Reyna að takast á við ástandið af æðruleysi
Hvalaskoðunarfyrirtæki á Húsavík hafa sett svip sinn á bæjarlífið í áratugi og gert það með myndarbrag. Enda hefur Húsavík komist á kortið sem höfuðstaður hvalaskoðunar í Evrópu. Það algjöra hrun sem orðið hefur í komum erlendra ferðamanna til Íslands vegna Covid-19 heimsfaraldursins sem enn geysar hefur þvingað þessi fyrirtæki til þess að draga saman seglin og halda að sér höndum. Óvissa ríkir um framtíðina enda langt liðið á hvalaskoðunarvertíðina en reglulegar farþegasiglingar aðeins rétt hafnar.
Vikublaðið heimsótti eitt þessara fyrirtækja, Gientle Giants hvalaferðir (GG) heim á dögunum og tók Stefán Guðmundsson framkvæmdastjóra tali. GG er eitt fjölmargra fyrirtækja sem nýtt hefur hlutabótaleið stjórnvalda. Í eðlilegu árferði starfa um 50 manns hjá fyrirtækinu þegar mest er en undanfarið hefur verið lágmarksmönnun þar sem keyrt er fyrst og fremst á heilsársstarfsfólki.
Stefán er alin upp við sjómennsku og notar gjarna myndmál í ræðu sinni með vísun í baráttu mannsins við að sækja sér bjargir til sjávar. Hann lýsir aðstæðum þeim sem brjóta nú á ferðaþjónustunni eins og að reka í stórsjó í svartaþoku. Stefán fer ekki leynt með það að hann telji útlitið vera dökkt hjá mörgum fyrirtækjum innan ferðaþjónustunnar.
Lesa má ítarlegt viðtal við Stefán í nýjasta tölublaði Vikublaðsins.
-epe
Smelltu hér til að gerast áskrifandi.
Nýjast
-
Snjómokstur í bænum
Töluvert hefur snjóað í bænum um helgina og þennan mánudagsmorguninn er víða illfært um íbúðagötur og stíga. Unnið er að snjómokstri og er mikill fjöldi tækja í notkun á vegum sveitarfélagsins og verktaka. -
Íþróttir fyrir alla!
Hver króna sem fer til íþróttafélaga er króna sem skilar sér margfalt til baka í samfélagið. Um kosti íþróttastarfs á Íslandi verður ekki deilt. Starfið er faglegt, fjölbreytt og gott. Það sem hefur breyst á undanförnum árum er að íþróttir eru gríðarlega atvinnuskapandi. Félögin á Íslandi í dag eru orðin stærri og komin með fleiri starfsmenn í full störf. Ásamt því að afleidd störf tengd íþróttum á Íslandi, t.d. í ferðaþjónustu, eru orðin ansi mörg og drjúg. -
Hið fullkomna stjórnarfar
Mannkynið hefur gert tilraunir með margskonar stjórnarfar. Þetta lærdómsferli hefur því miður kostnað blóð og mannfórnir en það hefur fært okkur vitneskjuna um að lýðræði er besta stjórnarfarið sem mannkynið hefur þekkt. Ekkert stjórnskipulag hefur fært mannkyni jafn miklar framfarir, öryggi, réttlæti og almenna hagsæld en lýðræðið. -
Hættum að slá ryki í augun á fólki !
Greinin er skrifuð í nafni Stangaveiðifélags Akureyrar, Stangaveiðifélagsins Flúða, Veiðifélags Fnjóskár, Veiðifélags Eyjafjarðarár, Veiðifélags Hörgár, Fiskirannsókna ehf, félagsskapar sem kallast Bleikjan - Styðjum stofninn, SUNN - Samtaka um náttúruvernd á Norðurlandi, Landssambands veiðifélaga, NASF – Verndarsjóðs villtra laxastofna og Íslenska náttúruverndarsjóðsins – IWF. -
Eldri borgarar hafa áhyggjur af öryggismálum í Sölku
Fulltrúar í Félagi Eldri borgara á Akureyri hafa lýst yfir áhyggjum sínum af öryggismálum í kjallara félagsmiðstöðvarinnar Sölku í Víðilundi á Akureyri. Þeir hvetja til þess að vinnueftirlit, heilbrigðiseftirlit og eldvarnareftirlit verði fengið til að gera heildarúttekt á húsnæðinu vegna þeirrar starfsemi sem þar fer fram á vegum Akureyrarbæjar. -
Gestir í Lystigarði um 159 þúsund á 10 mánuðum
Alls heimsóttu rúmlega 159 þúsund gestir í Lystigarðinni á Akureyri á 10 mánaða tímabili, frá byrjun janúar til loka október samkvæmt teljurum sem þar eru. Þetta kemur fram í minnisblaði sem fjallað var um á fundi umhverfis- og mannvirkjaráðs. -
Sólveig Lára er Ungskáld Akureyrar 2024
Það var vel við hæfi að í dag, á degi íslenskrar tungu, voru úrslit í ritlistakeppni Ungskálda 2024 kunngjörð á Amtsbókasafninu. Fyrstu veðlaun hlaut Sólveig Lára Skarphéðinsdóttir fyrir verkið Stök. -
Á að vera landbúnaður á Íslandi?
Þetta er grundvallarspurning sem allir íslendingar þurfa að gera upp við sig ásamt þeirri spurningu hvort byggð eigi yfir höfuð að haldast annars staðar en á sv-horninu. Með ríkjandi borgríkisstefnu síðustu ára í boði Sjálfstæðisflokks, Framsóknarflokks og Vinstri grænna hefur það skilað 85% þjóðarinnar á eitt horn landsins. -
50 ára afmælisfagnaður Geðverndarfélags Akureyrar
Geðverndarfélag Akureyrar hélt upp á 50 ára afmæli sitt nýverið, en félagið var stofnað þann 15. desember 1974. Um 50 manns mættu í fagnaðinn, hlýddu á fróðleg erindi, nutu lifandi tónlistar og glæsilegra veitinga.
