Stór hluti Akureyringa stefnir á vistvæna bíla
Meirihluti Akureyringa sem tóku afstöðu í nýrri könnun Rannsóknamiðstöðvar Háskólans á Akureyri um bifreiðakaup stefnir á að kaupa bíl sem er að hluta eða öllu leyti drifinn áfram af vistvænum orkugjöfum. Rafbílar koma þar helst til greina. Einnig íhugar fólk að kaupa tengi-tvinnbíl eða metanbíl.
Spurt var um næsta bíl sem fólk telur líklegt að það kaupi með tilliti til orkugjafa. Um 30% stefna á að kaupa bensín eða díselbíl, 23% rafbíl, 18% tengi-tvinnbíl og um 1% metanbíl. 28% svarenda sögðust ekki vita það/tóku ekki afstöðu til spurningarinnar. Ef einungis er litið til þeirra sem tóku afstöðu kemur í ljós að 59% hugsa sér að kaupa næst bíl sem drifinn er áfram af vistvænum orkugjöfum; rafbíl, tengi-tvinnbíl eða metanbíl. 41% telja líklegt að bensín eða díselbíll verði næst fyrir valinu.
Veruleg breyting á tveimur árum
Guðmundur Haukur Sigurðsson, framkvæmdastjóri Vistorku á Akureyri, segir niðurstöður könnunarinnar bæði jákvæðar og neikvæðar. „Helstu vonbrigðin er að það er ekki nægilega afgerandi mikill meirihluti ungs fólks sem hyggst kaupa sér vistvænan bíl. En það skýrist kannski að því að ungt fólk er minna í að kaupa sér nýja bíla og það erfiðara að fá gamla vistvæna bíla,“ segir Guðmundur Haukur.
Hann nefnir einnig að það gangi erfiðlega að fá metanbíla til að ná í gegn. Aðeins 1% svarenda stefnir á að kaupa metanbíl. „Ég skil ekki hvað veldur því. Metanið hefur verið kynnt mjög vel og fólk horfir hér á þrjá strætisvagna á götum bæjarins sem ganga fyrir metani. Metanið 40% ódýrara en bensín og dísil og bílarnir eru einnig ódýrari. Þannig að þetta er mjög umhugsunarvert.“
Hann segir hins vegar að niðurstöðurnar séu heilt yfir jákvæðar. „Þetta eru miklar breytingar frá því sem áður var og t.d. bara verulega breyting frá því fyrir tveimur árum. Ég reikna með að á árinu 2020 verði breytingin ennþá meiri því þá er von á mörgum tegundum á markaðinn af vistvænum bílum.“
Hvetja fyrirtæki í setja upp rafhleðslustöðvar
Tvær stórar rafhleðslustöðvar eru á Akureyri og er von hinni þriðju á næsta ári. Segir Guðmundur Haukur það vera nóg í ekki stærra sveitarfélagi. Helgi Jóhannesson, forstjóri Norðurorku, sagði í samtali við Vikudag að það væri ánægjulegt hversu stór fjöldi íbúa stefnir á vistvænan bílakost. Hann sagði einnig það vera mikilvægt að fyrirtæki myndu setja upp rafhleðslustöðvar til að auðvelda fólki í að eiga rafbíla.
Undir þetta tekur Guðmundur Haukur. „Ég myndi vilja sjá vinnustaði koma meiri inn í þetta því margir geta lent í vandræðum með að hleðslu heima hjá sér. Ef þú býrð í einbýli er lítið mál að hlaða heima hjá sér með sinni eigin hleðslustöð. Í raðhúsum er þetta lítið mál í flestum tilvikum en þegar við erum farnir að ræða fjölbýlishús er þetta orðið mikið vesen. Þar eru allskyns flækjustig. Þá er gott að fólk getur hlaðið bílinn í vinnunni,“ segir Guðmundur Haukur.
Heilt yfir benda niðurstöður könnunarinnar til þess að stór hluti Akureyringa sé jákvæður gagnvart því að skipta yfir í umhverfisvænni bíla. Könnunin var eins og áður sagði framkvæmd af Rannsóknamiðstöð Háskólans á Akureyri. Hún var send á netföng 1.055 einstaklinga sem skráðir eru á Akureyri. 614 svöruðu könnuninni og telst svarhlutfall því vera 58%.
