Þarf ítrekað að kalla eftir aðstoð til að komast leiða sinna í hjólastól
Nanna Bára Birgisdóttir segir farir sínar ekki sléttar af aðgengi fyrir fólk í hjólastól á Akureyri. Á mörgum stöðum í bænum eru lyftur í ólagi sem hamlar fólki í að komast leiða sinna. Dóttir Nönnu Báru fer allar sínar leiðir í hjólastól og hefur hún í þrígang á stuttum tíma þurft á aðstoð að halda þar sem lyftur hafa bilað.
Hún segir hvað alvarlegast í þessu vera að lyftan á Heilsugæslustöðinni á Akureyri sé léleg og úr sér gengin. „Lyftan í Amarohúsinu er komin til ára sinna og það fyrir löngu síðan. Hún er svo vanstillt að hún stoppar ekki á réttum stað og oft munar nokkrum sentimetrum, fyrir ofan eða neðan brún. Dóttir mín festist þar fyrir síðustu áramót og það þurfti að kalla út viðgerðarmann til að hjálpa okkur og koma henni á leiðarenda.“
Ólíðandi að komast ekki greiðlega að heilsugæslunni
Nanna segir þetta afar hvimleitt og geti jafnvel verið hættulegt. „Ég held að maður þurfi að leita ansi langt út fyrir landsteinana til að finna sveitafélag jafn stórt og Akureyri þar sem einungis er tryggt aðgengi að einni hæð af fjórum á heilsugæslunni,“ segir Nanna Bára en á Heilsugæslunni er það 6. hæðin þar sem hægt er að ganga beint inn af götunni (að ofan) eða taka lyftu í samliggjandi húsi.
„Þetta er alls ekki nýtt vandamál og búið að vera í umræðunni í fjöldamörg ár að gera eitthvað í þessu en ekkert gerist,“ segir Nanna Bára. Hún bendir á að nú sé á döfinni að byggja nýja heilsugæslu og óttast að lítið muni gerast í þessum málum þangað til. „Það er ólíðandi að það sé ekkert annað hægt að gera í stöðunni en að biðja um að fá að hitta sinn heilbrigðisstarfsmann á 6. hæðinni.“
Þurfti hjálp slökkviliðsins í tvígang
Þær mæðgur hafa einni lent vandræðum annarsstaðar í bænum. „Við fórum t.d. á Minjasafnið á dögunum, þar bilaði lyftan og þurfti að kalla út
slökkviliðið til að hjálpa henni niður. Við höfum einnig lent í vandræðum í Sambíóunum en þar er bara upp á von og óvon hvernig lyftan virkar. Lyftan þar stoppaði núna um daginn þegar hún fór í bíó og þá þurfti einnig að kalla út slökkviliðið til að ná dóttur minni niður,“ segir Nanna Bára.
Letjandi fyrir fólk í að taka þátt í samfélaginu
Dóttir hennar, sem er nýorðin 18 ára, tekur það inn á sig að þurfa sífellt að fá utanaðkomandi aðstoð vegna vandræða með að komast leiða sinna. „Það fauk svolítið í hana um daginn enda hefur þetta gerst trekk í trekk undanfarið. Þetta er einfaldlega niðurlægjandi og er letjandi fyrir fólk í að taka þátt í samfélaginu.“ Þá bendir Nanna Bára á að fyrir ungt fólk getur þátttaka í samfélaginu oft þýtt að fara á skemmtistaði um helgar. „En því miður fyrir dóttur mína þá lítur ekki út fyrir að hún muni koma til með að vera virk í skemmtistaðalífi bæjarins þar sem hún kemst ekki inn á marga staði.“
Segir ábyrgðina liggja víða
Nanna segir aðgengi fyrir fatlað fólk á Akureyri almennt vera að skána, en betur má en duga skal. Hún segir ennfremur að ábyrgðin liggi víða þegar kemur að aðgengi fyrir fatlaða. „Bæjaryfirvöld, ríkisvaldið, félög og fyrirtæki þurfa að líta í eigin barm til að tryggja fólki sem notast við hjólastól gott aðgengi. Brotalamirnar eru alltof víða,“ segir Nanna Bára.
Nýjast
-
Örugg skref um allt land.
Heilbrigðiskerfið okkar er hjartað í því velferðarsamfélagi sem tekist hefur að byggja upp á Íslandi. Á yfir 40 fundum sem Samfylkingin bauð til um allt land til að ræða heilbrigðis- og öldrunarmál var ljóst að sinnuleysi og fyrirhyggjuskortur undanfarinna ríkisstjórna er að hola innan öryggistilfinningu fólks. Ekki síst í okkar kjördæmi þar sem vegalengdir eru langar, veður viðsjál og langt til Reykjavíkur. Að heilsugæslan neyðist til að reiða sig á íhlaupalækna til að bjarga vandanum tímabundið stoðar lítt. Það byggir ekki upp það traust og samfellu sem þarf til að fólk njóti þess margháttaða ávinnings sem rannsóknir hafa sýnt að fylgi því að hafa fastan heimilislækni. Enda settum við það sem okkar fyrsta heit í nýju framkvæmdaplani heilbrigðismála til tveggja kjörtímabila. Við erum tilbúin. -
Búsetutengd mismunun í heilbrigðisþjónustu, í boði einkavæðingar og heilbrigðisráðherra Framsóknar.
