13.nóvember - 20.nóvember - Tbl 46
Meira líf færist í Glerártorg
Séð yfir Glerártorg.
Afléttun á reglum varðandi samkomubann þann 4. maí nk. mun hafa áhrif á Glerártorg þar sem leyfilegur fjöldi í verslun fer úr 20 í 50 manns en virða þarf þó áfram tveggja metra regluna. Nettó hefur þó áfram leyfi fyrir 100 manns enda um stóra verslun sem selur nauðsynjavöru að ræða.
Hárgreiðslustofur og tannlæknar í húsinu eru á meðal þess sem opna aftur og á Læknastofunum hefst móttaka sérfræðinga með eðlilegu móti. Þá hefur Verksmiðjan Restaurant opnað aftur en aðeins fyrir Take Away til mánaðarmóta en stefnt er á fulla opnun 4. maí.
Davíð Rúnar Gunnarsson, markaðsstjóri Glerártorgs, segir fólk farið að koma á Glerártorg í auknum mæli. „Við sjáum það á öllum tölum. En einnig er ljóst að aðsókn í húsið hefur haldist ótrúlega stöðug miðað við ástandið í þjóðfélaginu og t.d. sýndu talningarvélar okkur það að tölur yfir páskana slöguðu hátt í „normal“ páska hér í húsinu sem er ánægjulegt,“ segir Davíð Rúnar. Hann segir Glerártorg hafa farið ítarlega eftir öllum reglum sem settar hafa verið af yfirvöldum.
„Fólk greinilega finnur það og telur sig vera öruggt hér í húsinu.“ Davíð bendir á að gjafakortin séu nú fáanleg á heimasíðu Glerártorgs og einnig eru allar verslanir hússins farnar að bjóða uppá heimsendingu innan Akureyrar. „Það er greinilegt að það er bjartsýni í fólki eftir þessa tilkynningu ríkistjórnarinnar og almannavarna og sést það augljóslega á aðsóknartölum í húsinu. Fólk er mjög meðvitað um ástandið, sprittar sig og heldur fjarlægð sín á milli og ljóst að við getum verið stolt af þeim árangri sem náðst hefur á landinu öllu. Vonandi höldum við öll áfram að passa okkur og þá sem eru í kringum okkur og fara að settum reglum,“ segir Davíð Rúnar Gunnarsson.
Nýjast
-
AtNorth stækkar gagnaver sitt á Akureyri Glatvarmi nýttur til matvælaframleiðslu
Fyrirtækið atNorth vinnur að stækkun gagnavers síns á Akureyri. Einnig hefur félagið kynnt nýtt samstarf um endurheimt og nýtingu varma. Stækkun tveggja gagnavera atnorth, á Akureyri og í Reykjanesbæ er þegar hafin. -
easyJet lengir flugtímabil frá London til Akureyrar
Breska flugfélagið easyJet tilkynnti í dag að það muni bæta við flugferðum frá London Gatwick til Akureyrar í apríl 2025, og í október 2025. Áður stóð til að fljúga út mars á næsta ári, og hefja flugin að nýju í nóvember. Flugfélagið verður því mánuði lengur með flug í boði þennan vetur og að auki næsta haust. -
Snjómokstur í bænum
Töluvert hefur snjóað í bænum um helgina og þennan mánudagsmorguninn er víða illfært um íbúðagötur og stíga. Unnið er að snjómokstri og er mikill fjöldi tækja í notkun á vegum sveitarfélagsins og verktaka. -
Íþróttir fyrir alla!
Hver króna sem fer til íþróttafélaga er króna sem skilar sér margfalt til baka í samfélagið. Um kosti íþróttastarfs á Íslandi verður ekki deilt. Starfið er faglegt, fjölbreytt og gott. Það sem hefur breyst á undanförnum árum er að íþróttir eru gríðarlega atvinnuskapandi. Félögin á Íslandi í dag eru orðin stærri og komin með fleiri starfsmenn í full störf. Ásamt því að afleidd störf tengd íþróttum á Íslandi, t.d. í ferðaþjónustu, eru orðin ansi mörg og drjúg. -
Hið fullkomna stjórnarfar
Mannkynið hefur gert tilraunir með margskonar stjórnarfar. Þetta lærdómsferli hefur því miður kostnað blóð og mannfórnir en það hefur fært okkur vitneskjuna um að lýðræði er besta stjórnarfarið sem mannkynið hefur þekkt. Ekkert stjórnskipulag hefur fært mannkyni jafn miklar framfarir, öryggi, réttlæti og almenna hagsæld en lýðræðið. -
Hættum að slá ryki í augun á fólki !
Greinin er skrifuð í nafni Stangaveiðifélags Akureyrar, Stangaveiðifélagsins Flúða, Veiðifélags Fnjóskár, Veiðifélags Eyjafjarðarár, Veiðifélags Hörgár, Fiskirannsókna ehf, félagsskapar sem kallast Bleikjan - Styðjum stofninn, SUNN - Samtaka um náttúruvernd á Norðurlandi, Landssambands veiðifélaga, NASF – Verndarsjóðs villtra laxastofna og Íslenska náttúruverndarsjóðsins – IWF. -
Eldri borgarar hafa áhyggjur af öryggismálum í Sölku
Fulltrúar í Félagi Eldri borgara á Akureyri hafa lýst yfir áhyggjum sínum af öryggismálum í kjallara félagsmiðstöðvarinnar Sölku í Víðilundi á Akureyri. Þeir hvetja til þess að vinnueftirlit, heilbrigðiseftirlit og eldvarnareftirlit verði fengið til að gera heildarúttekt á húsnæðinu vegna þeirrar starfsemi sem þar fer fram á vegum Akureyrarbæjar. -
Gestir í Lystigarði um 159 þúsund á 10 mánuðum
Alls heimsóttu rúmlega 159 þúsund gestir í Lystigarðinni á Akureyri á 10 mánaða tímabili, frá byrjun janúar til loka október samkvæmt teljurum sem þar eru. Þetta kemur fram í minnisblaði sem fjallað var um á fundi umhverfis- og mannvirkjaráðs. -
Sólveig Lára er Ungskáld Akureyrar 2024
Það var vel við hæfi að í dag, á degi íslenskrar tungu, voru úrslit í ritlistakeppni Ungskálda 2024 kunngjörð á Amtsbókasafninu. Fyrstu veðlaun hlaut Sólveig Lára Skarphéðinsdóttir fyrir verkið Stök.
