13.nóvember - 20.nóvember - Tbl 46
Losun á tæplega 156 þúsund tonnum af gróðurhúslofttegundum
Í skýrslunni er fjallað um leiðir til að draga úr losun og er talið að stærstu tækifærin liggi í að draga úr losun frá samgöngum.
Heildarlosun gróðurhúsalofttegunda frá Akureyrarbæ árið 2018 nam tæplega 156 þúsund tonnum. Langstærstur hluti, eða ríflega helmingur losunar, kemur frá samgöngum. Þetta kemur fram í skýrslu um losunarbókhald Akureyrarbæjar fyrir árið 2018 vegna aðildar sveitarfélagsins að átakinu Global Covenant of Mayors (GCoM) og greint er frá á vef bæjarins.
Akureyrarbær er í hópi um 10 þúsund sveitarfélaga frá 139 löndum sem vilja vera í forystu í loftslagsmálum. Með átakinu hafa sveitarfélögin lýst yfir vilja til að bregðast ákveðið við loftslagsbreytingum, draga úr losun, birta tölulegar upplýsingar um frammistöðu í loftslagsmálum og setja markmið um enn betri árangur. Auk Akureyrarbæjar eiga tvö íslensk sveitarfélög aðild að GCoM, Reykjavíkurborg og Hveragerði. Akureyri hefur sem sagt skuldbundið sig til að gera árlega grein fyrir kolefnisspori sveitarfélagsins og þarf að uppfylla ýmsar kröfur, meðal annars um aðgerðaáætlun í loftslagmálum, segir ennfremur á vef bæjarins.
Stefán Gíslason, sérfræðingur hjá Umhverfisráðgjöf Íslands, kynnti skýrslu fyrir árið 2018 á síðasta fundi umhverfis- og mannvirkjaráðs Akureyrarbæjar. Skýrslan inniheldur fyrsta heildstæða losunarbókhald sveitarfélagsins, þar sem gerð er grein fyrir losun gróðurhúsalofttegunda vegna allra athafna á svæðinu. Losun gróðurhúsalofttegunda frá Akureyri nam 155.856 tonnum. Þar af má rekja um 55% til orkunotkunar í samgöngum og eru vegasamgöngur langstærsti einstaki liðurinn í losun svæðisins.
Önnur atriði sem vega þungt í losunarbókhaldinu eru orkunotkun í iðnaði, urðun úrgangs og landnotkun. Ekki er hægt að segja til um hvort losun hafi aukist eða minnkað milli ára því þetta er fyrsta fullmótaða loftslagsbókhaldið. Í skýrslunni er fjallað um leiðir til að draga úr losun og er talið að stærstu tækifærin liggi í að draga úr losun frá samgöngum.
„Þegar hefur mikið verið gert til að draga úr þessari losun, svo sem með því að gera metan aðgengilegt sem eldsneyti á farartæki, setja upp hleðslustöðvar fyrir rafbíla, bjóða upp á gjaldfrjálsar almenningssamgöngur á Akureyri o.s.frv. Ástæða virðist til að gera sérstaka áætlun um enn frekari aðgerðir á þessu sviði,“ segir í skýrslunni.
Nýjast
-
AtNorth stækkar gagnaver sitt á Akureyri Glatvarmi nýttur til matvælaframleiðslu
Fyrirtækið atNorth vinnur að stækkun gagnavers síns á Akureyri. Einnig hefur félagið kynnt nýtt samstarf um endurheimt og nýtingu varma. Stækkun tveggja gagnavera atnorth, á Akureyri og í Reykjanesbæ er þegar hafin. -
easyJet lengir flugtímabil frá London til Akureyrar
Breska flugfélagið easyJet tilkynnti í dag að það muni bæta við flugferðum frá London Gatwick til Akureyrar í apríl 2025, og í október 2025. Áður stóð til að fljúga út mars á næsta ári, og hefja flugin að nýju í nóvember. Flugfélagið verður því mánuði lengur með flug í boði þennan vetur og að auki næsta haust. -
Snjómokstur í bænum
Töluvert hefur snjóað í bænum um helgina og þennan mánudagsmorguninn er víða illfært um íbúðagötur og stíga. Unnið er að snjómokstri og er mikill fjöldi tækja í notkun á vegum sveitarfélagsins og verktaka. -
Íþróttir fyrir alla!
Hver króna sem fer til íþróttafélaga er króna sem skilar sér margfalt til baka í samfélagið. Um kosti íþróttastarfs á Íslandi verður ekki deilt. Starfið er faglegt, fjölbreytt og gott. Það sem hefur breyst á undanförnum árum er að íþróttir eru gríðarlega atvinnuskapandi. Félögin á Íslandi í dag eru orðin stærri og komin með fleiri starfsmenn í full störf. Ásamt því að afleidd störf tengd íþróttum á Íslandi, t.d. í ferðaþjónustu, eru orðin ansi mörg og drjúg. -
Hið fullkomna stjórnarfar
Mannkynið hefur gert tilraunir með margskonar stjórnarfar. Þetta lærdómsferli hefur því miður kostnað blóð og mannfórnir en það hefur fært okkur vitneskjuna um að lýðræði er besta stjórnarfarið sem mannkynið hefur þekkt. Ekkert stjórnskipulag hefur fært mannkyni jafn miklar framfarir, öryggi, réttlæti og almenna hagsæld en lýðræðið. -
Hættum að slá ryki í augun á fólki !
Greinin er skrifuð í nafni Stangaveiðifélags Akureyrar, Stangaveiðifélagsins Flúða, Veiðifélags Fnjóskár, Veiðifélags Eyjafjarðarár, Veiðifélags Hörgár, Fiskirannsókna ehf, félagsskapar sem kallast Bleikjan - Styðjum stofninn, SUNN - Samtaka um náttúruvernd á Norðurlandi, Landssambands veiðifélaga, NASF – Verndarsjóðs villtra laxastofna og Íslenska náttúruverndarsjóðsins – IWF. -
Eldri borgarar hafa áhyggjur af öryggismálum í Sölku
Fulltrúar í Félagi Eldri borgara á Akureyri hafa lýst yfir áhyggjum sínum af öryggismálum í kjallara félagsmiðstöðvarinnar Sölku í Víðilundi á Akureyri. Þeir hvetja til þess að vinnueftirlit, heilbrigðiseftirlit og eldvarnareftirlit verði fengið til að gera heildarúttekt á húsnæðinu vegna þeirrar starfsemi sem þar fer fram á vegum Akureyrarbæjar. -
Gestir í Lystigarði um 159 þúsund á 10 mánuðum
Alls heimsóttu rúmlega 159 þúsund gestir í Lystigarðinni á Akureyri á 10 mánaða tímabili, frá byrjun janúar til loka október samkvæmt teljurum sem þar eru. Þetta kemur fram í minnisblaði sem fjallað var um á fundi umhverfis- og mannvirkjaráðs. -
Sólveig Lára er Ungskáld Akureyrar 2024
Það var vel við hæfi að í dag, á degi íslenskrar tungu, voru úrslit í ritlistakeppni Ungskálda 2024 kunngjörð á Amtsbókasafninu. Fyrstu veðlaun hlaut Sólveig Lára Skarphéðinsdóttir fyrir verkið Stök.
