13.nóvember - 20.nóvember - Tbl 46
Skipar starfshóp um uppbyggingu á Akureyrarflugvelli
Akureyrarflugvöllur. Mynd/Hörður Geirsson.
Sigurður Ingi Jóhannsson samgönguráðherra hefur skipað aðgerðahóp um uppbyggingu á Akureyrarflugvelli. Starfshópurinn er skipaður fulltrúum úr samgönguráðuneytinu og atvinnuvegaráðuneytinu, Akureyrarbæ, Eyþingi, ferðaþjónustunnar á Norðurlandi og Isavia. Verður hópnum falið að taka saman gögn og setja fram tillögur til að vinna að þessu markmiði.
Sigurður Ingi greindi frá þessu á Facebooksíðu sinni í gærkvöld. Þar segir að hann hafi fundað í vikunni með bæjarstjórn Akureyrarbæjar og Eyþingi um Akureyrarflugvöll sem gegni mikilvægu hlutverki í millilandaflugi.
„Góðar aðstæður eru til uppbyggingar á fluggátt til landsins á Akureyrarflugvelli og töluverð reynsla komin á hana. Unnið hefur verið að því að efla Akureyrarflugvöll fyrir millilandaflug, fyrst með lengingu flugbrautarinnar og síðan með uppsetningu á blindaðflugsbúnaði (ILS). Samhliða hefur verið unnið að því um árabil að markaðsetja Norðurland og um leið að styðja við uppbyggingu nýrra flugleiða m.a. með aðkomu flugþróunarsjóðs. Í stjórnarsáttmálanum er eitt af verkefnum þessarar ríkisstjórnar að huga að möguleikum til að opna fleiri hlið inn til landsins og fjölga þannig svæðum sem geta notið góðs af ferðaþjónustu,“ segir Sigurður Ingi.
Sigurður Ingi var gestur Karls Eskils Pálssonar í þættinum Landsbyggðin á N4 í gærkvöld þar sem málin voru rædd en þar kom fram að starfshópurinn hefji vinnu fljótlega eftir áramót og niðurstöður ættu að liggja fyrir eftir þrjá til fjóra mánuði.
Nýjast
-
Lítið að frétta í lífi án frétta á landsbyggðunum
Af þeim 27 fjölmiðlum sem hlutu rekstrarstuðning til einkarekinna fjölmiðla 2024 voru 13 staðbundnir fjölmiðlar og af þeim 10 staðsettir utan höfuðborgarsvæðisins. Hver og einn af þessum staðbundnu miðlum þjónar gríðarlega mikilvægu hlutverki í sinni heimabyggð og styrkveitingin því sannarlega fagnaðarefni. -
AtNorth stækkar gagnaver sitt á Akureyri Glatvarmi nýttur til matvælaframleiðslu
Fyrirtækið atNorth vinnur að stækkun gagnavers síns á Akureyri. Einnig hefur félagið kynnt nýtt samstarf um endurheimt og nýtingu varma. Stækkun tveggja gagnavera atnorth, á Akureyri og í Reykjanesbæ er þegar hafin. -
easyJet lengir flugtímabil frá London til Akureyrar
Breska flugfélagið easyJet tilkynnti í dag að það muni bæta við flugferðum frá London Gatwick til Akureyrar í apríl 2025, og í október 2025. Áður stóð til að fljúga út mars á næsta ári, og hefja flugin að nýju í nóvember. Flugfélagið verður því mánuði lengur með flug í boði þennan vetur og að auki næsta haust. -
Snjómokstur í bænum
Töluvert hefur snjóað í bænum um helgina og þennan mánudagsmorguninn er víða illfært um íbúðagötur og stíga. Unnið er að snjómokstri og er mikill fjöldi tækja í notkun á vegum sveitarfélagsins og verktaka. -
Íþróttir fyrir alla!
Hver króna sem fer til íþróttafélaga er króna sem skilar sér margfalt til baka í samfélagið. Um kosti íþróttastarfs á Íslandi verður ekki deilt. Starfið er faglegt, fjölbreytt og gott. Það sem hefur breyst á undanförnum árum er að íþróttir eru gríðarlega atvinnuskapandi. Félögin á Íslandi í dag eru orðin stærri og komin með fleiri starfsmenn í full störf. Ásamt því að afleidd störf tengd íþróttum á Íslandi, t.d. í ferðaþjónustu, eru orðin ansi mörg og drjúg. -
Hið fullkomna stjórnarfar
Mannkynið hefur gert tilraunir með margskonar stjórnarfar. Þetta lærdómsferli hefur því miður kostnað blóð og mannfórnir en það hefur fært okkur vitneskjuna um að lýðræði er besta stjórnarfarið sem mannkynið hefur þekkt. Ekkert stjórnskipulag hefur fært mannkyni jafn miklar framfarir, öryggi, réttlæti og almenna hagsæld en lýðræðið. -
Hættum að slá ryki í augun á fólki !
Greinin er skrifuð í nafni Stangaveiðifélags Akureyrar, Stangaveiðifélagsins Flúða, Veiðifélags Fnjóskár, Veiðifélags Eyjafjarðarár, Veiðifélags Hörgár, Fiskirannsókna ehf, félagsskapar sem kallast Bleikjan - Styðjum stofninn, SUNN - Samtaka um náttúruvernd á Norðurlandi, Landssambands veiðifélaga, NASF – Verndarsjóðs villtra laxastofna og Íslenska náttúruverndarsjóðsins – IWF. -
Eldri borgarar hafa áhyggjur af öryggismálum í Sölku
Fulltrúar í Félagi Eldri borgara á Akureyri hafa lýst yfir áhyggjum sínum af öryggismálum í kjallara félagsmiðstöðvarinnar Sölku í Víðilundi á Akureyri. Þeir hvetja til þess að vinnueftirlit, heilbrigðiseftirlit og eldvarnareftirlit verði fengið til að gera heildarúttekt á húsnæðinu vegna þeirrar starfsemi sem þar fer fram á vegum Akureyrarbæjar. -
Gestir í Lystigarði um 159 þúsund á 10 mánuðum
Alls heimsóttu rúmlega 159 þúsund gestir í Lystigarðinni á Akureyri á 10 mánaða tímabili, frá byrjun janúar til loka október samkvæmt teljurum sem þar eru. Þetta kemur fram í minnisblaði sem fjallað var um á fundi umhverfis- og mannvirkjaráðs.
