13.nóvember - 20.nóvember - Tbl 46
Tilraunaverkefni til að efla íbúalýðræði
Þórgnýr Dýrfjörð og Sóley Björk Stefánsdóttir kynna verkefni Akureyrarbæjar. Mynd/Akureyrarbær.
Fulltrúar Akureyrarbæjar tóku nýverið þátt í vinnustofu ásamt þremur öðrum sveitarfélögum í tengslum við tilraunaverkefni um aukið íbúasamráð. Ákveðið hefur verið að hafa samráð við börn og ungmenni um breytingar á leiðarkerfi og þjónustu strætó. Frá þessu er greint á vef Akureyrarbæjar.
Þar segir að forsaga verkefnisins sé sú að bæjarstjórn samþykkti að leita leiða til að auka þátttöku íbúa og að stíga markviss skref í átt til þátttökulýðræðis. Í kjölfarið var samstarfs leitað við Samband íslenskra sveitarfélaga, sem hefur beitt sér fyrir aukinni samráðsmenningu í sveitarfélögum, ekki síst til að bregðast við minnkandi trausti á hefðbundnum stjórnmálum. Ákveðið var að ráðast í tilraunverkefni ásamt nokkrum öðrum sveitarfélögum með styrk frá Jöfnunarsjóði sveitarfélaga. Alls sóttu tíu sveitarfélög um þátttöku en valin voru, auk Akureyrarbæjar, Norðurþing, Stykkishólmsbær og Kópavogsbær. Fyrsti samráðsfundur var haldinn í Kópavogi í lok ágúst. Á föstudaginn sl. var haldinn annar vinnufundur á Akureyri með fulltrúum þátttökusveitarfélaganna, Sambandinu og sænskum og íslenskum ráðgjöfum. Sveitarfélögin kynntu sín verkefni, báru saman bækur sínar og fengu ráðgjöf um næstu skref.
Ákveðið hefur verið að verkefni Akureyrarbæjar snúist um samráð við börn og ungmenni um breytingar á leiðarkerfi og þjónustu Strætisvagna Akureyrar (SVA). Verkefnið var valið vegna þess að fyrirhuguð er endurskoðun á kerfinu, auk þess sem það samræmist aðgerðaáætlun Akureyrarbæjar um innleiðingu barnasáttmálans. Markmiðið er að fá fram sjónarmið ungs fólks og taka tillit þeirra við breytingar, auk þess að læra meira um árangursríkar samráðsaðferðir sem gætu nýst við stefnumótun og ákvarðanatöku sveitarfélagsins til framtíðar, segir á vef bæjarins.
Í stýrihópi vegna verkefnisins á Akureyri eru Sóley Björk Stefánsdóttir bæjarfulltrúi, Guðmundur Baldvin Guðmundsson, formaður bæjarráðs, Halla Margrét Tryggvadóttir, sviðsstjóri stjórnsýslusviðs og Þórgnýr Dýrfjörð, deildarstjóri Akureyrarstofu. Auk stýrihópsins koma að verkefninu Hrafn Svavarsson, rekstrarstjóri SVA, Alfa Dröfn Jóhannsdóttir, verkefnastjóri barnvæns sveitarfélags og Jón Þór Kristjánsson, verkefnastjóri upplýsingamiðlunar. Næsta skref er að undirbúa samráðsviðburði með unga fólkinu sem verða haldnir fyrir áramót.
„Stefnt er að því að fá enn fleiri íbúa að borðinu í framhaldinu þannig að fyrirhugaðar endurbætur á leiðarkerfi gangi vel og taki mið af þörfum sem flestra Akureyringa,“ segir í fréttinni.
Nýjast
-
Óska eftir frambjóðendum sem eru tilbúnir í alvöru breytingar!
