13.nóvember - 20.nóvember - Tbl 46
Óvissa um stækkun flugstöðvar
Líkan af viðbyggingu við flugstöðina á Akureyrarflugvelli.
Stefnt er að því að Isavia taki yfir rekstur allra alþjóðaflugvalla landsins frá næstu áramótum, samkvæmt fjármálaáætlun ríkisstjórnarinnar. Breytingarnar hafa áhrif á mögulega stækkun flugstöðvar á Akureyri og er alls óvíst hvenær framkvæmdir geta hafist. Framkvæmdastjóri KEA vill ekki að ákvarðanir um framtíðarskipan flugvalla trufli nauðsynlega uppbyggingu.
Frá þessu er greint á vef Rúv. Í nýrri fjármálaáætlun til fimm ára er gert ráð fyrir því að flugvellirnir í Reykjavík, á Akureyri og Egilsstöðum verði færðir undir sama hatt og Keflavíkurflugvöllur - inn í efnahagsreikning Isavia - frá 1. janúar næstkomandi. Með því að reka flugvellina sem eina heild megi tryggja fjármögnun til rekstrar og viðhalds. Ítrekað hefur verið kallað eftir stærri flugstöð á Akureyri til að anna auknu millilandaflugi.
Eins og Vikudagur hefur fjallað um hefur fjárfestinarfélagið KEA boðist til að fjármagna viðbyggingu við flugstöðina og leigja ríkinu til að hraða framkvæmdum. Þær tillögur eru nú til skoðunar hjá stjórnvöldum en engin formleg svör hafa komið. Stefnt hefur verið að því að hefja framkvæmdir í vor fái tillögurnar samþykki. Í svari samgönguráðuneytisins við fyrirspurn Rúv um framgang þessara tillagna kemur fram að unnið sé að breytingum á rekstri millilandaflugvalla. Ljóst sé að niðurstaða þeirra mála hafi áhrif á ákvarðanir um stækkun flugstöðvar á Akureyri. Ekki sé vitað hvenær geti orðið af framkvæmdum og hafa beri í huga að slíkar framkvæmdir falli undir innkaupareglur ríkisins. Ekki er minnst á tillögur KEA í svarinu.
Halldór Jóhannsson, framkvæmdastjóri KEA, segir í samtali við Rúv að þetta komi á óvart miðað þann áhuga sem ráðherrar hafi sýnt tillögum KEA. „Ef þetta er rétt þá veltir maður fyrir sér hvort um einhvers konar misskilning geti verið að ræða. Hugmyndin byggir meðal annars á því að hún er óháð því hvernig framtíðareignarhald og -rekstur verður á innanlandsflugvöllum,“ segir Halldór. Ríkið eigi mannvirkin nú þegar og ef Isavia taki þau yfir sé lítið mál að félagið taki yfir leigusamninginn.
„Lykilatriði þessa máls er að komast í bætta aðstöðusköpun sem fyrst og því var hugmyndin hönnuð þannig að stefnumarkandi ákvarðanir um framtíðarskipan innanlandsflugvalla sem nú liggja fyrir Alþingi trufli ekki þetta bráðamál,“ segir Halldór. Í svari ráðuneytisins við fyrirspurn Rúv kemur fram að Isavia hafi þegar gert breytingar á núverandi flugstöð til þess að bregðast við fjölgun farþega á háannatíma. Halldór segir að minni háttar tilfærslur innan núverandi flugstöðvar breyti engu um aðstöðuleysið sem bitni á farþegum í millilandaflugi. „Það þarf einfaldlega að gera töluvert meira svo aðstaðan geti talist boðleg,“ segir Halldór.
Nýjast
-
Örugg skref um allt land.
Heilbrigðiskerfið okkar er hjartað í því velferðarsamfélagi sem tekist hefur að byggja upp á Íslandi. Á yfir 40 fundum sem Samfylkingin bauð til um allt land til að ræða heilbrigðis- og öldrunarmál var ljóst að sinnuleysi og fyrirhyggjuskortur undanfarinna ríkisstjórna er að hola innan öryggistilfinningu fólks. Ekki síst í okkar kjördæmi þar sem vegalengdir eru langar, veður viðsjál og langt til Reykjavíkur. Að heilsugæslan neyðist til að reiða sig á íhlaupalækna til að bjarga vandanum tímabundið stoðar lítt. Það byggir ekki upp það traust og samfellu sem þarf til að fólk njóti þess margháttaða ávinnings sem rannsóknir hafa sýnt að fylgi því að hafa fastan heimilislækni. Enda settum við það sem okkar fyrsta heit í nýju framkvæmdaplani heilbrigðismála til tveggja kjörtímabila. Við erum tilbúin. -
Búsetutengd mismunun í heilbrigðisþjónustu, í boði einkavæðingar og heilbrigðisráðherra Framsóknar.
