Kanna líðan barna og ungmenna í samkomubanni
Félagsmiðstöðvar Akureyrar og Ungmennahúsið í Rósenborg kanna hvaða áhrif Covid-19 faraldurinn og samkomubannið hafa á börn og ungmenni. Í tilkynningu frá Akureyrarbæ segir að það sé forgangsmál að hlúa sérstaklega að börnum, enda stefnir Akureyrarbær hraðbyri að því að verða fyrsta Barnvæna sveitarfélagið á Íslandi samkvæmt UNICEF með innleiðingu Barnasáttmála Sameinuðu þjóðanna. Við núverandi aðstæður hefur skólahald hins vegar raskast og æfingar, tómstundastarf og hefðbundið félagslíf liggur niðri.
„Þetta eru miklar áskoranir sem heimili eru misvel í stakk búin að takast á við. En hvaða tilfinningar upplifa börn og ungmenni á þessum óvenjulegu tímum? Með hjálp tækninnar getum við án snertingar eða hópamyndunar fengið upplýsingar um líðan barna á Akureyri. Þau skrifa hvert um sig eitt orð um líðan sína inn á öruggt vefsvæði og úr verður sameiginlegt þátttökuverk sem verður sýnilegt á stórum skjá í miðbæ Akureyrar. Þannig geta allir komið sinni rödd á framfæri og til verður eins konar tilfinningasúpa. Þau orð sem eru rituð oftast birtast með stórum stöfum í forgrunni hinna og verður fróðlegt að sjá hvaða orð kemur oftast upp,“ segir í tilkynningu.
Félak og Ungmennahúsið eiga í samvinnu við leik-, grunn- og framhaldsskóla bæjarins um þetta verkefni. Ásthildur Sturludóttir, bæjarstjóri á Akureyri, kveikir á skjánum og opnar þannig verkefnið formlega á Sumardaginn fyrsta, 23. apríl kl. 14:00 í Pennanum Eymundsson. Skjárinn verður þar í glugga og sýnilegur úr Göngugötunni til 4. maí.
„Þetta verkefni er upplýsandi fyrir almenning og ekki síður stjórnvöld. Foreldrar eru sérstaklega hvattir til að gera sér ferð og skoða hvernig þetta umrót snertir börnin og hvaða tilfinningar bærast með þeim,“ segir ennfremur í tilkynningu.
Nýjast
-
AtNorth stækkar gagnaver sitt á Akureyri Glatvarmi nýttur til matvælaframleiðslu
Fyrirtækið atNorth vinnur að stækkun gagnavers síns á Akureyri. Einnig hefur félagið kynnt nýtt samstarf um endurheimt og nýtingu varma. Stækkun tveggja gagnavera atnorth, á Akureyri og í Reykjanesbæ er þegar hafin. -
easyJet lengir flugtímabil frá London til Akureyrar
Breska flugfélagið easyJet tilkynnti í dag að það muni bæta við flugferðum frá London Gatwick til Akureyrar í apríl 2025, og í október 2025. Áður stóð til að fljúga út mars á næsta ári, og hefja flugin að nýju í nóvember. Flugfélagið verður því mánuði lengur með flug í boði þennan vetur og að auki næsta haust. -
Snjómokstur í bænum
Töluvert hefur snjóað í bænum um helgina og þennan mánudagsmorguninn er víða illfært um íbúðagötur og stíga. Unnið er að snjómokstri og er mikill fjöldi tækja í notkun á vegum sveitarfélagsins og verktaka. -
Íþróttir fyrir alla!
Hver króna sem fer til íþróttafélaga er króna sem skilar sér margfalt til baka í samfélagið. Um kosti íþróttastarfs á Íslandi verður ekki deilt. Starfið er faglegt, fjölbreytt og gott. Það sem hefur breyst á undanförnum árum er að íþróttir eru gríðarlega atvinnuskapandi. Félögin á Íslandi í dag eru orðin stærri og komin með fleiri starfsmenn í full störf. Ásamt því að afleidd störf tengd íþróttum á Íslandi, t.d. í ferðaþjónustu, eru orðin ansi mörg og drjúg. -
Hið fullkomna stjórnarfar
Mannkynið hefur gert tilraunir með margskonar stjórnarfar. Þetta lærdómsferli hefur því miður kostnað blóð og mannfórnir en það hefur fært okkur vitneskjuna um að lýðræði er besta stjórnarfarið sem mannkynið hefur þekkt. Ekkert stjórnskipulag hefur fært mannkyni jafn miklar framfarir, öryggi, réttlæti og almenna hagsæld en lýðræðið. -
Hættum að slá ryki í augun á fólki !
Greinin er skrifuð í nafni Stangaveiðifélags Akureyrar, Stangaveiðifélagsins Flúða, Veiðifélags Fnjóskár, Veiðifélags Eyjafjarðarár, Veiðifélags Hörgár, Fiskirannsókna ehf, félagsskapar sem kallast Bleikjan - Styðjum stofninn, SUNN - Samtaka um náttúruvernd á Norðurlandi, Landssambands veiðifélaga, NASF – Verndarsjóðs villtra laxastofna og Íslenska náttúruverndarsjóðsins – IWF. -
Eldri borgarar hafa áhyggjur af öryggismálum í Sölku
Fulltrúar í Félagi Eldri borgara á Akureyri hafa lýst yfir áhyggjum sínum af öryggismálum í kjallara félagsmiðstöðvarinnar Sölku í Víðilundi á Akureyri. Þeir hvetja til þess að vinnueftirlit, heilbrigðiseftirlit og eldvarnareftirlit verði fengið til að gera heildarúttekt á húsnæðinu vegna þeirrar starfsemi sem þar fer fram á vegum Akureyrarbæjar. -
Gestir í Lystigarði um 159 þúsund á 10 mánuðum
Alls heimsóttu rúmlega 159 þúsund gestir í Lystigarðinni á Akureyri á 10 mánaða tímabili, frá byrjun janúar til loka október samkvæmt teljurum sem þar eru. Þetta kemur fram í minnisblaði sem fjallað var um á fundi umhverfis- og mannvirkjaráðs. -
Sólveig Lára er Ungskáld Akureyrar 2024
Það var vel við hæfi að í dag, á degi íslenskrar tungu, voru úrslit í ritlistakeppni Ungskálda 2024 kunngjörð á Amtsbókasafninu. Fyrstu veðlaun hlaut Sólveig Lára Skarphéðinsdóttir fyrir verkið Stök.
