Man ekki eftir öðrum eins vetri
„Það er mjög óvanalegt að svona mikill snjór sé viðvarandi í þetta langan tíma,“ segir Finnur Aðalbjörnsson verktaki á Akureyri. Finnur rekur samnefnt fyrirtæki sem hefur verið stórtækt í snjómokstri á Norðurlandi frá árinu 2003 en sjálfur hefur hann verið verktaki á eigin kennitölu frá árinu 1995. Hann er því eldri tvívetra þegar kemur að sjómokstri og segir veturinn hafa verið ansi erfiðan.
„Við höfum nánast unnið sleitulaust frá því í byrjun desember. Það voru tveir dagar í kringum jólin sem við fengum frá. Annars hefur þetta verið linnlaust.,“ segir Finnur. Spurður hvort hann muni eftir öðrum eins vetri segir Finnur: „Nei, ég man ekki eftir öðru eins í fljótu bragði. Ekki svona löngum kafla samfleytt í snjómokstri.“
Finnur er með 26 fasta starfsmenn og á milli 30-40 tæki til umráða. „Við höfum verið alveg rúmlega mannaðir undanfarnar vikur til að komast yfir þetta en ég fengið auka mannskap.“
Finnur Aðalbjörnsson
Orðnir þreyttir en ávallt til í að vinna
En hvernig er hljóðið í snjómokustursmönnunum eftir þessa löngu törn? „Menn eru orðnir mjög þreyttir. Það er ekkert launungarmál enda búið að vera gríðarlegt álag á starfsmönnum og nánast unnið allan sólarhringinn. En menn eru hins vegar alltaf til í að vinna. Það er aldrei vandamál og engin uppgjöf í okkur. En þegar það fer að líða á veturinn fara menn að lýjast með þessu áframhaldi.“
Ökumenn skilningsríkir upp til hópa
Snjómoksturstækin hafa verið óvenjumikið á götum bæjarins í vetur en Finnur segir bæjarbúa upp til hópa sýna þeim skilning. „Flestir eru mjög tillitssamir en svo eru svartir sauðir inn á milli sem hafa enga þolinmæði og troðast meðfram tækjunum þegar er verið að moka,“ segir Finnur Aðalbjörnsson.
Nýjast
-
AtNorth stækkar gagnaver sitt á Akureyri Glatvarmi nýttur til matvælaframleiðslu
Fyrirtækið atNorth vinnur að stækkun gagnavers síns á Akureyri. Einnig hefur félagið kynnt nýtt samstarf um endurheimt og nýtingu varma. Stækkun tveggja gagnavera atnorth, á Akureyri og í Reykjanesbæ er þegar hafin. -
easyJet lengir flugtímabil frá London til Akureyrar
Breska flugfélagið easyJet tilkynnti í dag að það muni bæta við flugferðum frá London Gatwick til Akureyrar í apríl 2025, og í október 2025. Áður stóð til að fljúga út mars á næsta ári, og hefja flugin að nýju í nóvember. Flugfélagið verður því mánuði lengur með flug í boði þennan vetur og að auki næsta haust. -
Snjómokstur í bænum
Töluvert hefur snjóað í bænum um helgina og þennan mánudagsmorguninn er víða illfært um íbúðagötur og stíga. Unnið er að snjómokstri og er mikill fjöldi tækja í notkun á vegum sveitarfélagsins og verktaka. -
Íþróttir fyrir alla!
Hver króna sem fer til íþróttafélaga er króna sem skilar sér margfalt til baka í samfélagið. Um kosti íþróttastarfs á Íslandi verður ekki deilt. Starfið er faglegt, fjölbreytt og gott. Það sem hefur breyst á undanförnum árum er að íþróttir eru gríðarlega atvinnuskapandi. Félögin á Íslandi í dag eru orðin stærri og komin með fleiri starfsmenn í full störf. Ásamt því að afleidd störf tengd íþróttum á Íslandi, t.d. í ferðaþjónustu, eru orðin ansi mörg og drjúg. -
Hið fullkomna stjórnarfar
Mannkynið hefur gert tilraunir með margskonar stjórnarfar. Þetta lærdómsferli hefur því miður kostnað blóð og mannfórnir en það hefur fært okkur vitneskjuna um að lýðræði er besta stjórnarfarið sem mannkynið hefur þekkt. Ekkert stjórnskipulag hefur fært mannkyni jafn miklar framfarir, öryggi, réttlæti og almenna hagsæld en lýðræðið. -
Hættum að slá ryki í augun á fólki !
Greinin er skrifuð í nafni Stangaveiðifélags Akureyrar, Stangaveiðifélagsins Flúða, Veiðifélags Fnjóskár, Veiðifélags Eyjafjarðarár, Veiðifélags Hörgár, Fiskirannsókna ehf, félagsskapar sem kallast Bleikjan - Styðjum stofninn, SUNN - Samtaka um náttúruvernd á Norðurlandi, Landssambands veiðifélaga, NASF – Verndarsjóðs villtra laxastofna og Íslenska náttúruverndarsjóðsins – IWF. -
Eldri borgarar hafa áhyggjur af öryggismálum í Sölku
Fulltrúar í Félagi Eldri borgara á Akureyri hafa lýst yfir áhyggjum sínum af öryggismálum í kjallara félagsmiðstöðvarinnar Sölku í Víðilundi á Akureyri. Þeir hvetja til þess að vinnueftirlit, heilbrigðiseftirlit og eldvarnareftirlit verði fengið til að gera heildarúttekt á húsnæðinu vegna þeirrar starfsemi sem þar fer fram á vegum Akureyrarbæjar. -
Gestir í Lystigarði um 159 þúsund á 10 mánuðum
Alls heimsóttu rúmlega 159 þúsund gestir í Lystigarðinni á Akureyri á 10 mánaða tímabili, frá byrjun janúar til loka október samkvæmt teljurum sem þar eru. Þetta kemur fram í minnisblaði sem fjallað var um á fundi umhverfis- og mannvirkjaráðs. -
Sólveig Lára er Ungskáld Akureyrar 2024
Það var vel við hæfi að í dag, á degi íslenskrar tungu, voru úrslit í ritlistakeppni Ungskálda 2024 kunngjörð á Amtsbókasafninu. Fyrstu veðlaun hlaut Sólveig Lára Skarphéðinsdóttir fyrir verkið Stök.