Ég óska eftir breytingum svo að ég og allir aðrir menntaðir Heilsunuddarar viti hvað við eigum að kjósa í komandi alþingiskosningum. -
Lítið að frétta í lífi án frétta á landsbyggðunum
Af þeim 27 fjölmiðlum sem hlutu rekstrarstuðning til einkarekinna fjölmiðla 2024 voru 13 staðbundnir fjölmiðlar og af þeim 10 staðsettir utan höfuðborgarsvæðisins. Hver og einn af þessum staðbundnu miðlum þjónar gríðarlega mikilvægu hlutverki í sinni heimabyggð og styrkveitingin því sannarlega fagnaðarefni. -
AtNorth stækkar gagnaver sitt á Akureyri Glatvarmi nýttur til matvælaframleiðslu
Fyrirtækið atNorth vinnur að stækkun gagnavers síns á Akureyri. Einnig hefur félagið kynnt nýtt samstarf um endurheimt og nýtingu varma. Stækkun tveggja gagnavera atnorth, á Akureyri og í Reykjanesbæ er þegar hafin. -
easyJet lengir flugtímabil frá London til Akureyrar
Breska flugfélagið easyJet tilkynnti í dag að það muni bæta við flugferðum frá London Gatwick til Akureyrar í apríl 2025, og í október 2025. Áður stóð til að fljúga út mars á næsta ári, og hefja flugin að nýju í nóvember. Flugfélagið verður því mánuði lengur með flug í boði þennan vetur og að auki næsta haust. -
Snjómokstur í bænum
Töluvert hefur snjóað í bænum um helgina og þennan mánudagsmorguninn er víða illfært um íbúðagötur og stíga. Unnið er að snjómokstri og er mikill fjöldi tækja í notkun á vegum sveitarfélagsins og verktaka. -
Íþróttir fyrir alla!
Hver króna sem fer til íþróttafélaga er króna sem skilar sér margfalt til baka í samfélagið. Um kosti íþróttastarfs á Íslandi verður ekki deilt. Starfið er faglegt, fjölbreytt og gott. Það sem hefur breyst á undanförnum árum er að íþróttir eru gríðarlega atvinnuskapandi. Félögin á Íslandi í dag eru orðin stærri og komin með fleiri starfsmenn í full störf. Ásamt því að afleidd störf tengd íþróttum á Íslandi, t.d. í ferðaþjónustu, eru orðin ansi mörg og drjúg. -
Hið fullkomna stjórnarfar
Mannkynið hefur gert tilraunir með margskonar stjórnarfar. Þetta lærdómsferli hefur því miður kostnað blóð og mannfórnir en það hefur fært okkur vitneskjuna um að lýðræði er besta stjórnarfarið sem mannkynið hefur þekkt. Ekkert stjórnskipulag hefur fært mannkyni jafn miklar framfarir, öryggi, réttlæti og almenna hagsæld en lýðræðið. -
Hættum að slá ryki í augun á fólki !
Greinin er skrifuð í nafni Stangaveiðifélags Akureyrar, Stangaveiðifélagsins Flúða, Veiðifélags Fnjóskár, Veiðifélags Eyjafjarðarár, Veiðifélags Hörgár, Fiskirannsókna ehf, félagsskapar sem kallast Bleikjan - Styðjum stofninn, SUNN - Samtaka um náttúruvernd á Norðurlandi, Landssambands veiðifélaga, NASF – Verndarsjóðs villtra laxastofna og Íslenska náttúruverndarsjóðsins – IWF. -
Eldri borgarar hafa áhyggjur af öryggismálum í Sölku
Fulltrúar í Félagi Eldri borgara á Akureyri hafa lýst yfir áhyggjum sínum af öryggismálum í kjallara félagsmiðstöðvarinnar Sölku í Víðilundi á Akureyri. Þeir hvetja til þess að vinnueftirlit, heilbrigðiseftirlit og eldvarnareftirlit verði fengið til að gera heildarúttekt á húsnæðinu vegna þeirrar starfsemi sem þar fer fram á vegum Akureyrarbæjar.