Búsetutengdur munur á notkun þjónustu sérgreinalækna er mjög mikill. Íbúar dreifbýlis nota þjónustuna mun minna en höfuðborgarbúar og íbúar Vestfjarða og Austfjarða minnst allra, nefnilega þrisvar sinnum minna en höfuðborgarbúar. Lýðheilsuvísar benda ekki til þess að íbúar í dreifbýli séu heilsubetri en höfuðborgarbúar. Nærtæk skýring á þessum mun er að kaupandi þjónustunnar, ríkið, lætur sig engu varða hvar þjónustan er veitt og hún hefur nær öll byggst upp í Reykjavík. Í versta falli er afleiðingin sú að þau sem búa næst þjónustunni nýta hana umfram þörf og hin sem fjær búa minna en æskilegt væri. Hvoru tveggja er hættulegt og brýnt að rýna lög og hvort þeim er fylgt. -
Svik við launafólk: Loforð um samráð brotin með gegndarlausum gjaldskrárhækkunum
Anna Júlíusdóttir formaður Einingar Iðju skrifar bréf til bæjarstjórnar Akureyrar í dag sem birt er að heimasíðu félagsins, það lætur hún í ljós mikla óánægju með boðaðar hækkanir hjá hinum ýmsu fyrirtækjum og stofnunum bæjarins og er óhætt að segja að Önnu sé misboðið. „Við erum tilbúin til uppbyggilegs samtals,“ sögðum við í júlí þegar bæjaryfirvöld á Akureyri boðuðu breytingar á gjaldskrám. Við fögnuðum loforðum um samráð, um víðtækt samtal við hagsmunaaðila og um reglulegt endurmatsferli þar sem allir kæmu að borðinu. Nú aðeins fjórum mánuðum síðar stendur eftir sársaukafullt svik á trausti launafólks. Í stað samtals og samráðs virðast vera að raungerast víðtækar gjaldskrárhækkanir sem eru hrein árás á kaupmátt launafólks. -
Vegamálin liggja þungt á Grímseyingum
Vegamál liggja þungt á heimamönnum í Grímsey. Bundið slitlag var sett á götur þar árið 1994 og aftur árið 2014, en þá var verkið ekki klárað almennilega, „því það mátti bara setja á ákveðið marga kílómetra,“ eins og það er orðað í bókun hverfisnefndar. -
Gripmælar, róbótar og ratleikur á Opnum degi Um 300 framhaldsskólanemendur lögðu leið sína í Háskólann á Akureyri
Stuðið var gífurlegt á dögunum þegar um 300 framhaldsskólanemendur heimsóttu Háskólann á Akureyri á Opnum degi. Skólinn hefur gert þetta í mörg ár í góðu samstarfi við náms- og starfsráðgjafa í framhaldsskólum á norðaustursvæðinu. -
Óska eftir frambjóðendum sem eru tilbúnir í alvöru breytingar!
Ég óska eftir breytingum svo að ég og allir aðrir menntaðir Heilsunuddarar viti hvað við eigum að kjósa í komandi alþingiskosningum. -
Lítið að frétta í lífi án frétta á landsbyggðunum
Af þeim 27 fjölmiðlum sem hlutu rekstrarstuðning til einkarekinna fjölmiðla 2024 voru 13 staðbundnir fjölmiðlar og af þeim 10 staðsettir utan höfuðborgarsvæðisins. Hver og einn af þessum staðbundnu miðlum þjónar gríðarlega mikilvægu hlutverki í sinni heimabyggð og styrkveitingin því sannarlega fagnaðarefni. -
AtNorth stækkar gagnaver sitt á Akureyri Glatvarmi nýttur til matvælaframleiðslu
Fyrirtækið atNorth vinnur að stækkun gagnavers síns á Akureyri. Einnig hefur félagið kynnt nýtt samstarf um endurheimt og nýtingu varma. Stækkun tveggja gagnavera atnorth, á Akureyri og í Reykjanesbæ er þegar hafin. -
easyJet lengir flugtímabil frá London til Akureyrar
Breska flugfélagið easyJet tilkynnti í dag að það muni bæta við flugferðum frá London Gatwick til Akureyrar í apríl 2025, og í október 2025. Áður stóð til að fljúga út mars á næsta ári, og hefja flugin að nýju í nóvember. Flugfélagið verður því mánuði lengur með flug í boði þennan vetur og að auki næsta haust.
