„Mikið hagsmunamál íbúa á svæðinu“
„Mér þykja tillögur KEA ákaflega spennandi, framsæknar og sýna samfélagslega ábyrgð félagsins,“ segir Hilda Jana Gísladóttir, oddviti Samfylkingarinnar í bæjarstjórn Akureyrar, um áætlanir KEA að stækka flugstöðina á Akureyrarflugvelli. Morgunblaðið greindi frá því nýverið að KEA ætlaði að bjóðast til að reisa viðbyggingu við flugstöðina á Akureyrarflugvelli fyrir eigin reikning og leigja ríkinu til að þjóna millilandafluginu.
Fyrirtæki í ferðaþjónustu sem hafa verið að þróa nýjar hugmyndir um uppbyggingu telja unnt að gera það á stuttum tíma og með minni kostnaði en rætt hefur verið um. Ferðaþjónustufyrirtækin Höldur og SBA hafa unnið með KEA að nýjum áætlunum sem kynntar hafa verið samgönguráðherra og Isavia. Gróf skissa sýnir 1.500 fermetra viðbyggingu norðan núverandi flugstöðvar á Akureyri. 1.000 fermetra bygging gæti kostað 200-250 milljónir.
Hilda Jana Gísladóttir
Forsenda fyrir frekari uppbyggingu
Þórhallur Jónsson, bæjarfulltrúi Sjálfstæðisflokksins, fagnar þessu framtaki. „Mér líst mjög vel á að félag eins og KEA eða önnur leigufélög komi að því að byggja nýja flugstöðvarbyggingu ef það getur orðið til þess að flýta fyrir uppbyggingu vallarinns. Þetta er ein af þeim hugmyndum sem við bæjarfulltrúi Gunnar Gíslason viðruðum við fjármálaráðherra á fundi með honum í haust um samgönguáætlun og óánægju okkar um forgangsröðun við uppbyggingu flugvallarins en hann tók mjög vel í í þær hugmyndir. Ég hef áður vakið athygli á því að ný flugstöðvarbygging er forsenda fyrir frekari uppbyggingu í ferðaþjónustu á svæðinu því er ég gríðarlega ánægður með þetta útspil hjá KEA og vona að þeir noti þetta ekki sem útgönguleið út úr fyrirhugaðri hótelbyggingu á Akureyri en þetta ætti einmitt að styðja enn frekar við þau áform,“ segir Þórhallur.
Þórhallur Jónsson
Aðstaðan óviðunandi
Halldór Jóhannsson, framkvæmdastjóri KEA, sagði í samtali við Morgunblaðið að aðstaða í flugstöðinni sé óviðunandi fyrir millilandaflug. Hún sé of lítil og geti ekki þjónað almennilega meðalstórum þotum. Breska ferðaskrifstofan Super Break býður upp á regluleg áætlunarflug til Akureyrar og áformað er að hefja slík flug frá Hollandi í vor. Lengi hefur staðið til að stækka flugstöðina og gera nýtt flughlað, en þær framkvæmdir stranda á fjármagni. Aðstaðan þykir óviðunandi í dag. Fyrirtæki í ferðaþjónustu á Akureyri óttast áhrif þess á starfsemina að núverandi flugstöð rúmar ekki farþega í millilandaflugi með góðu móti og hamli það frekari þróun þess.
Mikið í húfi
Hilda Jana segir að mikið sé í húfi fyrir Akureyri og nærsvæðið að ráðast í eflingu flugvallarins. „Uppbygging flugstöðvarinnar er mikið hagsmunamál íbúa á svæðinu sem og fyrirtækja. Þá er einnig mjög spennandi að sjá að Höldur og SBA hafi unnið með KEA að þessum hugmyndum og að þær hafi verið kynntar samgönguráðherra og Isavia. Þessi mögulega uppbygging skiptir gríðarlega miklu máli, en engu að síður þarf auðvitað að halda áfram að vinna að stækkun flughlaðs, markaðssetningu og niðurgreiðslu á innanlandsflugi,“ segir Hilda Jana.
Verulegir annarmarkar á aðstöðunni
Eins og fram kom í skýrslu Eflu verkfræðistofu fyrir Eyþing í haust eru verulegir annmarkar á aðstöðu og aðbúnaði Akureyrarflugvallar. Í tengslum við stóraukna umferð í millilandaflugi hafa komið í ljós verulegir annmarkar á aðstöðu og búnaði Akureyrarflugvallar. Þeir annmarkar sem einkum hafa komið í ljós eru m.a. óviðunandi aðstaða í flugstöð. Flugstöðin nægir til að sinna innanlandsflugi, en brýn þörf er á stækkun til að sinna auknu millilandaflugi á komandi misserum. Í núverandi aðstöðu er ekki hægt að koma öllum farþegum, oft nærri 200 talsins, inn vegna þrengsla í vegabréfaskoðun og strætó þarf að vera til taks úti fyrir til að skýla fyrir veðri.
Nýjast
-
Örugg skref um allt land.
