13.nóvember - 20.nóvember - Tbl 46
„Þetta verður krefjandi verkefni“
Hamrar. Eins og staðan er í dag getur tjaldsvæðið tekið við 200-250 gestum á 2000 manna tjaldsvæði.
Mikið tekjutap blasir við tjaldsvæðunum á Akureyri í sumar vegna fjöldatakmarkana að sögn forstöðumanns. Landlæknisembættið hefur birt leiðbeiningar fyrir tjaldstæði og önnur minni gistirými sem tóku gildi þann 4. maí. Þar er meðal annars kveðið á um að tjaldsvæði megi ekki taka á móti fleiri en 50 gestum nema að hægt sé að skipta svæðinu upp í sóttvarnahólf. Settar eru þær skyldur á rekstraraðila að þrífa og sótthreinsa sameiginleg rými og snertifleti að minnsta kosti tvisvar á dag. Þeir þurfa sömuleiðis að tryggja aðgengi að handþvottaðstöðu og handspritti. Þá ber að virða 2 metra regluna á milli einstaklinga og skal vera að lágmarki fjórir metrar á milli tjalda, tjaldvagna, fellihýsa, hjólhýsa eða húsbíla.
Kostar mannafla að fylgja reglunum
Tryggvi Marinósson, forstöðumaður tjaldsvæðanna á Akureyri, segir að starfsfólk sé að átta sig á þessum reglum og fara yfir stöðuna. „Það eru nokkur atriði sem eru óljós og óvíst hvernig við komum til með að skipuleggja okkur fyrir sumarið. Erlendir gestir hjá okkur hafa verið á bilinu 35-45% af gestum og því ljóst að um rosalegt tekjutap verður að ræða og horfurnar með fjölda Íslendinga eru ekki bjartar miðað við fjöldatakmarkanirnar sem settar hafa verið. Við þetta bætist að framfylgni reglna verður væntanlega nokkuð mannaflsfrek og þá bætast ýmsir aðrir nýir kostnaðarliðir á svo stóru tjaldsvæði og okkar, t.d. umfangsmiklar merkingar, leiðbeiningar o.fl.,“ segir Tryggvi.
Geta tekið við 250 manns
Eins og staðan er í dag segir Tryggvi að tjaldsvæðið geti tekið við 200-250 gestum á 2000 manna tjaldsvæði. Unnið sé að hugmyndum um útfærslur þannig að hægt sé að taka fleiri gesti og m.a. þurfi að auka fjölga salernum. „Þetta verður krefjandi verkefni. Það er spuning hvernig Íslendingar taka þessum reglum og leiðbeiningum um framfylgni þeirra. Við verðum að treysta á að gestirnir fari eftir merkingum og leiðbeiningum því ekki hægt að fylgjast með öllum.“ Tjaldsvæðið á Hömrum hefur yfir að ráða 16 flötum og segir Tryggi að það hjálpi til við að takast á við 50 manna takmarkið. „Það gerir okkur auðveldara fyrir. En á móti kemur að við þurfum að fjölga salernum.“
Enginn rekstrargrundvöllur fyrir Þórunnarstrætið
Varðandi tjaldsvæðið við Þórunnarstrætið þá segir Tryggvi að enginn rekstrargrundvöllur sé fyrir því miðað við 50 gesti. „Það er verið að skoða hvað hægt er að gera í því máli en það verður allavega ekki fyrr en um miðjan júní sem það verður opnað ef við finnum lausn á því hvernig hægt verður að reka það.“ Spurður hvort sá möguleiki sé fyrir hendi að tjaldsvæðið verði hreinlega ekki opnað í sumar segir Tryggvi að bæjaryfirvöld ráði þeirri ákvörðun á endanum.
