13.nóvember - 20.nóvember - Tbl 46
Tímamótasamningur um öldrunarþjónustu á Akureyri
Frá undirritun samnings ÖA og Sí. Á myndinni eru f.v. Svandís Svavarsdóttir heilbrigðisráðherra, María Heimisdóttir forstjóri Sjúkrartrygginga Íslands, Halldór S. Guðmundsson framkvæmdastjóri Öldrunarheimila Akureyrar og Ásthildur Sturludóttir bæjarstjóri á Akureyri. Myndina tók Gunnar Gíslason.
Öldrunarheimili Akureyrar (ÖA) hafa undirritað samning við Sjúkratryggingar Íslands (SÍ) um rekstur og nýsköpunar- og þróunarverkefni í öldrunarþjónustu. María Heimisdóttir, forstjóri Sjúkratrygginga Íslands, og Halldór S. Guðmundsson, framkvæmdastjóri Öldrunarheimila, Akureyrar undirrituðu samninginn laugardaginn 29. júní sl. að viðstöddum gestum á dvalar- og hjúkrunarheimilinu Hlíð á Akureyri. Að undirritun lokinni var hann staðfestur af Svandísi Svavarsdóttur, heilbrigðisráherra, og Ásthildi Sturludóttur, bæjarstjóra.
Nýjar áherslur og breytt fyrirkomulag samninga
Um síðustu áramót rann út rammasamningur Sjúkratrygginga Íslands um rekstur dvalar- og hjúkrunarheimila sem gilt hafði frá 1. janúar 2016. Framkvæmdin fólst í því að rekstraraðilar dvalar- og hjúkrunarheimila sögðu sig inn á samninginn og skuldbundu sig þar með til að starfa á grundvelli hans og fá greitt á þeim grunni. Með samningi SÍ og ÖA er gerður sérstakur samningur á milli aðila í stað eins samnings fyrir alla rekstraraðila líkt og áður. Eins og fram kemur í samningnum er meginmarkmiðið að skapa svigrúm til sveigjanleika í öldrunarþjónustu sem gefur meðal annars kost á tímabundnum úrræðum og breytilegum þjónustutíma eftir þörfum.
Nýsköpun í öldrunarþjónustu
Með samningnum er markaður rammi fyrir yfirstandandi nýsköpunar- og þróunarverkefni sem ætlað er að skapa svigrúm til að auka sveigjanleika í dagþjálfun og skammtímadvöl, með möguleikum á breytilegum þjónustutíma eftir þörfum notenda. Samningurinn er til tveggja ára með möguleika til framlengingar til tveggja ára sem ræðst af framvindu verkefnisins. Heilbrigðisráðherra samþykkti í september 2018 þá ósk ÖA að setja af stað nýsköpunar og þróunarverkefnið og fól Sjúkratryggingum Íslands að gera samning við ÖA um verkefnið. Undirbúningur að verkefninu og hófst á liðnu hausti og nýtt verkefni og nýtt þjónustuform hóf síðan starfsemi í byrjun febrúar 2019, líkt og upphafleg áform gerðu ráð fyrir.
Búa til dagdvalarými
Verkefnið felst í að nýta fjárheimildir vegna tíu hjúkrunarrýma, sem nýtt voru til skammtíma-/hvíldarinnlagna, til að búa til dagdvalarrými með breytilegum opnunartíma, um kvöld og alla daga ársins, auk þess sem horft er til þess að geta mætt aðstæðum þjónustuþega þegar þörf er á sólarhringsdvöl til að mynda vegna veikinda aðstandenda eða einstaklingsins sjálfs. Þá felst einnig í verkefninu að innleiða ýmis mælitæki við þjónustumat, innleiða notkun á velferðartækni eins og kostur er og jafnframt að óháður aðili komi að mati og úttektum á ávinningi af þessari nýbreytni.
Samningurinn gerir ráð fyrir að framvinda og árangur verkefnisins verði metinn út frá faglegum og fjárhagslegum þáttum og út frá sjónarmiðum og reynslu notenda og fjölskyldna þeirra.
Mikilvægt innlegg
Með því að bjóða fjölbreyttari og meiri þjónustu yfir daginn fyrir fólk sem býr heima en þarf mikinn stuðning má draga úr og/eða seinka þörf fyrir innlögn á hjúkrunarheimili. „Það hefur lengi verið opinber stefna að styðja aldraða til að búa sem lengst á eigin heimili og langflestir vilja búa heima hjá sér eins lengi og kostur er. Þau nýmæli í öldrunarþjónustu sem ÖA hafa þróað og fá nú staðfestingu með þessum nýja samningi eru mikilvægt innlegg í framkvæmd þessarar stefnu og verða vonandi öðrum fordæmi og fyrirmynd" sagði Svandís Svavarsdóttir heilbrigðisráðherra við undirritun samningsins á Akureyri.
