Hvetur norðlenskar konur til þátttöku í ljóðasamkeppni
„Við höfum þegar fengið töluverðan fjölda ljóða, en enn er möguleiki á að taka þátt,“ segir Kristín Linda Jónsdóttir ritstjóri Húsfreyjunnar, tímarits Kvenfélagasambands Íslands. Húsfreyjan fagnar 70 ára afmæli sínu í ár og hefur af því tilefni efnt til ljóðasamkeppni þar sem þemað er Kona. Ritstjórinn hvetur norðlenskar konur til að skoða vel í skúffur sínar og athuga hvort í þeim leynist ljóð sem henti samkeppninni.
Hægt er að senda inn ljót til 20. september næstkomandi en úrslit verða kynnt á málþingi og afmælishófi sem haldið verður um miðjan nóvember á Hallveigastöðum. Þar verður farið yfir 70 ára sögu Húsfreyjunnar, fjallað um gildi hennar og framlag til menningar og sögu þjóðarinnar en einnig horft til framtíðar.
Húsfreyjan er flaggskipið
Alls eru starfandi 154 kvenfélög hér á landi í 17 héraðssamböndum og hafa þau staðið að útgáfu Húsfreyjunnar óslitið á sömu kennitölu í 70 ár. „Húsfreyjan er flaggskip okkar kvenfélagskvenna og hún á gott og öruggt bakland,“ segir Kristín Linda. Sérstaða tímaritsins er að hennar sögn að það er gefið út af sjálfboðaliða- og líknarsamtökum og það heldur utan um sögu og menningararf kvenna.
Kristín Linda hefur stýrt Húsfreyjunni í rúm 15 ár og tók upp undirtitilinn Jákvæð og hvetjandi þegar hún tók við stjórnartaumum og kveðst með því vilja beina kastljósi að því sem til fyrirmyndar er og virki sem hvatning fyrir aðra, veiti þeim innblástur og gleði í sálina.
Fræðandi, skemmtileg og falleg
„Ég vel viðmælendur út um allt land, konur á mismunandi aldrei sem eru að fást við alls konar störf eða áhugamál og búa við mismunandi aðstæður. Þetta er fjölbreyttur hópur kvenna sem allar hafa sína sögu að segja. Ég legg upp með að Húsfreyjan sé fræðandi, skemmtileg og falleg. Hún er fyrir löngu orðin dýrmætur hlekkur í menningarsögu íslenskra kvenna,“ segir Kristín Linda, sem auk þess að stýra hinu 70 ára gamla tímariti starfar sem sálfræðingur í höfuðborginni. Hún á rætur að rekja norður í landi, ólst upp í Fnjóskadal, lauk stúdentsprófi við Menntaskólans á Akureyri og starfaði um 15 ára skeið í banka og við blaðamennsku á Akureyri áður en hún gerðist kúabóndi í Aðaldal.
Nýjast
-
Svik við launafólk: Loforð um samráð brotin með gegndarlausum gjaldskrárhækkunum
Anna Júlíusdóttir formaður Einingar Iðju skrifar bréf til bæjarstjórnar Akureyrar í dag sem birt er að heimasíðu félagsins, það lætur hún í ljós mikla óánægju með boðaðar hækkanir hjá hinum ýmsu fyrirtækjum og stofnunum bæjarins og er óhætt að segja að Önnu sé misboðið. „Við erum tilbúin til uppbyggilegs samtals,“ sögðum við í júlí þegar bæjaryfirvöld á Akureyri boðuðu breytingar á gjaldskrám. Við fögnuðum loforðum um samráð, um víðtækt samtal við hagsmunaaðila og um reglulegt endurmatsferli þar sem allir kæmu að borðinu. Nú aðeins fjórum mánuðum síðar stendur eftir sársaukafullt svik á trausti launafólks. Í stað samtals og samráðs virðast vera að raungerast víðtækar gjaldskrárhækkanir sem eru hrein árás á kaupmátt launafólks. -
Vegamálin liggja þungt á Grímseyingum
Vegamál liggja þungt á heimamönnum í Grímsey. Bundið slitlag var sett á götur þar árið 1994 og aftur árið 2014, en þá var verkið ekki klárað almennilega, „því það mátti bara setja á ákveðið marga kílómetra,“ eins og það er orðað í bókun hverfisnefndar. -
Gripmælar, róbótar og ratleikur á Opnum degi Um 300 framhaldsskólanemendur lögðu leið sína í Háskólann á Akureyri
Stuðið var gífurlegt á dögunum þegar um 300 framhaldsskólanemendur heimsóttu Háskólann á Akureyri á Opnum degi. Skólinn hefur gert þetta í mörg ár í góðu samstarfi við náms- og starfsráðgjafa í framhaldsskólum á norðaustursvæðinu. -
Óska eftir frambjóðendum sem eru tilbúnir í alvöru breytingar!
Ég óska eftir breytingum svo að ég og allir aðrir menntaðir Heilsunuddarar viti hvað við eigum að kjósa í komandi alþingiskosningum. -
Lítið að frétta í lífi án frétta á landsbyggðunum
Af þeim 27 fjölmiðlum sem hlutu rekstrarstuðning til einkarekinna fjölmiðla 2024 voru 13 staðbundnir fjölmiðlar og af þeim 10 staðsettir utan höfuðborgarsvæðisins. Hver og einn af þessum staðbundnu miðlum þjónar gríðarlega mikilvægu hlutverki í sinni heimabyggð og styrkveitingin því sannarlega fagnaðarefni. -
AtNorth stækkar gagnaver sitt á Akureyri Glatvarmi nýttur til matvælaframleiðslu
Fyrirtækið atNorth vinnur að stækkun gagnavers síns á Akureyri. Einnig hefur félagið kynnt nýtt samstarf um endurheimt og nýtingu varma. Stækkun tveggja gagnavera atnorth, á Akureyri og í Reykjanesbæ er þegar hafin. -
easyJet lengir flugtímabil frá London til Akureyrar
Breska flugfélagið easyJet tilkynnti í dag að það muni bæta við flugferðum frá London Gatwick til Akureyrar í apríl 2025, og í október 2025. Áður stóð til að fljúga út mars á næsta ári, og hefja flugin að nýju í nóvember. Flugfélagið verður því mánuði lengur með flug í boði þennan vetur og að auki næsta haust. -
Snjómokstur í bænum
Töluvert hefur snjóað í bænum um helgina og þennan mánudagsmorguninn er víða illfært um íbúðagötur og stíga. Unnið er að snjómokstri og er mikill fjöldi tækja í notkun á vegum sveitarfélagsins og verktaka. -
Íþróttir fyrir alla!
Hver króna sem fer til íþróttafélaga er króna sem skilar sér margfalt til baka í samfélagið. Um kosti íþróttastarfs á Íslandi verður ekki deilt. Starfið er faglegt, fjölbreytt og gott. Það sem hefur breyst á undanförnum árum er að íþróttir eru gríðarlega atvinnuskapandi. Félögin á Íslandi í dag eru orðin stærri og komin með fleiri starfsmenn í full störf. Ásamt því að afleidd störf tengd íþróttum á Íslandi, t.d. í ferðaþjónustu, eru orðin ansi mörg og drjúg.
