20. nóvember - 27. nóvember - Tbl 47
Loka tjaldsvæðinu við Þórunnarstræti
Stefnt er á að loka tjaldsvæðinu við Þórunnarstræti og líklegt að þar verði byggt upp íbúabyggð eða þjónusta.
Umhverfis- og mannvirkjaráð Akureyrarbæjar hefur samþykkt fyrir sitt leyti að rekstri tjaldsvæðis við Þórunnarstræti verði hætt eftir sumarið 2020, en þá fer fram Landsmót skáta á Akureyri. Andri Teitsson, formaður Umhverfis-og mannvirkjaráðs, segir að ástæðan fyrir að þessi stefna sé mörkuð sé tvíþætt.
„Annars vegar að skátar, sem reka tjaldsvæðin bæði við Þórunnarstræti og á Hömrum, hafa bent á að aðstaðan við Þórunnarstræti sé ófullkomin og að rekstur á tveimur stöðum sé flókinn og óhagkvæmur. Hins vegar að lóðin við Þórunnarstræti er mjög áhugaverð til að byggja þar upp íbúðabyggð eða þjónustu,“ segir Andri.
Rís ný heilsugæslustöð á svæðinu?
Samkvæmt upplýsingum blaðsins hefur sá möguleiki verið ræddur að ný heilsugæslustöð verði reist við Þórunnarstræti en leitað er nú að lóð til að færa heilsugæslustöðina á Akureyri þar sem núverandi aðstaða þykir óviðunandi. Andri staðfestir að sá möguleiki sé fyrir hendi.
„Það kemur vel til álita,“ segir Andri og bætir við að þétting byggðar sé líka eitt af þeim verkefnum sem fjallað er um í Umhverfis- og samgöngustefnu bæjarins. „Enda leiðir það til minni eldsneytiseyðslu og mengunar, auðveldara verður að ferðast gangandi eða hjólandi, og sterkari grundvöllur verður fyrir strætókerfið.“
Skoða strætóferðir að Hömrum
Fara þarf í úrbætur á tjaldsvæðinu á Hömrum til að geta tekið á móti fleiri gestum og þarf m.a. að bæta við grasflötum og segir að Andri að gefast muni ráðrúm til þess næstu tvö sumur. Spurður hvort ekki sé óheppilegt að hafa ekki tjaldsvæði inn í bænum þar sem göngufæri er í allskyns afþreyingu og veitingastaði segir Andri svo vera.
„Það er alveg rétt að fyrir einhvern hóp ferðamanna hefur það verið kostur að geta gist á tjaldstæði sem er í göngufæri við sundlaug, miðbæ og fleira. Hugmyndir hafa verið settar fram um hvort teygja megi strætóferðir suður að Hömrum og jafnvel á flugvöllinn. En engar ákvarðanir hafa verið teknar um það,“ segir Andri Teitsson.
Nýjast
-
Örugg skref um allt land.
Heilbrigðiskerfið okkar er hjartað í því velferðarsamfélagi sem tekist hefur að byggja upp á Íslandi. Á yfir 40 fundum sem Samfylkingin bauð til um allt land til að ræða heilbrigðis- og öldrunarmál var ljóst að sinnuleysi og fyrirhyggjuskortur undanfarinna ríkisstjórna er að hola innan öryggistilfinningu fólks. Ekki síst í okkar kjördæmi þar sem vegalengdir eru langar, veður viðsjál og langt til Reykjavíkur. Að heilsugæslan neyðist til að reiða sig á íhlaupalækna til að bjarga vandanum tímabundið stoðar lítt. Það byggir ekki upp það traust og samfellu sem þarf til að fólk njóti þess margháttaða ávinnings sem rannsóknir hafa sýnt að fylgi því að hafa fastan heimilislækni. Enda settum við það sem okkar fyrsta heit í nýju framkvæmdaplani heilbrigðismála til tveggja kjörtímabila. Við erum tilbúin. -
Búsetutengd mismunun í heilbrigðisþjónustu, í boði einkavæðingar og heilbrigðisráðherra Framsóknar.
