Leita eftir fósturfjölskyldum á Akureyri
AFS á Íslandi vill hýsa fleiri nema á Akureyri í ár og leitar nú að fósturfjölskyldum fyrir skiptinema. Á árinu 2018-2019 voru átta skiptinemar á Akureyri og komu frá sjö mismunandi löndum; Frakklandi, Spáni, Ítalíu, Belgíu, Austurríki, Chile og Japan. Allir áttu það sameiginlegt að vera mjög ánægðir á Akueyri, bæði í skólunum sem og samfélaginu að sögn Kristínar Björnsdóttur verkefnastjóra AFS.
„Við höfum fundið tvær fjölskyldur á Akureyri í ár en viljum finna fleiri og langar okkur að sjá hvort einhverjir eru til í að opna heimili sitt og hjarta fyrir skiptanemum. Það er svo gott að vera með nokkra nema á svæðinu því þau geta þá veitt hvort öðru stuðning og fjölskyldurnar líka, fyrir utan hvað þetta gefur samfélaginu skemmtilega sýn,“ segir Kristín.
Í ágúst koma til landsins 31 erlendir skiptinemar til Íslands á vegum AFS. Nemarnir eru á aldrinum 15-18 ára, ganga í skóla út um allt land og dvelja hér í þrjá og tíu mánuði. Fósturfjölskyldur útvega nemunum fæði og húsnæði en annan kostnað greiðir neminn sjálfur, t.d. tómstundir og vasapening. AFS sér um að skrá nemann í skóla, greiðir skólagjöld og námsbækur og aðstoðar við aðlögun t.d. með námskeiðum og með hjálp tengiliðs. Fósturfjölskyldur gera starf AFS mögulegt.
„Fólk sem hefur áhuga á fólki og löngun til þess að kynnast veröldinni á að grípa tækifærið og taka að sér skiptinema. Allt sem þið þurfið er hjartarými, löngun til að læra eitthvað nýtt, kímnigáfu og sveigjanleika,“ segir á vef AFS. Þeir sem hafa áhuga á nánari upplýsingum geta haft samband við skrifstofu AFS á Íslandi í síma: 552-5450 eða á info-isl@afs.org.
„Verði hluti af okkar fjölskyldu um ókomna tíð“
Þau Katrín Guðrún Pálsdóttir og Þórarinn Valur Árnason á Akureyri hýstu Ludovicu í vetur en hún er 17 ára og kemur frá Flórens á Ítalíu. Þau segja það vera stóra ákvörðun að taka nema inn á heimilið en það sé algjörlega þess virði. „Við eignuðumst dóttur og búum að því alla tíð. Hún fór í MA og eyddi mestum tíma með öðrum skiptinemum og æfði dans hjá Steps sem hún elskaði. Við ferðuðumst mikið um landið, en það er líka áhugamál Katrínar og naut hún þess.
Katrín og Þórarinn Valur ásamt Ludovicu
Heimili okkar var opið öðrum skiptinemum og voru ófáar gistinætur og skemmtilegir krakkar sem við kynntumst. Ludo fannst margt skrítið í okkar menningu og það er áhugavert að fá aðra sýn á daglegt líf. Kveðjustundin var tilfinningaþrungin, en við vonum að Ludo verði hluti af okkar fjölskyldu um ókomna tíð,“ segja þau Katrín og Þórarinn.
Nýjast
-
Búsetutengd mismunun í heilbrigðisþjónustu, í boði einkavæðingar og heilbrigðisráðherra Framsóknar.
