13.nóvember - 20.nóvember - Tbl 46
Stór áform uppi í Eyjafjarðarsveit
Mikill uppgangur er í Eyjafjarðarsveit.
Uppi eru áform um miklar byggingarframkvæmdir í Eyjafjarðarsveit á næstu árum. Skipulagsnefnd Eyjafjarðarsveitar er nú að undirbúa upptöku deiliskipulags fyrir Hrafnagilshverfi og mun sú vinna vera í gangi á næsta ári.
Finnur Yngvi Kristinsson, sveitarstjóri í Eyjafarðarsveit, segir að miklir möguleikar séu enn í hverfinu til uppbyggingar ekki síst nú þegar fyrir liggur að Eyjafjarðarbraut mun fara úr hverfinu og niður á árbakkann árið 2021. Um tólf ný einbýlishús auk raðhúss verða líklega byggð í Hrafnagilshverfi á næstu tveimur árum og pláss fyrir fleiri við tilfærslu vegarins.
„Sveitarfélagið er einnig að undirbúa sig fyrir mikið framkvæmdatímabil en gert er ráð fyrir að efla skólaumhverfi Eyjafjarðarsveitar enn frekar á árunum 2021-2023 með nýbyggingum fyrir leikskóla og viðbyggingu við Hrafnagilsskóla. Endurspegla þessar framkvæmdir þær miklu áherslur sem sveitarfélagið hefur haft að leiðarljósi varðandi öflugt skólasamfélag,“ segir Finnur.
80-100 íbúðir í landi Kropps
Þá hafa landeigendur í Kroppi óskað eftir að fá að deiliskipuleggja íbúðabyggð á landi sínu og getur þar risið afar spennandi búsetukostur fyrir íbúa á norðurlandi að sögn Finns Yngva. „Aðalskipulag gerir ráð fyrir að þarna geti risið 80-100 íbúðir á árunum fram til 2030 og verður spennandi að fylgjast með þróun þessa verkefnis. Það er líka sérlega gaman að sjá þróunina utan hverfis en töluvert hefur verið um endurnýjun á bæjunum í sveitinni og þangað flutt ungt fólk með börn. Sveitin er nokkuð þéttbyggð á mörgum svæðum og eru þar verulega spennandi skilyrði fyrir fólk sem vill búa fyrir utan ys og þys borgar og bæja en samt í nálægð við góðan skóla og öfluga þjónustukjarna.“
Íbúum fer fjölgandi
Íbúum í sveitarfélaginu fer fjölgandi og var íbúafjöldinn þann 1. desember 1.070. Fjölgaði íbúum um 29 milli ára sem telst býsna gott í ekki fjölmennara sveitarfélagi. „Við erum afar ánægð með þá heilbrigðu þróun á íbúafjölda sem á sér stað í sveitafélaginu og stolt af því að fólk hafi áhuga á að búa í okkar hlýlega sveitarfélagi. Við erum ávallt bjartsýn í Eyjafjarðarsveit og væntum þess að það verði áframhaldandi aukning í sveitarfélaginu á komandi árum,“ segir Finnur Yngvi Kristinsson sveitarstjóri í Eyjafjarðarsveit.
Nýjast
-
Lítið að frétta í lífi án frétta á landsbyggðunum
Af þeim 27 fjölmiðlum sem hlutu rekstrarstuðning til einkarekinna fjölmiðla 2024 voru 13 staðbundnir fjölmiðlar og af þeim 10 staðsettir utan höfuðborgarsvæðisins. Hver og einn af þessum staðbundnu miðlum þjónar gríðarlega mikilvægu hlutverki í sinni heimabyggð og styrkveitingin því sannarlega fagnaðarefni. -
AtNorth stækkar gagnaver sitt á Akureyri Glatvarmi nýttur til matvælaframleiðslu
Fyrirtækið atNorth vinnur að stækkun gagnavers síns á Akureyri. Einnig hefur félagið kynnt nýtt samstarf um endurheimt og nýtingu varma. Stækkun tveggja gagnavera atnorth, á Akureyri og í Reykjanesbæ er þegar hafin. -
easyJet lengir flugtímabil frá London til Akureyrar
Breska flugfélagið easyJet tilkynnti í dag að það muni bæta við flugferðum frá London Gatwick til Akureyrar í apríl 2025, og í október 2025. Áður stóð til að fljúga út mars á næsta ári, og hefja flugin að nýju í nóvember. Flugfélagið verður því mánuði lengur með flug í boði þennan vetur og að auki næsta haust. -
Snjómokstur í bænum
Töluvert hefur snjóað í bænum um helgina og þennan mánudagsmorguninn er víða illfært um íbúðagötur og stíga. Unnið er að snjómokstri og er mikill fjöldi tækja í notkun á vegum sveitarfélagsins og verktaka. -
Íþróttir fyrir alla!
Hver króna sem fer til íþróttafélaga er króna sem skilar sér margfalt til baka í samfélagið. Um kosti íþróttastarfs á Íslandi verður ekki deilt. Starfið er faglegt, fjölbreytt og gott. Það sem hefur breyst á undanförnum árum er að íþróttir eru gríðarlega atvinnuskapandi. Félögin á Íslandi í dag eru orðin stærri og komin með fleiri starfsmenn í full störf. Ásamt því að afleidd störf tengd íþróttum á Íslandi, t.d. í ferðaþjónustu, eru orðin ansi mörg og drjúg. -
Hið fullkomna stjórnarfar
Mannkynið hefur gert tilraunir með margskonar stjórnarfar. Þetta lærdómsferli hefur því miður kostnað blóð og mannfórnir en það hefur fært okkur vitneskjuna um að lýðræði er besta stjórnarfarið sem mannkynið hefur þekkt. Ekkert stjórnskipulag hefur fært mannkyni jafn miklar framfarir, öryggi, réttlæti og almenna hagsæld en lýðræðið. -
Hættum að slá ryki í augun á fólki !
Greinin er skrifuð í nafni Stangaveiðifélags Akureyrar, Stangaveiðifélagsins Flúða, Veiðifélags Fnjóskár, Veiðifélags Eyjafjarðarár, Veiðifélags Hörgár, Fiskirannsókna ehf, félagsskapar sem kallast Bleikjan - Styðjum stofninn, SUNN - Samtaka um náttúruvernd á Norðurlandi, Landssambands veiðifélaga, NASF – Verndarsjóðs villtra laxastofna og Íslenska náttúruverndarsjóðsins – IWF. -
Eldri borgarar hafa áhyggjur af öryggismálum í Sölku
Fulltrúar í Félagi Eldri borgara á Akureyri hafa lýst yfir áhyggjum sínum af öryggismálum í kjallara félagsmiðstöðvarinnar Sölku í Víðilundi á Akureyri. Þeir hvetja til þess að vinnueftirlit, heilbrigðiseftirlit og eldvarnareftirlit verði fengið til að gera heildarúttekt á húsnæðinu vegna þeirrar starfsemi sem þar fer fram á vegum Akureyrarbæjar. -
Gestir í Lystigarði um 159 þúsund á 10 mánuðum
Alls heimsóttu rúmlega 159 þúsund gestir í Lystigarðinni á Akureyri á 10 mánaða tímabili, frá byrjun janúar til loka október samkvæmt teljurum sem þar eru. Þetta kemur fram í minnisblaði sem fjallað var um á fundi umhverfis- og mannvirkjaráðs.