Búsetutengdur munur á notkun þjónustu sérgreinalækna er mjög mikill. Íbúar dreifbýlis nota þjónustuna mun minna en höfuðborgarbúar og íbúar Vestfjarða og Austfjarða minnst allra, nefnilega þrisvar sinnum minna en höfuðborgarbúar. Lýðheilsuvísar benda ekki til þess að íbúar í dreifbýli séu heilsubetri en höfuðborgarbúar. Nærtæk skýring á þessum mun er að kaupandi þjónustunnar, ríkið, lætur sig engu varða hvar þjónustan er veitt og hún hefur nær öll byggst upp í Reykjavík. Í versta falli er afleiðingin sú að þau sem búa næst þjónustunni nýta hana umfram þörf og hin sem fjær búa minna en æskilegt væri. Hvoru tveggja er hættulegt og brýnt að rýna lög og hvort þeim er fylgt. -
Svik við launafólk: Loforð um samráð brotin með gegndarlausum gjaldskrárhækkunum
Anna Júlíusdóttir formaður Einingar Iðju skrifar bréf til bæjarstjórnar Akureyrar í dag sem birt er að heimasíðu félagsins, það lætur hún í ljós mikla óánægju með boðaðar hækkanir hjá hinum ýmsu fyrirtækjum og stofnunum bæjarins og er óhætt að segja að Önnu sé misboðið. „Við erum tilbúin til uppbyggilegs samtals,“ sögðum við í júlí þegar bæjaryfirvöld á Akureyri boðuðu breytingar á gjaldskrám. Við fögnuðum loforðum um samráð, um víðtækt samtal við hagsmunaaðila og um reglulegt endurmatsferli þar sem allir kæmu að borðinu. Nú aðeins fjórum mánuðum síðar stendur eftir sársaukafullt svik á trausti launafólks. Í stað samtals og samráðs virðast vera að raungerast víðtækar gjaldskrárhækkanir sem eru hrein árás á kaupmátt launafólks. -
Vegamálin liggja þungt á Grímseyingum
Vegamál liggja þungt á heimamönnum í Grímsey. Bundið slitlag var sett á götur þar árið 1994 og aftur árið 2014, en þá var verkið ekki klárað almennilega, „því það mátti bara setja á ákveðið marga kílómetra,“ eins og það er orðað í bókun hverfisnefndar. -
Gripmælar, róbótar og ratleikur á Opnum degi Um 300 framhaldsskólanemendur lögðu leið sína í Háskólann á Akureyri
Stuðið var gífurlegt á dögunum þegar um 300 framhaldsskólanemendur heimsóttu Háskólann á Akureyri á Opnum degi. Skólinn hefur gert þetta í mörg ár í góðu samstarfi við náms- og starfsráðgjafa í framhaldsskólum á norðaustursvæðinu. -
Óska eftir frambjóðendum sem eru tilbúnir í alvöru breytingar!
Ég óska eftir breytingum svo að ég og allir aðrir menntaðir Heilsunuddarar viti hvað við eigum að kjósa í komandi alþingiskosningum. -
Lítið að frétta í lífi án frétta á landsbyggðunum
Af þeim 27 fjölmiðlum sem hlutu rekstrarstuðning til einkarekinna fjölmiðla 2024 voru 13 staðbundnir fjölmiðlar og af þeim 10 staðsettir utan höfuðborgarsvæðisins. Hver og einn af þessum staðbundnu miðlum þjónar gríðarlega mikilvægu hlutverki í sinni heimabyggð og styrkveitingin því sannarlega fagnaðarefni. -
AtNorth stækkar gagnaver sitt á Akureyri Glatvarmi nýttur til matvælaframleiðslu
Fyrirtækið atNorth vinnur að stækkun gagnavers síns á Akureyri. Einnig hefur félagið kynnt nýtt samstarf um endurheimt og nýtingu varma. Stækkun tveggja gagnavera atnorth, á Akureyri og í Reykjanesbæ er þegar hafin. -
easyJet lengir flugtímabil frá London til Akureyrar
Breska flugfélagið easyJet tilkynnti í dag að það muni bæta við flugferðum frá London Gatwick til Akureyrar í apríl 2025, og í október 2025. Áður stóð til að fljúga út mars á næsta ári, og hefja flugin að nýju í nóvember. Flugfélagið verður því mánuði lengur með flug í boði þennan vetur og að auki næsta haust.