Búsetutengdur munur á notkun þjónustu sérgreinalækna er mjög mikill. Íbúar dreifbýlis nota þjónustuna mun minna en höfuðborgarbúar og íbúar Vestfjarða og Austfjarða minnst allra, nefnilega þrisvar sinnum minna en höfuðborgarbúar. Lýðheilsuvísar benda ekki til þess að íbúar í dreifbýli séu heilsubetri en höfuðborgarbúar. Nærtæk skýring á þessum mun er að kaupandi þjónustunnar, ríkið, lætur sig engu varða hvar þjónustan er veitt og hún hefur nær öll byggst upp í Reykjavík. Í versta falli er afleiðingin sú að þau sem búa næst þjónustunni nýta hana umfram þörf og hin sem fjær búa minna en æskilegt væri. Hvoru tveggja er hættulegt og brýnt að rýna lög og hvort þeim er fylgt. -
Svik við launafólk: Loforð um samráð brotin með gegndarlausum gjaldskrárhækkunum
Anna Júlíusdóttir formaður Einingar Iðju skrifar bréf til bæjarstjórnar Akureyrar í dag sem birt er að heimasíðu félagsins, það lætur hún í ljós mikla óánægju með boðaðar hækkanir hjá hinum ýmsu fyrirtækjum og stofnunum bæjarins og er óhætt að segja að Önnu sé misboðið. „Við erum tilbúin til uppbyggilegs samtals,“ sögðum við í júlí þegar bæjaryfirvöld á Akureyri boðuðu breytingar á gjaldskrám. Við fögnuðum loforðum um samráð, um víðtækt samtal við hagsmunaaðila og um reglulegt endurmatsferli þar sem allir kæmu að borðinu. Nú aðeins fjórum mánuðum síðar stendur eftir sársaukafullt svik á trausti launafólks. Í stað samtals og samráðs virðast vera að raungerast víðtækar gjaldskrárhækkanir sem eru hrein árás á kaupmátt launafólks. -
Vegamálin liggja þungt á Grímseyingum
Vegamál liggja þungt á heimamönnum í Grímsey. Bundið slitlag var sett á götur þar árið 1994 og aftur árið 2014, en þá var verkið ekki klárað almennilega, „því það mátti bara setja á ákveðið marga kílómetra,“ eins og það er orðað í bókun hverfisnefndar. -
Gripmælar, róbótar og ratleikur á Opnum degi Um 300 framhaldsskólanemendur lögðu leið sína í Háskólann á Akureyri
Stuðið var gífurlegt á dögunum þegar um 300 framhaldsskólanemendur heimsóttu Háskólann á Akureyri á Opnum degi. Skólinn hefur gert þetta í mörg ár í góðu samstarfi við náms- og starfsráðgjafa í framhaldsskólum á norðaustursvæðinu. -
Óska eftir frambjóðendum sem eru tilbúnir í alvöru breytingar!
Ég óska eftir breytingum svo að ég og allir aðrir menntaðir Heilsunuddarar viti hvað við eigum að kjósa í komandi alþingiskosningum. -
Lítið að frétta í lífi án frétta á landsbyggðunum
Af þeim 27 fjölmiðlum sem hlutu rekstrarstuðning til einkarekinna fjölmiðla 2024 voru 13 staðbundnir fjölmiðlar og af þeim 10 staðsettir utan höfuðborgarsvæðisins. Hver og einn af þessum staðbundnu miðlum þjónar gríðarlega mikilvægu hlutverki í sinni heimabyggð og styrkveitingin því sannarlega fagnaðarefni. -
AtNorth stækkar gagnaver sitt á Akureyri Glatvarmi nýttur til matvælaframleiðslu
Fyrirtækið atNorth vinnur að stækkun gagnavers síns á Akureyri. Einnig hefur félagið kynnt nýtt samstarf um endurheimt og nýtingu varma. Stækkun tveggja gagnavera atnorth, á Akureyri og í Reykjanesbæ er þegar hafin. -
easyJet lengir flugtímabil frá London til Akureyrar
Breska flugfélagið easyJet tilkynnti í dag að það muni bæta við flugferðum frá London Gatwick til Akureyrar í apríl 2025, og í október 2025. Áður stóð til að fljúga út mars á næsta ári, og hefja flugin að nýju í nóvember. Flugfélagið verður því mánuði lengur með flug í boði þennan vetur og að auki næsta haust. -
Snjómokstur í bænum
Töluvert hefur snjóað í bænum um helgina og þennan mánudagsmorguninn er víða illfært um íbúðagötur og stíga. Unnið er að snjómokstri og er mikill fjöldi tækja í notkun á vegum sveitarfélagsins og verktaka.