Nýjast
-
AtNorth stækkar gagnaver sitt á Akureyri Glatvarmi nýttur til matvælaframleiðslu
Fyrirtækið atNorth vinnur að stækkun gagnavers síns á Akureyri. Einnig hefur félagið kynnt nýtt samstarf um endurheimt og nýtingu varma. Stækkun tveggja gagnavera atnorth, á Akureyri og í Reykjanesbæ er þegar hafin. -
easyJet lengir flugtímabil frá London til Akureyrar
Breska flugfélagið easyJet tilkynnti í dag að það muni bæta við flugferðum frá London Gatwick til Akureyrar í apríl 2025, og í október 2025. Áður stóð til að fljúga út mars á næsta ári, og hefja flugin að nýju í nóvember. Flugfélagið verður því mánuði lengur með flug í boði þennan vetur og að auki næsta haust. -
Snjómokstur í bænum
Töluvert hefur snjóað í bænum um helgina og þennan mánudagsmorguninn er víða illfært um íbúðagötur og stíga. Unnið er að snjómokstri og er mikill fjöldi tækja í notkun á vegum sveitarfélagsins og verktaka. -
Íþróttir fyrir alla!
Hver króna sem fer til íþróttafélaga er króna sem skilar sér margfalt til baka í samfélagið. Um kosti íþróttastarfs á Íslandi verður ekki deilt. Starfið er faglegt, fjölbreytt og gott. Það sem hefur breyst á undanförnum árum er að íþróttir eru gríðarlega atvinnuskapandi. Félögin á Íslandi í dag eru orðin stærri og komin með fleiri starfsmenn í full störf. Ásamt því að afleidd störf tengd íþróttum á Íslandi, t.d. í ferðaþjónustu, eru orðin ansi mörg og drjúg. -
Hið fullkomna stjórnarfar
Mannkynið hefur gert tilraunir með margskonar stjórnarfar. Þetta lærdómsferli hefur því miður kostnað blóð og mannfórnir en það hefur fært okkur vitneskjuna um að lýðræði er besta stjórnarfarið sem mannkynið hefur þekkt. Ekkert stjórnskipulag hefur fært mannkyni jafn miklar framfarir, öryggi, réttlæti og almenna hagsæld en lýðræðið. -
Hættum að slá ryki í augun á fólki !
Greinin er skrifuð í nafni Stangaveiðifélags Akureyrar, Stangaveiðifélagsins Flúða, Veiðifélags Fnjóskár, Veiðifélags Eyjafjarðarár, Veiðifélags Hörgár, Fiskirannsókna ehf, félagsskapar sem kallast Bleikjan - Styðjum stofninn, SUNN - Samtaka um náttúruvernd á Norðurlandi, Landssambands veiðifélaga, NASF – Verndarsjóðs villtra laxastofna og Íslenska náttúruverndarsjóðsins – IWF. -
Eldri borgarar hafa áhyggjur af öryggismálum í Sölku
Fulltrúar í Félagi Eldri borgara á Akureyri hafa lýst yfir áhyggjum sínum af öryggismálum í kjallara félagsmiðstöðvarinnar Sölku í Víðilundi á Akureyri. Þeir hvetja til þess að vinnueftirlit, heilbrigðiseftirlit og eldvarnareftirlit verði fengið til að gera heildarúttekt á húsnæðinu vegna þeirrar starfsemi sem þar fer fram á vegum Akureyrarbæjar. -
Gestir í Lystigarði um 159 þúsund á 10 mánuðum
Alls heimsóttu rúmlega 159 þúsund gestir í Lystigarðinni á Akureyri á 10 mánaða tímabili, frá byrjun janúar til loka október samkvæmt teljurum sem þar eru. Þetta kemur fram í minnisblaði sem fjallað var um á fundi umhverfis- og mannvirkjaráðs. -
Sólveig Lára er Ungskáld Akureyrar 2024
Það var vel við hæfi að í dag, á degi íslenskrar tungu, voru úrslit í ritlistakeppni Ungskálda 2024 kunngjörð á Amtsbókasafninu. Fyrstu veðlaun hlaut Sólveig Lára Skarphéðinsdóttir fyrir verkið Stök.
