13.nóvember - 20.nóvember - Tbl 46
Átaksverkefni um nýtingu moltu á Norðurlandi
Ásthildur Sturludóttir bæjarstjóri á Akureyri, Guðmundur Ingi Guðbrandsson umhverfis- og auðlindaráðherra og Guðmundur Haukur Sigurðarson framkvæmdastjóri Vistorku undirrituðu samkomulagið. Mynd/Akureyrarbær.
Umhverfis- og auðlindaráðuneytið hefur í samstarfi við Vistorku, Akureyrarbæ og fleiri aðila ákveðið að ráðast í tilrauna- og átaksverkefni um nýtingu moltu í landbúnaði, skógrækt og landgræðslu. Í tilkynningu frá Akureyrarbæ segir að lífrænn úrgangur sé auðlind á villigötum.
„Urðun er kostnaðarsöm og veldur losun gróðurhúsalofttegunda. Mikill meirihluti losunar vegna meðhöndlunar úrgangs kemur til vegna losunar metans og annarra gróðurhúsalofttegunda við niðurbrot lífbrjótanlegra efna í úrganginum. Samkvæmt aðgerðaáætlun stjórnvalda í loftslagsmálum er stefnt að banni við urðun lífræns úrgangs. Stórbæta má nýtingu á lífrænum úrgangi, m.a. með því að vinna úr honum moltu. Molta hefur verið prófuð í landgræðslu og skógrækt en skoða þarf nánar hvernig hún reynist við mismunandi aðstæður. Notkun á moltu getur haft margþættan ávinning í för með sér.“
Verkefnið er þríþætt:
1. Skógrækt ofan Akureyrar. Lagður grunnur að 135 ha skóglendi á um 700 ha landsvæði
til útivistar við Græna trefilinn. Sumarið 2020 verða fengnir allt að 10 háskólanemar í
átaksvinnu við verkefnið sem felst m.a. í vinnu við undirbúning svæða, gróðursetningu,
girðingarvinnu og dreifingu á moltu. Gert er ráð fyrir að hægt verði að nýta um 1.800
m³ af moltu á Glerárdal í þessum hluta verkefnis. Auk þess verður lagður grunnur að
Moltulundi þar sem gerð er tilraun til trjáræktar og landgræðslu á rýru svæði yfir 500
metrum.
2. Landgræðsla á Hólasandi. Fyrirhugað er að flytja moltu á valda staði á Hólasandi og
nýta sem áburð á birki.
3. Repjurækt í Eyjafirði. Tveggja ára verkefni sem hefst í júlí 2020 þar sem molta verður
nýtt við repjurækt. Gert er ráð fyrir ræktun á bæði sumar- og vetrarrepju.
Þetta er hluti af aðgerðum stjórnvalda í loftslagsmálum sem hefur verið flýtt vegna Covid-19
en með landgræðslu og skógrækt er stuðlað að aukinni bindingu kolefnis.
Umhverfis- og auðlindaráðuneytið styður verkefnin fjárhagslega en Vistorku hefur verið falið
að framkvæma þau í samstarfi við Akureyrarbæ, Orkusetur, Moltu, Skógræktina,
Landgræðsluna og Landbúnaðarháskóla Íslands.
Nýjast
-
AtNorth stækkar gagnaver sitt á Akureyri Glatvarmi nýttur til matvælaframleiðslu
Fyrirtækið atNorth vinnur að stækkun gagnavers síns á Akureyri. Einnig hefur félagið kynnt nýtt samstarf um endurheimt og nýtingu varma. Stækkun tveggja gagnavera atnorth, á Akureyri og í Reykjanesbæ er þegar hafin. -
easyJet lengir flugtímabil frá London til Akureyrar
Breska flugfélagið easyJet tilkynnti í dag að það muni bæta við flugferðum frá London Gatwick til Akureyrar í apríl 2025, og í október 2025. Áður stóð til að fljúga út mars á næsta ári, og hefja flugin að nýju í nóvember. Flugfélagið verður því mánuði lengur með flug í boði þennan vetur og að auki næsta haust. -
Snjómokstur í bænum
Töluvert hefur snjóað í bænum um helgina og þennan mánudagsmorguninn er víða illfært um íbúðagötur og stíga. Unnið er að snjómokstri og er mikill fjöldi tækja í notkun á vegum sveitarfélagsins og verktaka. -
Íþróttir fyrir alla!
Hver króna sem fer til íþróttafélaga er króna sem skilar sér margfalt til baka í samfélagið. Um kosti íþróttastarfs á Íslandi verður ekki deilt. Starfið er faglegt, fjölbreytt og gott. Það sem hefur breyst á undanförnum árum er að íþróttir eru gríðarlega atvinnuskapandi. Félögin á Íslandi í dag eru orðin stærri og komin með fleiri starfsmenn í full störf. Ásamt því að afleidd störf tengd íþróttum á Íslandi, t.d. í ferðaþjónustu, eru orðin ansi mörg og drjúg. -
Hið fullkomna stjórnarfar
Mannkynið hefur gert tilraunir með margskonar stjórnarfar. Þetta lærdómsferli hefur því miður kostnað blóð og mannfórnir en það hefur fært okkur vitneskjuna um að lýðræði er besta stjórnarfarið sem mannkynið hefur þekkt. Ekkert stjórnskipulag hefur fært mannkyni jafn miklar framfarir, öryggi, réttlæti og almenna hagsæld en lýðræðið. -
Hættum að slá ryki í augun á fólki !
Greinin er skrifuð í nafni Stangaveiðifélags Akureyrar, Stangaveiðifélagsins Flúða, Veiðifélags Fnjóskár, Veiðifélags Eyjafjarðarár, Veiðifélags Hörgár, Fiskirannsókna ehf, félagsskapar sem kallast Bleikjan - Styðjum stofninn, SUNN - Samtaka um náttúruvernd á Norðurlandi, Landssambands veiðifélaga, NASF – Verndarsjóðs villtra laxastofna og Íslenska náttúruverndarsjóðsins – IWF. -
Eldri borgarar hafa áhyggjur af öryggismálum í Sölku
Fulltrúar í Félagi Eldri borgara á Akureyri hafa lýst yfir áhyggjum sínum af öryggismálum í kjallara félagsmiðstöðvarinnar Sölku í Víðilundi á Akureyri. Þeir hvetja til þess að vinnueftirlit, heilbrigðiseftirlit og eldvarnareftirlit verði fengið til að gera heildarúttekt á húsnæðinu vegna þeirrar starfsemi sem þar fer fram á vegum Akureyrarbæjar. -
Gestir í Lystigarði um 159 þúsund á 10 mánuðum
Alls heimsóttu rúmlega 159 þúsund gestir í Lystigarðinni á Akureyri á 10 mánaða tímabili, frá byrjun janúar til loka október samkvæmt teljurum sem þar eru. Þetta kemur fram í minnisblaði sem fjallað var um á fundi umhverfis- og mannvirkjaráðs. -
Sólveig Lára er Ungskáld Akureyrar 2024
Það var vel við hæfi að í dag, á degi íslenskrar tungu, voru úrslit í ritlistakeppni Ungskálda 2024 kunngjörð á Amtsbókasafninu. Fyrstu veðlaun hlaut Sólveig Lára Skarphéðinsdóttir fyrir verkið Stök.
