við að byggja eina stöð sem þjóna á norðurhluta bæjarins og aðra til að þjóna suðurhlutanum. Markmiðið er bæði að bæta aðstöðu starfsmanna heilsugæslunnar sem og aðgengi íbúa á svæðinu að heilsugæsluþjónustu.
Fyrsti kostur á lóð fyrir heilsugæslu í norðurhluta bæjarins er Skarðshlíð 20. Um er að ræða 6.129 fm óbyggða lóð þar sem gildandi deiliskipulag gerir ráð fyrir að heimilt sé að byggja tvö fjölbýlishús, fjögurra og fimm hæða, sem samtals geta verið allt að 6.742 fm að stærð með bílakjallara fyrir 46-60 íbúðir. Segir í umsögn að forsenda fyrir byggingu heilsugæslustöðvar á þessari lóð sé að gera ráð fyrir starfseminni á jarðhæð með íbúðum á efri hæðum ásamt bílakjallara. Um er að ræða mikilvægan þéttingarreit sem óhentugt væri að nýta eingöngu fyrir heilsugæslustöð. Aðrir kostir sem eru nefndir eru fyrir heilsugæslu í norðurhluta bæjarins eru svæði austan Hlíðarbrautar á móti gatnamótum við Baldursnes og svæði við Lögmannshlíð.
Varðandi byggingu í suðurhluta bæjarins er tjaldsvæðisreitur við Þórunnarstræti nefndur sem fyrsti kostur. Samkvæmt gildandi deiliskipulagi og núverandi notkun er svæðið að mestu nýtt sem tjaldsvæði en gert er ráð fyrir að sú starfsemi hætti eftir sumarið 2020. Í aðalskipulagi er svæðið skilgreint sem íbúðarsvæði/þróunarsvæði. Um sé að ræða mikilvægan þéttingarreit og væri því æskilegt að gera ráð fyrir að heilsugæslustöð yrði á jarðhæð í stærra húsi með íbúðum eða annarri starfsemi á efri hæðum, segir í umsögn.
Önnur svæði sem nefnd er sem möguleg staðsetning í suðurhluta bæjarins eru Hafnarstræti 80 og Austurbrú 10-12. Um er að ræða tvær lóðir sem hafa nýlega fallið til bæjarins. Til viðbótar bendir skipulagsráð á þrjú svæði sem gætu hentað fyrir heilsugæslustöð fyrir suðurhluta bæjarins og eru í eigu ríkisins; hluta af lóð Menntaskólans á Akureyri, lóð við Sjúkrahúsið og lóð við Verkmenntaskólann.
Skipulagsráð hefur samþykkt að fela sviðsstjóra skipulagssviðs að koma tillögum um lóðir til uppbyggingar á heilsugæslum á Akureyri á framfæri við Ríkiskaup.
Nýjast
-
AtNorth stækkar gagnaver sitt á Akureyri Glatvarmi nýttur til matvælaframleiðslu
Fyrirtækið atNorth vinnur að stækkun gagnavers síns á Akureyri. Einnig hefur félagið kynnt nýtt samstarf um endurheimt og nýtingu varma. Stækkun tveggja gagnavera atnorth, á Akureyri og í Reykjanesbæ er þegar hafin. -
easyJet lengir flugtímabil frá London til Akureyrar
Breska flugfélagið easyJet tilkynnti í dag að það muni bæta við flugferðum frá London Gatwick til Akureyrar í apríl 2025, og í október 2025. Áður stóð til að fljúga út mars á næsta ári, og hefja flugin að nýju í nóvember. Flugfélagið verður því mánuði lengur með flug í boði þennan vetur og að auki næsta haust. -
Snjómokstur í bænum
Töluvert hefur snjóað í bænum um helgina og þennan mánudagsmorguninn er víða illfært um íbúðagötur og stíga. Unnið er að snjómokstri og er mikill fjöldi tækja í notkun á vegum sveitarfélagsins og verktaka. -
Íþróttir fyrir alla!
Hver króna sem fer til íþróttafélaga er króna sem skilar sér margfalt til baka í samfélagið. Um kosti íþróttastarfs á Íslandi verður ekki deilt. Starfið er faglegt, fjölbreytt og gott. Það sem hefur breyst á undanförnum árum er að íþróttir eru gríðarlega atvinnuskapandi. Félögin á Íslandi í dag eru orðin stærri og komin með fleiri starfsmenn í full störf. Ásamt því að afleidd störf tengd íþróttum á Íslandi, t.d. í ferðaþjónustu, eru orðin ansi mörg og drjúg. -
Hið fullkomna stjórnarfar
Mannkynið hefur gert tilraunir með margskonar stjórnarfar. Þetta lærdómsferli hefur því miður kostnað blóð og mannfórnir en það hefur fært okkur vitneskjuna um að lýðræði er besta stjórnarfarið sem mannkynið hefur þekkt. Ekkert stjórnskipulag hefur fært mannkyni jafn miklar framfarir, öryggi, réttlæti og almenna hagsæld en lýðræðið. -
Hættum að slá ryki í augun á fólki !
Greinin er skrifuð í nafni Stangaveiðifélags Akureyrar, Stangaveiðifélagsins Flúða, Veiðifélags Fnjóskár, Veiðifélags Eyjafjarðarár, Veiðifélags Hörgár, Fiskirannsókna ehf, félagsskapar sem kallast Bleikjan - Styðjum stofninn, SUNN - Samtaka um náttúruvernd á Norðurlandi, Landssambands veiðifélaga, NASF – Verndarsjóðs villtra laxastofna og Íslenska náttúruverndarsjóðsins – IWF. -
Eldri borgarar hafa áhyggjur af öryggismálum í Sölku
Fulltrúar í Félagi Eldri borgara á Akureyri hafa lýst yfir áhyggjum sínum af öryggismálum í kjallara félagsmiðstöðvarinnar Sölku í Víðilundi á Akureyri. Þeir hvetja til þess að vinnueftirlit, heilbrigðiseftirlit og eldvarnareftirlit verði fengið til að gera heildarúttekt á húsnæðinu vegna þeirrar starfsemi sem þar fer fram á vegum Akureyrarbæjar. -
Gestir í Lystigarði um 159 þúsund á 10 mánuðum
Alls heimsóttu rúmlega 159 þúsund gestir í Lystigarðinni á Akureyri á 10 mánaða tímabili, frá byrjun janúar til loka október samkvæmt teljurum sem þar eru. Þetta kemur fram í minnisblaði sem fjallað var um á fundi umhverfis- og mannvirkjaráðs. -
Sólveig Lára er Ungskáld Akureyrar 2024
Það var vel við hæfi að í dag, á degi íslenskrar tungu, voru úrslit í ritlistakeppni Ungskálda 2024 kunngjörð á Amtsbókasafninu. Fyrstu veðlaun hlaut Sólveig Lára Skarphéðinsdóttir fyrir verkið Stök.
