Stúlknabandið spilar í Akureyrarkirkju og í Vogafjósi
Klassíska hljómsveitin Stúlknabandið leggur land undir fót 12.-13. október næstkomandi og er stefnan tekin á Norðurlandið. Stúlknabandið mun spila tónlist, annars vegar í Mývatnssveit og hins vegar á Akureyri.
Meðalaldur hljómsveitarmeðlimanna þriggja er undir fimmtán árum. Hljómsveitina skipa Sigrún Marta Arnalds víóluleikari, Sól Björnsdóttir píanisti og Sveindís Liljudóttir fiðluleikari.
Stúlknabandið hefur vakið athygli fyrir næma túlkun á klassískri tónlist. Kom fram í fréttum Stöðvar 2 fyrr á árinu þegar fjallað var um tríóið, að hljómsveitin var stofnuð með það að markmiði að kynna rómantíska og sígilda tónlist fyrir almenningi, ekki síst ungu fólki.
Einn hljómsveitarmeðlimanna er með norðlenskar rætur. Sól ólst upp á Akureyri og lærði á píanó undir leiðsögn Lidiu Kolosowska við Tónlistarskólann á Akureyri. Annar Norðlendingur, Kristinn Örn Kristinsson, er nú kennari hennar í Reykjavík. Sveindís nýtur leiðsagnar Lilju Hjaltadóttur og kennari Sigrúnar er Guðmundur Kristmundsson.
Á efnisskrá Stúlknabandsins um helgina má nefna tvo tangóa, annan eftir Astor Piazolla og hinn eftir Carlos Gardel. Eftir Glinka verða flutt Þrjú rússnesk ljóð.
„Við erum mjög spenntar, túrinn norður verður okkar fyrsta ferð saman út fyrir höfuðborgarsvæðið,“ segja stúlkurnar sem hafa spilað í Hörpu og Salnum í Kópavogi svo nokkuð sé nefnt og á Barnamenningarhátíð í Safnahúsinu.
„Það verður gaman að heimsækja mínar gömlu heimaslóðir,“ segir Sól og á við báða áfangastaði, því faðir hennar ólst upp í Vogum, Mývatnssveit.
Stúlkurnar hefja leik klukkan 18 laugardaginn 12. október á veitingastaðnum Vogafjósi í Mývatnssveit. Þær spila svo við hádegismessu í Akureyrarkirkju degi síðar. Enginn aðgangseyrir er að tónleikunum í Vogafjósi.
„Við hlökkum mikið til að fá þessar stelpur til okkar og spila fyrir gesti veitingahússins,“ segir Ólöf Hallgrímsdóttir, eigandi Vogafjóss.
Þá er ekki algengt að börn stofni hljómsveit og flytji tónlist í kirkju. Flutningurinn í Akureyrarkirkju markar því ákveðin tímamót fyrir Stúlknabandið.
Stöllurnar þrjár í Stúlknabandinu
Nýjast
-
Gott, grænt og gult fótboltasumar í sumar
Það gladdi alla Norðlendinga þegar karlalið KA varð Bikarmeistari í knattspyrnu í fyrsta skipti í sögu félagsins. KA var vel að þessum sigri komið, gleði og stolt þeirra einlægt. En við Þingeyingar, sem erum ekki þekktir fyrir mikla hógværð, viljum benda á staðreyndir sem tengjast þessu afreki -
Stúlknabandið spilar í Akureyrarkirkju og í Vogafjósi
Klassíska hljómsveitin Stúlknabandið leggur land undir fót 12.-13. október næstkomandi og er stefnan tekin á Norðurlandið. Stúlknabandið mun spila tónlist, annars vegar í Mývatnssveit og hins vegar á Akureyri. -
Slæmt vor mjög líklega orsök lægri meðalvigtar
Meðalvigtin það sem af er sláturtíð hjá Kjarnafæði Norðlenska á Húsavík er 16,87 kg á móti 17,10 kg á sama tíma í fyrra. -
Hefur selt K-lykilinn í 50 ár
Landssöfnun Kiwanis fyrir einstök börn -
Veður- og sólfar sem og skaðvaldar geta ráðið hve mikil haustlitadýrðin er
„Haustlitir á birki virðast koma hægt þetta árið og getur bæði spilað inn í faraldur skaðvalda og svalt sumar,“ segir Pétur Halldórsson kynningarstjóri Lands og skóga. Birki á svæðinu er illa útleikið eftir tvo nýlega skaðvalda sem herjuðu sérstaklega illa á það hér um slóðir í sumar. -
Gleymum ekki fólkinu á Gaza
Í dag laugardag eru ráðgerðir viðburðir um allan heim til að minnast þess og mótmæla að þjóðarmorð hafa átt sér stað á G A Z A í heilt ár. -
Viðamiklar framkvæmdir í Hrafnagilshverfi
Viðamiklar framkvæmdir hafa staðið yfir undanfarnar vikur í Hrafnagilshverfi í Eyjafjarðarsveit þar sem breyta þurfti lagnaleiðum, koma fyrir nýjum lögnum/strengjum, afleggja og endurnýja eftir þörfum í nokkuð flókinni framkvæmd þar sem samræma hefur þurft vinnu nokkurs fjölda veitu- og fjarskiptafyrirtækja. -
Nemendur í vélstjórn komust í feitt
Heimasíða Samherja segir frá því að nemendum í vélstjórn við Verkmenntaskólann á Akureyri gafst nýverið kostur á að fylgjast með endurbótum á sveifarási frystitogarans Snæfells EA, sem er í eigu Samherja. Um er að ræða sérhæft verkefni, sem krefst mikillar nákvæmni og voru erlendir sérfræðingar fengnir til landsins í tengslum við vélarupptekt og slípun á sveifarási. -
Snýr aftur í heimahagana
Gabríel Ingimarsson snýr aftur í heimahagana og tekur við stöðu rekstrarstjóra Hríseyjarbúðarinnar eftir nokkurra ára fjarveru með viðkomu í Reykjavík, Laugum í Reykjadal og Brussel.