Nýjast
-
AtNorth stækkar gagnaver sitt á Akureyri Glatvarmi nýttur til matvælaframleiðslu
Fyrirtækið atNorth vinnur að stækkun gagnavers síns á Akureyri. Einnig hefur félagið kynnt nýtt samstarf um endurheimt og nýtingu varma. Stækkun tveggja gagnavera atnorth, á Akureyri og í Reykjanesbæ er þegar hafin. -
easyJet lengir flugtímabil frá London til Akureyrar
Breska flugfélagið easyJet tilkynnti í dag að það muni bæta við flugferðum frá London Gatwick til Akureyrar í apríl 2025, og í október 2025. Áður stóð til að fljúga út mars á næsta ári, og hefja flugin að nýju í nóvember. Flugfélagið verður því mánuði lengur með flug í boði þennan vetur og að auki næsta haust. -
Snjómokstur í bænum
Töluvert hefur snjóað í bænum um helgina og þennan mánudagsmorguninn er víða illfært um íbúðagötur og stíga. Unnið er að snjómokstri og er mikill fjöldi tækja í notkun á vegum sveitarfélagsins og verktaka. -
Íþróttir fyrir alla!
Hver króna sem fer til íþróttafélaga er króna sem skilar sér margfalt til baka í samfélagið. Um kosti íþróttastarfs á Íslandi verður ekki deilt. Starfið er faglegt, fjölbreytt og gott. Það sem hefur breyst á undanförnum árum er að íþróttir eru gríðarlega atvinnuskapandi. Félögin á Íslandi í dag eru orðin stærri og komin með fleiri starfsmenn í full störf. Ásamt því að afleidd störf tengd íþróttum á Íslandi, t.d. í ferðaþjónustu, eru orðin ansi mörg og drjúg. -
Hið fullkomna stjórnarfar
Mannkynið hefur gert tilraunir með margskonar stjórnarfar. Þetta lærdómsferli hefur því miður kostnað blóð og mannfórnir en það hefur fært okkur vitneskjuna um að lýðræði er besta stjórnarfarið sem mannkynið hefur þekkt. Ekkert stjórnskipulag hefur fært mannkyni jafn miklar framfarir, öryggi, réttlæti og almenna hagsæld en lýðræðið. -
Hættum að slá ryki í augun á fólki !
Greinin er skrifuð í nafni Stangaveiðifélags Akureyrar, Stangaveiðifélagsins Flúða, Veiðifélags Fnjóskár, Veiðifélags Eyjafjarðarár, Veiðifélags Hörgár, Fiskirannsókna ehf, félagsskapar sem kallast Bleikjan - Styðjum stofninn, SUNN - Samtaka um náttúruvernd á Norðurlandi, Landssambands veiðifélaga, NASF – Verndarsjóðs villtra laxastofna og Íslenska náttúruverndarsjóðsins – IWF. -
Eldri borgarar hafa áhyggjur af öryggismálum í Sölku
Fulltrúar í Félagi Eldri borgara á Akureyri hafa lýst yfir áhyggjum sínum af öryggismálum í kjallara félagsmiðstöðvarinnar Sölku í Víðilundi á Akureyri. Þeir hvetja til þess að vinnueftirlit, heilbrigðiseftirlit og eldvarnareftirlit verði fengið til að gera heildarúttekt á húsnæðinu vegna þeirrar starfsemi sem þar fer fram á vegum Akureyrarbæjar. -
Gestir í Lystigarði um 159 þúsund á 10 mánuðum
Alls heimsóttu rúmlega 159 þúsund gestir í Lystigarðinni á Akureyri á 10 mánaða tímabili, frá byrjun janúar til loka október samkvæmt teljurum sem þar eru. Þetta kemur fram í minnisblaði sem fjallað var um á fundi umhverfis- og mannvirkjaráðs. -
Sólveig Lára er Ungskáld Akureyrar 2024
Það var vel við hæfi að í dag, á degi íslenskrar tungu, voru úrslit í ritlistakeppni Ungskálda 2024 kunngjörð á Amtsbókasafninu. Fyrstu veðlaun hlaut Sólveig Lára Skarphéðinsdóttir fyrir verkið Stök.
