Hús vikunnar: Þingvallastræti 10
Í síðustu grein gerðist undirritaður eilítið áttavilltur, og sagði Munkaþverárstræti 5 standa austanmegin við Munkaþverárstræti. Hið rétta er auðvitað, að húsið stendur VESTAN götunnar og biðst ég að sjálfsögðu velvirðingar á þessum mistökum.
Af Munkaþverárstræti færum við okkur sunnar á Brekkuna að Þingvallastræti, gegnt Sundlauginni. Þar er skemmtileg röð reisulegra steinsteypuhúsa frá upphafi fjórða áratugar 20. aldar. Eitt þeirra er Þingvallastræti 10. En húsið reisti Ingimar Óskarsson grasafræðingur árið 1931. Fékk hann leyfi til að reisa hús á leigulóð sinni við Þingvallastræti, 8x8m að grunnfleti og kvisti á framhlið. Húsið hlaðið úr r-steini á háum steyptum kjallara.
Þingvallastræti 10 er að stórum hluta óbreytt frá lýsingu bygginganefndar. Seinni tíma viðbót er inngönguskúr er á austurgafli en miklar timbursvalir, standandi á stöplum á vesturgafli. Krosspóstar, með margskiptum smápóstum, eru í gluggum en á þaki er stallað bárujárn. Ingimar Óskarsson, sem fæddur var á Klængshóli í Svarfaðardal, var einn af helstu frumkvöðlum í grasafræðirannsóknum hérlendis. Hann stundaði yfirgripsmiklar rannsóknir á flóru Íslands og útbreiðslusvæði plantna og birti um þær fjölmargar ritgerðir og greinar. Ingimar skrifaði einnig og gaf út kennslubækur í grasafræði. Margir hafa búið í húsinu gegnum tíðina, og hér var einnig rekin lítil bókbands- og fornbókaverslunin, Glugghúsið, á níunda áratugnum.
Húsið hefur á síðustu árum hlotið viðamiklar og vandaðar endurbætur (sem og umhverfi þess og lóð). M.a. eru í húsinu nýir gluggar, sem miðast við upprunalegt útlit hússins. Húsið hafði áður verið „augnstungið“ sem kallað er, þegar margskiptir eða krosspóstar eru fjarlægðir úr gluggum. Endurbætur hafa heppnast vel og frágangur er allur hinn snyrtilegasti og húsið til mikillar prýði í hinni geðþekku húsaröð gegnt Sundlauginni og Andapollinum. Ein íbúð er í húsinu. Myndin er tekin þann 8. maí 2016.
Nýjast
-
AtNorth stækkar gagnaver sitt á Akureyri Glatvarmi nýttur til matvælaframleiðslu
Fyrirtækið atNorth vinnur að stækkun gagnavers síns á Akureyri. Einnig hefur félagið kynnt nýtt samstarf um endurheimt og nýtingu varma. Stækkun tveggja gagnavera atnorth, á Akureyri og í Reykjanesbæ er þegar hafin. -
easyJet lengir flugtímabil frá London til Akureyrar
Breska flugfélagið easyJet tilkynnti í dag að það muni bæta við flugferðum frá London Gatwick til Akureyrar í apríl 2025, og í október 2025. Áður stóð til að fljúga út mars á næsta ári, og hefja flugin að nýju í nóvember. Flugfélagið verður því mánuði lengur með flug í boði þennan vetur og að auki næsta haust. -
Snjómokstur í bænum
Töluvert hefur snjóað í bænum um helgina og þennan mánudagsmorguninn er víða illfært um íbúðagötur og stíga. Unnið er að snjómokstri og er mikill fjöldi tækja í notkun á vegum sveitarfélagsins og verktaka. -
Íþróttir fyrir alla!
Hver króna sem fer til íþróttafélaga er króna sem skilar sér margfalt til baka í samfélagið. Um kosti íþróttastarfs á Íslandi verður ekki deilt. Starfið er faglegt, fjölbreytt og gott. Það sem hefur breyst á undanförnum árum er að íþróttir eru gríðarlega atvinnuskapandi. Félögin á Íslandi í dag eru orðin stærri og komin með fleiri starfsmenn í full störf. Ásamt því að afleidd störf tengd íþróttum á Íslandi, t.d. í ferðaþjónustu, eru orðin ansi mörg og drjúg. -
Hið fullkomna stjórnarfar
Mannkynið hefur gert tilraunir með margskonar stjórnarfar. Þetta lærdómsferli hefur því miður kostnað blóð og mannfórnir en það hefur fært okkur vitneskjuna um að lýðræði er besta stjórnarfarið sem mannkynið hefur þekkt. Ekkert stjórnskipulag hefur fært mannkyni jafn miklar framfarir, öryggi, réttlæti og almenna hagsæld en lýðræðið. -
Hættum að slá ryki í augun á fólki !
Greinin er skrifuð í nafni Stangaveiðifélags Akureyrar, Stangaveiðifélagsins Flúða, Veiðifélags Fnjóskár, Veiðifélags Eyjafjarðarár, Veiðifélags Hörgár, Fiskirannsókna ehf, félagsskapar sem kallast Bleikjan - Styðjum stofninn, SUNN - Samtaka um náttúruvernd á Norðurlandi, Landssambands veiðifélaga, NASF – Verndarsjóðs villtra laxastofna og Íslenska náttúruverndarsjóðsins – IWF. -
Eldri borgarar hafa áhyggjur af öryggismálum í Sölku
Fulltrúar í Félagi Eldri borgara á Akureyri hafa lýst yfir áhyggjum sínum af öryggismálum í kjallara félagsmiðstöðvarinnar Sölku í Víðilundi á Akureyri. Þeir hvetja til þess að vinnueftirlit, heilbrigðiseftirlit og eldvarnareftirlit verði fengið til að gera heildarúttekt á húsnæðinu vegna þeirrar starfsemi sem þar fer fram á vegum Akureyrarbæjar. -
Gestir í Lystigarði um 159 þúsund á 10 mánuðum
Alls heimsóttu rúmlega 159 þúsund gestir í Lystigarðinni á Akureyri á 10 mánaða tímabili, frá byrjun janúar til loka október samkvæmt teljurum sem þar eru. Þetta kemur fram í minnisblaði sem fjallað var um á fundi umhverfis- og mannvirkjaráðs. -
Sólveig Lára er Ungskáld Akureyrar 2024
Það var vel við hæfi að í dag, á degi íslenskrar tungu, voru úrslit í ritlistakeppni Ungskálda 2024 kunngjörð á Amtsbókasafninu. Fyrstu veðlaun hlaut Sólveig Lára Skarphéðinsdóttir fyrir verkið Stök.