Nýjast
-
Búsetutengd mismunun í heilbrigðisþjónustu, í boði einkavæðingar og heilbrigðisráðherra Framsóknar.
Búsetutengdur munur á notkun þjónustu sérgreinalækna er mjög mikill. Íbúar dreifbýlis nota þjónustuna mun minna en höfuðborgarbúar og íbúar Vestfjarða og Austfjarða minnst allra, nefnilega þrisvar sinnum minna en höfuðborgarbúar. Lýðheilsuvísar benda ekki til þess að íbúar í dreifbýli séu heilsubetri en höfuðborgarbúar. Nærtæk skýring á þessum mun er að kaupandi þjónustunnar, ríkið, lætur sig engu varða hvar þjónustan er veitt og hún hefur nær öll byggst upp í Reykjavík. Í versta falli er afleiðingin sú að þau sem búa næst þjónustunni nýta hana umfram þörf og hin sem fjær búa minna en æskilegt væri. Hvoru tveggja er hættulegt og brýnt að rýna lög og hvort þeim er fylgt. -
Svik við launafólk: Loforð um samráð brotin með gegndarlausum gjaldskrárhækkunum
Anna Júlíusdóttir formaður Einingar Iðju skrifar bréf til bæjarstjórnar Akureyrar í dag sem birt er að heimasíðu félagsins, það lætur hún í ljós mikla óánægju með boðaðar hækkanir hjá hinum ýmsu fyrirtækjum og stofnunum bæjarins og er óhætt að segja að Önnu sé misboðið. „Við erum tilbúin til uppbyggilegs samtals,“ sögðum við í júlí þegar bæjaryfirvöld á Akureyri boðuðu breytingar á gjaldskrám. Við fögnuðum loforðum um samráð, um víðtækt samtal við hagsmunaaðila og um reglulegt endurmatsferli þar sem allir kæmu að borðinu. Nú aðeins fjórum mánuðum síðar stendur eftir sársaukafullt svik á trausti launafólks. Í stað samtals og samráðs virðast vera að raungerast víðtækar gjaldskrárhækkanir sem eru hrein árás á kaupmátt launafólks. -
Vegamálin liggja þungt á Grímseyingum
Vegamál liggja þungt á heimamönnum í Grímsey. Bundið slitlag var sett á götur þar árið 1994 og aftur árið 2014, en þá var verkið ekki klárað almennilega, „því það mátti bara setja á ákveðið marga kílómetra,“ eins og það er orðað í bókun hverfisnefndar. -
Gripmælar, róbótar og ratleikur á Opnum degi Um 300 framhaldsskólanemendur lögðu leið sína í Háskólann á Akureyri
Stuðið var gífurlegt á dögunum þegar um 300 framhaldsskólanemendur heimsóttu Háskólann á Akureyri á Opnum degi. Skólinn hefur gert þetta í mörg ár í góðu samstarfi við náms- og starfsráðgjafa í framhaldsskólum á norðaustursvæðinu. -
Óska eftir frambjóðendum sem eru tilbúnir í alvöru breytingar!
Ég óska eftir breytingum svo að ég og allir aðrir menntaðir Heilsunuddarar viti hvað við eigum að kjósa í komandi alþingiskosningum. -
Lítið að frétta í lífi án frétta á landsbyggðunum
Af þeim 27 fjölmiðlum sem hlutu rekstrarstuðning til einkarekinna fjölmiðla 2024 voru 13 staðbundnir fjölmiðlar og af þeim 10 staðsettir utan höfuðborgarsvæðisins. Hver og einn af þessum staðbundnu miðlum þjónar gríðarlega mikilvægu hlutverki í sinni heimabyggð og styrkveitingin því sannarlega fagnaðarefni. -
AtNorth stækkar gagnaver sitt á Akureyri Glatvarmi nýttur til matvælaframleiðslu
Fyrirtækið atNorth vinnur að stækkun gagnavers síns á Akureyri. Einnig hefur félagið kynnt nýtt samstarf um endurheimt og nýtingu varma. Stækkun tveggja gagnavera atnorth, á Akureyri og í Reykjanesbæ er þegar hafin. -
easyJet lengir flugtímabil frá London til Akureyrar
Breska flugfélagið easyJet tilkynnti í dag að það muni bæta við flugferðum frá London Gatwick til Akureyrar í apríl 2025, og í október 2025. Áður stóð til að fljúga út mars á næsta ári, og hefja flugin að nýju í nóvember. Flugfélagið verður því mánuði lengur með flug í boði þennan vetur og að auki næsta haust. -
Snjómokstur í bænum
Töluvert hefur snjóað í bænum um helgina og þennan mánudagsmorguninn er víða illfært um íbúðagötur og stíga. Unnið er að snjómokstri og er mikill fjöldi tækja í notkun á vegum sveitarfélagsins og verktaka.