Heilbrigðiskerfið okkar er hjartað í því velferðarsamfélagi sem tekist hefur að byggja upp á Íslandi. Á yfir 40 fundum sem Samfylkingin bauð til um allt land til að ræða heilbrigðis- og öldrunarmál var ljóst að sinnuleysi og fyrirhyggjuskortur undanfarinna ríkisstjórna er að hola innan öryggistilfinningu fólks. Ekki síst í okkar kjördæmi þar sem vegalengdir eru langar, veður viðsjál og langt til Reykjavíkur. Að heilsugæslan neyðist til að reiða sig á íhlaupalækna til að bjarga vandanum tímabundið stoðar lítt. Það byggir ekki upp það traust og samfellu sem þarf til að fólk njóti þess margháttaða ávinnings sem rannsóknir hafa sýnt að fylgi því að hafa fastan heimilislækni. Enda settum við það sem okkar fyrsta heit í nýju framkvæmdaplani heilbrigðismála til tveggja kjörtímabila. Við erum tilbúin. -
Búsetutengd mismunun í heilbrigðisþjónustu, í boði einkavæðingar og heilbrigðisráðherra Framsóknar.
Búsetutengdur munur á notkun þjónustu sérgreinalækna er mjög mikill. Íbúar dreifbýlis nota þjónustuna mun minna en höfuðborgarbúar og íbúar Vestfjarða og Austfjarða minnst allra, nefnilega þrisvar sinnum minna en höfuðborgarbúar. Lýðheilsuvísar benda ekki til þess að íbúar í dreifbýli séu heilsubetri en höfuðborgarbúar. Nærtæk skýring á þessum mun er að kaupandi þjónustunnar, ríkið, lætur sig engu varða hvar þjónustan er veitt og hún hefur nær öll byggst upp í Reykjavík. Í versta falli er afleiðingin sú að þau sem búa næst þjónustunni nýta hana umfram þörf og hin sem fjær búa minna en æskilegt væri. Hvoru tveggja er hættulegt og brýnt að rýna lög og hvort þeim er fylgt. -
Svik við launafólk: Loforð um samráð brotin með gegndarlausum gjaldskrárhækkunum
Anna Júlíusdóttir formaður Einingar Iðju skrifar bréf til bæjarstjórnar Akureyrar í dag sem birt er að heimasíðu félagsins, það lætur hún í ljós mikla óánægju með boðaðar hækkanir hjá hinum ýmsu fyrirtækjum og stofnunum bæjarins og er óhætt að segja að Önnu sé misboðið. „Við erum tilbúin til uppbyggilegs samtals,“ sögðum við í júlí þegar bæjaryfirvöld á Akureyri boðuðu breytingar á gjaldskrám. Við fögnuðum loforðum um samráð, um víðtækt samtal við hagsmunaaðila og um reglulegt endurmatsferli þar sem allir kæmu að borðinu. Nú aðeins fjórum mánuðum síðar stendur eftir sársaukafullt svik á trausti launafólks. Í stað samtals og samráðs virðast vera að raungerast víðtækar gjaldskrárhækkanir sem eru hrein árás á kaupmátt launafólks. -
Vegamálin liggja þungt á Grímseyingum
Vegamál liggja þungt á heimamönnum í Grímsey. Bundið slitlag var sett á götur þar árið 1994 og aftur árið 2014, en þá var verkið ekki klárað almennilega, „því það mátti bara setja á ákveðið marga kílómetra,“ eins og það er orðað í bókun hverfisnefndar. -
Gripmælar, róbótar og ratleikur á Opnum degi Um 300 framhaldsskólanemendur lögðu leið sína í Háskólann á Akureyri
Stuðið var gífurlegt á dögunum þegar um 300 framhaldsskólanemendur heimsóttu Háskólann á Akureyri á Opnum degi. Skólinn hefur gert þetta í mörg ár í góðu samstarfi við náms- og starfsráðgjafa í framhaldsskólum á norðaustursvæðinu. -
Óska eftir frambjóðendum sem eru tilbúnir í alvöru breytingar!
Ég óska eftir breytingum svo að ég og allir aðrir menntaðir Heilsunuddarar viti hvað við eigum að kjósa í komandi alþingiskosningum. -
Lítið að frétta í lífi án frétta á landsbyggðunum
Af þeim 27 fjölmiðlum sem hlutu rekstrarstuðning til einkarekinna fjölmiðla 2024 voru 13 staðbundnir fjölmiðlar og af þeim 10 staðsettir utan höfuðborgarsvæðisins. Hver og einn af þessum staðbundnu miðlum þjónar gríðarlega mikilvægu hlutverki í sinni heimabyggð og styrkveitingin því sannarlega fagnaðarefni. -
AtNorth stækkar gagnaver sitt á Akureyri Glatvarmi nýttur til matvælaframleiðslu
Fyrirtækið atNorth vinnur að stækkun gagnavers síns á Akureyri. Einnig hefur félagið kynnt nýtt samstarf um endurheimt og nýtingu varma. Stækkun tveggja gagnavera atnorth, á Akureyri og í Reykjanesbæ er þegar hafin. -
easyJet lengir flugtímabil frá London til Akureyrar
Breska flugfélagið easyJet tilkynnti í dag að það muni bæta við flugferðum frá London Gatwick til Akureyrar í apríl 2025, og í október 2025. Áður stóð til að fljúga út mars á næsta ári, og hefja flugin að nýju í nóvember. Flugfélagið verður því mánuði lengur með flug í boði þennan vetur og að auki næsta haust.
