Iceland Winter Games haldið í sjötta sinn
Iceland Winter Games (IWG) vetrarhátíðin verður haldin á Akureyri dagana 20.-22. mars n.k. en um alþjóðlega vetraríþróttahátíð er að ræða. Þetta er í sjötta sinn sem hátíðin fer fram og segir í tilkynningu að hátíðin sé búin að festa sig í sessi, jafnt hjá bæjarbúum sem og innlendum og erlendum áhugamönnum um vetraríþróttir.
Aðalviðburður leikanna í ár verður keppni á snjóskautum, en keppt verður í þrem greinum innan þess; Bonefight, Freestyle og Red Bull run. Bonefight keppnin er liður í heimsmeistaramóti á snjóskautum og eins og staðan er í stigagjöfinni í dag er mjög líklegt að það verði Akureyringaslagur um heimsmeistaratitilinn í kvennaflokki en þær Katrín Karítas Viðarsdóttir og Laufey Anna Egilsdóttir eiga báðar mikla möguleika á titlinum.
„Ef svo verður gæti Ísland orðið fyrsta landið til þess að eiga heimsmeistara í öllum flokkum á snjóskautum. Fyrir eiga Akureyringar tvo fyrrum heimsmeistara Ísak Andra Bjarnason, árið 2018 í Bonefight og Inga Frey Sveinbjörnsson sem var þrefaldur heimsmeistari í Freestyle árin 2015, 2016 og 2017,“ segir í tilkynningu.
Vélsleðaspyrna Ey-Lív verður á sínum stað í Hlíðarfjalli þar sem allir flottustu vélsleðar landsins verða saman komnir í spyrnukeppni. Einnig verður Fjórkrossmót Hjólreiðafélags Akureyrar haldið í Hlíðarfjalli og verða þar samankomnir allir helstu fjallahjólarar landsins. Nýjung í ár verður fjölskyldudagur í Kjarnaskógi á sunnudeginum. Meðal viðburða verða snjókarlakeppni, rafmagnshjólakynning og samhjól, gönguskíðakynning og skíðaskotfimi, brauðbakstur og poppað yfir eldi og skátarnir verða með kynningu á sínu starfi og viðburði.
Á Glerártorgi fer svo fram vetrartækjasýning í tengslum við hátíðina þar sem gestir og gangandi geta virt fyrir sér gömul og ný tæki í heimi vetrarútivistar.
Nýjast
-
AtNorth stækkar gagnaver sitt á Akureyri Glatvarmi nýttur til matvælaframleiðslu
Fyrirtækið atNorth vinnur að stækkun gagnavers síns á Akureyri. Einnig hefur félagið kynnt nýtt samstarf um endurheimt og nýtingu varma. Stækkun tveggja gagnavera atnorth, á Akureyri og í Reykjanesbæ er þegar hafin. -
easyJet lengir flugtímabil frá London til Akureyrar
Breska flugfélagið easyJet tilkynnti í dag að það muni bæta við flugferðum frá London Gatwick til Akureyrar í apríl 2025, og í október 2025. Áður stóð til að fljúga út mars á næsta ári, og hefja flugin að nýju í nóvember. Flugfélagið verður því mánuði lengur með flug í boði þennan vetur og að auki næsta haust. -
Snjómokstur í bænum
Töluvert hefur snjóað í bænum um helgina og þennan mánudagsmorguninn er víða illfært um íbúðagötur og stíga. Unnið er að snjómokstri og er mikill fjöldi tækja í notkun á vegum sveitarfélagsins og verktaka. -
Íþróttir fyrir alla!
Hver króna sem fer til íþróttafélaga er króna sem skilar sér margfalt til baka í samfélagið. Um kosti íþróttastarfs á Íslandi verður ekki deilt. Starfið er faglegt, fjölbreytt og gott. Það sem hefur breyst á undanförnum árum er að íþróttir eru gríðarlega atvinnuskapandi. Félögin á Íslandi í dag eru orðin stærri og komin með fleiri starfsmenn í full störf. Ásamt því að afleidd störf tengd íþróttum á Íslandi, t.d. í ferðaþjónustu, eru orðin ansi mörg og drjúg. -
Hið fullkomna stjórnarfar
Mannkynið hefur gert tilraunir með margskonar stjórnarfar. Þetta lærdómsferli hefur því miður kostnað blóð og mannfórnir en það hefur fært okkur vitneskjuna um að lýðræði er besta stjórnarfarið sem mannkynið hefur þekkt. Ekkert stjórnskipulag hefur fært mannkyni jafn miklar framfarir, öryggi, réttlæti og almenna hagsæld en lýðræðið. -
Hættum að slá ryki í augun á fólki !
Greinin er skrifuð í nafni Stangaveiðifélags Akureyrar, Stangaveiðifélagsins Flúða, Veiðifélags Fnjóskár, Veiðifélags Eyjafjarðarár, Veiðifélags Hörgár, Fiskirannsókna ehf, félagsskapar sem kallast Bleikjan - Styðjum stofninn, SUNN - Samtaka um náttúruvernd á Norðurlandi, Landssambands veiðifélaga, NASF – Verndarsjóðs villtra laxastofna og Íslenska náttúruverndarsjóðsins – IWF. -
Eldri borgarar hafa áhyggjur af öryggismálum í Sölku
Fulltrúar í Félagi Eldri borgara á Akureyri hafa lýst yfir áhyggjum sínum af öryggismálum í kjallara félagsmiðstöðvarinnar Sölku í Víðilundi á Akureyri. Þeir hvetja til þess að vinnueftirlit, heilbrigðiseftirlit og eldvarnareftirlit verði fengið til að gera heildarúttekt á húsnæðinu vegna þeirrar starfsemi sem þar fer fram á vegum Akureyrarbæjar. -
Gestir í Lystigarði um 159 þúsund á 10 mánuðum
Alls heimsóttu rúmlega 159 þúsund gestir í Lystigarðinni á Akureyri á 10 mánaða tímabili, frá byrjun janúar til loka október samkvæmt teljurum sem þar eru. Þetta kemur fram í minnisblaði sem fjallað var um á fundi umhverfis- og mannvirkjaráðs. -
Sólveig Lára er Ungskáld Akureyrar 2024
Það var vel við hæfi að í dag, á degi íslenskrar tungu, voru úrslit í ritlistakeppni Ungskálda 2024 kunngjörð á Amtsbókasafninu. Fyrstu veðlaun hlaut Sólveig Lára Skarphéðinsdóttir fyrir verkið Stök.
