Norðurljós í Vaðlaheiðargöngum
Þeir sem ekið hafa í gegnum Vaðlaheiðargöng undanfarna daga hafa eflaust tekið eftir skrautlýsingu í einu útskotinu. Ákveðið var nýverið að setja lýsingu á einum stað en hugmyndin er að líkja eftir norðurljósum.
Valgeir Bergmann, framkvæmdastjóri Vaðlaheiðarganga, segir það ekki óalgengt í löngum göngum að brjóta hlutina aðeins upp og hafa skrautlýsingu á stökum stöðum. Það sé m.a. gert til að minnka innilokunarkennd hjá sumu fólki.
„Fyrsta hugmyndin var sú að hafa sér liti við hvert neyðarrými en þau eru alls fjögur í göngunum og voru litirnir gulur, rauður, grænn og blár þá til umræðu. Hugmyndin um að hafa norðurljós kviknaði svo á kaffistofunni sem við deilum með Markaðsstofu Norðurlands fyrir 1-2 árum. Þá var markaðsátak í gangi og vakin athygli á því að ef þú gistir í fimm daga á Norðurlandi þá séu 90% líkur á að sjá norðurljósin. Ég stakk upp á því að fara með þetta í 100% og ef menn sjá þetta ekki úti þá gætum við gert þetta inní göngunum,“ segir Valgeir.
Uppátækið hefur vakið talsverða athygli þeirra sem ekið hafa um göngin. Sumir hafa velt því fyrir sér hvort þetta geti gert það að verkum að ökumenn stoppi í göngunum til að taka myndir og skapi þannig hættu. Valgeir segir að komi upp hættuleg atvik verði þetta afturkallað.
„Þetta er í raun bara tilraun hjá okkur. Við fengum lánaða kastara sem komnir voru í geymslu eftir notkun yfir jólin og ætlum að sjá hvernig þetta kemur út og fá viðbrögð frá fólki. Það hefur ekki verið vandamál í öðrum göngum að fólk sé að stoppa til að taka mynd, en þá er betra að fólk noti þar til gert útskot til að stoppa. Ef þetta mun skapa hættu þá slökkvum við á þessu,“ segir Valgeir Bergmann.
Nýjast
-
AtNorth stækkar gagnaver sitt á Akureyri Glatvarmi nýttur til matvælaframleiðslu
Fyrirtækið atNorth vinnur að stækkun gagnavers síns á Akureyri. Einnig hefur félagið kynnt nýtt samstarf um endurheimt og nýtingu varma. Stækkun tveggja gagnavera atnorth, á Akureyri og í Reykjanesbæ er þegar hafin. -
easyJet lengir flugtímabil frá London til Akureyrar
Breska flugfélagið easyJet tilkynnti í dag að það muni bæta við flugferðum frá London Gatwick til Akureyrar í apríl 2025, og í október 2025. Áður stóð til að fljúga út mars á næsta ári, og hefja flugin að nýju í nóvember. Flugfélagið verður því mánuði lengur með flug í boði þennan vetur og að auki næsta haust. -
Snjómokstur í bænum
Töluvert hefur snjóað í bænum um helgina og þennan mánudagsmorguninn er víða illfært um íbúðagötur og stíga. Unnið er að snjómokstri og er mikill fjöldi tækja í notkun á vegum sveitarfélagsins og verktaka. -
Íþróttir fyrir alla!
Hver króna sem fer til íþróttafélaga er króna sem skilar sér margfalt til baka í samfélagið. Um kosti íþróttastarfs á Íslandi verður ekki deilt. Starfið er faglegt, fjölbreytt og gott. Það sem hefur breyst á undanförnum árum er að íþróttir eru gríðarlega atvinnuskapandi. Félögin á Íslandi í dag eru orðin stærri og komin með fleiri starfsmenn í full störf. Ásamt því að afleidd störf tengd íþróttum á Íslandi, t.d. í ferðaþjónustu, eru orðin ansi mörg og drjúg. -
Hið fullkomna stjórnarfar
Mannkynið hefur gert tilraunir með margskonar stjórnarfar. Þetta lærdómsferli hefur því miður kostnað blóð og mannfórnir en það hefur fært okkur vitneskjuna um að lýðræði er besta stjórnarfarið sem mannkynið hefur þekkt. Ekkert stjórnskipulag hefur fært mannkyni jafn miklar framfarir, öryggi, réttlæti og almenna hagsæld en lýðræðið. -
Hættum að slá ryki í augun á fólki !
Greinin er skrifuð í nafni Stangaveiðifélags Akureyrar, Stangaveiðifélagsins Flúða, Veiðifélags Fnjóskár, Veiðifélags Eyjafjarðarár, Veiðifélags Hörgár, Fiskirannsókna ehf, félagsskapar sem kallast Bleikjan - Styðjum stofninn, SUNN - Samtaka um náttúruvernd á Norðurlandi, Landssambands veiðifélaga, NASF – Verndarsjóðs villtra laxastofna og Íslenska náttúruverndarsjóðsins – IWF. -
Eldri borgarar hafa áhyggjur af öryggismálum í Sölku
Fulltrúar í Félagi Eldri borgara á Akureyri hafa lýst yfir áhyggjum sínum af öryggismálum í kjallara félagsmiðstöðvarinnar Sölku í Víðilundi á Akureyri. Þeir hvetja til þess að vinnueftirlit, heilbrigðiseftirlit og eldvarnareftirlit verði fengið til að gera heildarúttekt á húsnæðinu vegna þeirrar starfsemi sem þar fer fram á vegum Akureyrarbæjar. -
Gestir í Lystigarði um 159 þúsund á 10 mánuðum
Alls heimsóttu rúmlega 159 þúsund gestir í Lystigarðinni á Akureyri á 10 mánaða tímabili, frá byrjun janúar til loka október samkvæmt teljurum sem þar eru. Þetta kemur fram í minnisblaði sem fjallað var um á fundi umhverfis- og mannvirkjaráðs. -
Sólveig Lára er Ungskáld Akureyrar 2024
Það var vel við hæfi að í dag, á degi íslenskrar tungu, voru úrslit í ritlistakeppni Ungskálda 2024 kunngjörð á Amtsbókasafninu. Fyrstu veðlaun hlaut Sólveig Lára Skarphéðinsdóttir fyrir verkið Stök.
