Góðar aðstæður í Hlíðarfjalli þrátt fyrir hlýindin
Þrátt fyrir hlýindin undanfarna daga er enn nægur snjór í Hlíðarfjalli til að renna sér niður fjallshlíðarnar um páskana. Búast má við að fjöldi gesta leggi leið sína í fjallið næstu daga yfir páskana. Föstudagurinn langi og Páskadagur eru að jafnaði einir stærstu dagar ársins í Hlíðarfjalli.
„Miðað við aðstæður, hlýindin síðustu daga, er þokkaleg staða í fjallinu. En því miður er enginn alvöru kuldi í kortunum,“ segir Guðmundur Karl Jónsson forstöðumaður í Hlíðarfjalli. Hann býst við góðri aðsókn um páskana. „Páskarnir koma með sinni traffík. Þótt seint sé í ár. En svo er spurning hversu mikil traffíkin verður. Þrátt fyrir að páskarnir séu í seinna fallinu núna þá held ég að það komi ekki að sök hvað varðar aðsókn,“ segir Guðmundur Karl.
Allar lyfturnar verða opnar um páskana. „Besti og mesti snjórinn er í Strýtunni. Það svæðið er kaldara en önnur og því betra færi.“
Veturinn verið upp og niður
Guðmundur Karl segir að veturinn hafi gengið misjafnlega, en hlýindakaflar hafa gert starfsfólki erfitt um vik. „Veturinn hefur verið upp og niður. Hann byrjaði vel en svo kom langur kafli í byrjun janúar sem var mjög erfiður og við þurftum að loka í tvær vikur. Vetrarfríin í grunnskólunum hálfpartinn fuku í burtu. Þannig að þetta hefur verið erfiður vetur að mörgu leyti,“ segir Guðmundur Karl.
Veturinn fari ekki í sögubækurnar fyrir góðan vetur en sé alls ekki sá versti heldur. „Núna er sex daga törn framundan sem skilar okkur fjölda gesta og því er erfitt að segja á þessari stundu hvernig veturinn muni koma út aðsóknarlega séð.“
Andrésar Andar leikarnir verða haldnir í Hlíðarfjalli síðustu helgina í apríl og verða það síðustu dagarnir sem opið verður í fjallinu í vetur. „Eflaust verður engin snjór eftir til að hafa opið lengur. Þetta rétt sleppur yfir páskana og Andrésarleikana,“ segir Guðmundur Karl Jónsson.
Nýjast
-
Búsetutengd mismunun í heilbrigðisþjónustu, í boði einkavæðingar og heilbrigðisráðherra Framsóknar.
Búsetutengdur munur á notkun þjónustu sérgreinalækna er mjög mikill. Íbúar dreifbýlis nota þjónustuna mun minna en höfuðborgarbúar og íbúar Vestfjarða og Austfjarða minnst allra, nefnilega þrisvar sinnum minna en höfuðborgarbúar. Lýðheilsuvísar benda ekki til þess að íbúar í dreifbýli séu heilsubetri en höfuðborgarbúar. Nærtæk skýring á þessum mun er að kaupandi þjónustunnar, ríkið, lætur sig engu varða hvar þjónustan er veitt og hún hefur nær öll byggst upp í Reykjavík. Í versta falli er afleiðingin sú að þau sem búa næst þjónustunni nýta hana umfram þörf og hin sem fjær búa minna en æskilegt væri. Hvoru tveggja er hættulegt og brýnt að rýna lög og hvort þeim er fylgt. -
Svik við launafólk: Loforð um samráð brotin með gegndarlausum gjaldskrárhækkunum
Anna Júlíusdóttir formaður Einingar Iðju skrifar bréf til bæjarstjórnar Akureyrar í dag sem birt er að heimasíðu félagsins, það lætur hún í ljós mikla óánægju með boðaðar hækkanir hjá hinum ýmsu fyrirtækjum og stofnunum bæjarins og er óhætt að segja að Önnu sé misboðið. „Við erum tilbúin til uppbyggilegs samtals,“ sögðum við í júlí þegar bæjaryfirvöld á Akureyri boðuðu breytingar á gjaldskrám. Við fögnuðum loforðum um samráð, um víðtækt samtal við hagsmunaaðila og um reglulegt endurmatsferli þar sem allir kæmu að borðinu. Nú aðeins fjórum mánuðum síðar stendur eftir sársaukafullt svik á trausti launafólks. Í stað samtals og samráðs virðast vera að raungerast víðtækar gjaldskrárhækkanir sem eru hrein árás á kaupmátt launafólks. -
Vegamálin liggja þungt á Grímseyingum
Vegamál liggja þungt á heimamönnum í Grímsey. Bundið slitlag var sett á götur þar árið 1994 og aftur árið 2014, en þá var verkið ekki klárað almennilega, „því það mátti bara setja á ákveðið marga kílómetra,“ eins og það er orðað í bókun hverfisnefndar. -
Gripmælar, róbótar og ratleikur á Opnum degi Um 300 framhaldsskólanemendur lögðu leið sína í Háskólann á Akureyri
Stuðið var gífurlegt á dögunum þegar um 300 framhaldsskólanemendur heimsóttu Háskólann á Akureyri á Opnum degi. Skólinn hefur gert þetta í mörg ár í góðu samstarfi við náms- og starfsráðgjafa í framhaldsskólum á norðaustursvæðinu. -
Óska eftir frambjóðendum sem eru tilbúnir í alvöru breytingar!
Ég óska eftir breytingum svo að ég og allir aðrir menntaðir Heilsunuddarar viti hvað við eigum að kjósa í komandi alþingiskosningum. -
Lítið að frétta í lífi án frétta á landsbyggðunum
Af þeim 27 fjölmiðlum sem hlutu rekstrarstuðning til einkarekinna fjölmiðla 2024 voru 13 staðbundnir fjölmiðlar og af þeim 10 staðsettir utan höfuðborgarsvæðisins. Hver og einn af þessum staðbundnu miðlum þjónar gríðarlega mikilvægu hlutverki í sinni heimabyggð og styrkveitingin því sannarlega fagnaðarefni. -
AtNorth stækkar gagnaver sitt á Akureyri Glatvarmi nýttur til matvælaframleiðslu
Fyrirtækið atNorth vinnur að stækkun gagnavers síns á Akureyri. Einnig hefur félagið kynnt nýtt samstarf um endurheimt og nýtingu varma. Stækkun tveggja gagnavera atnorth, á Akureyri og í Reykjanesbæ er þegar hafin. -
easyJet lengir flugtímabil frá London til Akureyrar
Breska flugfélagið easyJet tilkynnti í dag að það muni bæta við flugferðum frá London Gatwick til Akureyrar í apríl 2025, og í október 2025. Áður stóð til að fljúga út mars á næsta ári, og hefja flugin að nýju í nóvember. Flugfélagið verður því mánuði lengur með flug í boði þennan vetur og að auki næsta haust. -
Snjómokstur í bænum
Töluvert hefur snjóað í bænum um helgina og þennan mánudagsmorguninn er víða illfært um íbúðagötur og stíga. Unnið er að snjómokstri og er mikill fjöldi tækja í notkun á vegum sveitarfélagsins og verktaka.