Búsetutengdur munur á notkun þjónustu sérgreinalækna er mjög mikill. Íbúar dreifbýlis nota þjónustuna mun minna en höfuðborgarbúar og íbúar Vestfjarða og Austfjarða minnst allra, nefnilega þrisvar sinnum minna en höfuðborgarbúar. Lýðheilsuvísar benda ekki til þess að íbúar í dreifbýli séu heilsubetri en höfuðborgarbúar. Nærtæk skýring á þessum mun er að kaupandi þjónustunnar, ríkið, lætur sig engu varða hvar þjónustan er veitt og hún hefur nær öll byggst upp í Reykjavík. Í versta falli er afleiðingin sú að þau sem búa næst þjónustunni nýta hana umfram þörf og hin sem fjær búa minna en æskilegt væri. Hvoru tveggja er hættulegt og brýnt að rýna lög og hvort þeim er fylgt. -
Svik við launafólk: Loforð um samráð brotin með gegndarlausum gjaldskrárhækkunum
Anna Júlíusdóttir formaður Einingar Iðju skrifar bréf til bæjarstjórnar Akureyrar í dag sem birt er að heimasíðu félagsins, það lætur hún í ljós mikla óánægju með boðaðar hækkanir hjá hinum ýmsu fyrirtækjum og stofnunum bæjarins og er óhætt að segja að Önnu sé misboðið. „Við erum tilbúin til uppbyggilegs samtals,“ sögðum við í júlí þegar bæjaryfirvöld á Akureyri boðuðu breytingar á gjaldskrám. Við fögnuðum loforðum um samráð, um víðtækt samtal við hagsmunaaðila og um reglulegt endurmatsferli þar sem allir kæmu að borðinu. Nú aðeins fjórum mánuðum síðar stendur eftir sársaukafullt svik á trausti launafólks. Í stað samtals og samráðs virðast vera að raungerast víðtækar gjaldskrárhækkanir sem eru hrein árás á kaupmátt launafólks. -
Vegamálin liggja þungt á Grímseyingum
Vegamál liggja þungt á heimamönnum í Grímsey. Bundið slitlag var sett á götur þar árið 1994 og aftur árið 2014, en þá var verkið ekki klárað almennilega, „því það mátti bara setja á ákveðið marga kílómetra,“ eins og það er orðað í bókun hverfisnefndar. -
Gripmælar, róbótar og ratleikur á Opnum degi Um 300 framhaldsskólanemendur lögðu leið sína í Háskólann á Akureyri
Stuðið var gífurlegt á dögunum þegar um 300 framhaldsskólanemendur heimsóttu Háskólann á Akureyri á Opnum degi. Skólinn hefur gert þetta í mörg ár í góðu samstarfi við náms- og starfsráðgjafa í framhaldsskólum á norðaustursvæðinu. -
Óska eftir frambjóðendum sem eru tilbúnir í alvöru breytingar!
Ég óska eftir breytingum svo að ég og allir aðrir menntaðir Heilsunuddarar viti hvað við eigum að kjósa í komandi alþingiskosningum. -
Lítið að frétta í lífi án frétta á landsbyggðunum
Af þeim 27 fjölmiðlum sem hlutu rekstrarstuðning til einkarekinna fjölmiðla 2024 voru 13 staðbundnir fjölmiðlar og af þeim 10 staðsettir utan höfuðborgarsvæðisins. Hver og einn af þessum staðbundnu miðlum þjónar gríðarlega mikilvægu hlutverki í sinni heimabyggð og styrkveitingin því sannarlega fagnaðarefni. -
AtNorth stækkar gagnaver sitt á Akureyri Glatvarmi nýttur til matvælaframleiðslu
Fyrirtækið atNorth vinnur að stækkun gagnavers síns á Akureyri. Einnig hefur félagið kynnt nýtt samstarf um endurheimt og nýtingu varma. Stækkun tveggja gagnavera atnorth, á Akureyri og í Reykjanesbæ er þegar hafin. -
easyJet lengir flugtímabil frá London til Akureyrar
Breska flugfélagið easyJet tilkynnti í dag að það muni bæta við flugferðum frá London Gatwick til Akureyrar í apríl 2025, og í október 2025. Áður stóð til að fljúga út mars á næsta ári, og hefja flugin að nýju í nóvember. Flugfélagið verður því mánuði lengur með flug í boði þennan vetur og að auki næsta haust.
