Hús vikunnar: Strandgata 49; Gránufélagshúsin
Oddeyrartangi er nokkuð í deiglunni um þessar mundir vegna stórhuga áforma um uppbyggingu fjölbýlishúsa þar. Þær hugmyndir verða ekki reifaðar á þessum vettvangi. Hins vegar er upplagt að fjalla um hús nokkurt sem fyrir er á svæðinu, og hefur staðið þar í nærri hálfa aðra öld; nefnilega Strandgötu 49, Gránufélagshúsin.
Strandgata 49 mun vera elsta hús sem enn stendur á Oddeyri. Raunar er um að ræða þrjú byggð sambyggð hús, byggð í áföngum frá 1873 til 1885 af Gránufélaginu. Elstur er vesturhlutinn, byggður 1873 úr viðum eldra húss sem reist var á Vestdalseyri við Seyðisfjörð um 1850. Miðhlutinn, tvílyft bygging með „brotnu“ risi (mansard) gefur húsinu líklega mestan svip og var kallaður Mikla bygging. Gránufélagið var verslunarfélag stofnsett árið 1870. Helstu forvígismenn þess voru Tryggvi Gunnarsson og sr. Arnljótur Ólafsson.
Gránufélagið var afar umsvifamikið á áratugunum 1870-1900 og kannski til marks um það, að gata á Oddeyrinni er nefnd eftir félaginu. Árið 1871 keypti félagið Oddeyrina eins og hún lagði sig af Þorsteini Daníelssyni á Skipalóni og sá félagið um lóðasölu þegar byggð hófst á Oddeyrinni á 8. og 9. tug 19. aldar. Eftir aldamótin 1900 tók að halla undan fæti hjá Gránufélaginu og 1912 komst það í eigu Hinna sameinuðu íslensku verslana. Hafði það félag skrifstofur í húsinu fram á þriðja áratuginn. Um 1940 var húsið innréttað sem vélsmiðja og Vélsmiðjan Oddi starfrækt þarna í um hálfa öld. Húsið var þannig alla tíð verið verslunar- skrifstofu og iðnaðarhúsnæði en þarna voru einnig íbúðir um árabil.
Upp úr 1990 var húsið allt endurbyggt og innréttað sem veitingastaður. Nú er í húsinu veitingastaðurinn Bryggjan. Strandgata 49 er friðlýst bygging skv. Þjóðminjalögum. Myndin er tekin þann 9. sept. 2018.
Nýjast
-
Gripmælar, róbótar og ratleikur á Opnum degi Um 300 framhaldsskólanemendur lögðu leið sína í Háskólann á Akureyri
Stuðið var gífurlegt á dögunum þegar um 300 framhaldsskólanemendur heimsóttu Háskólann á Akureyri á Opnum degi. Skólinn hefur gert þetta í mörg ár í góðu samstarfi við náms- og starfsráðgjafa í framhaldsskólum á norðaustursvæðinu. -
Óska eftir frambjóðendum sem eru tilbúnir í alvöru breytingar!
Ég óska eftir breytingum svo að ég og allir aðrir menntaðir Heilsunuddarar viti hvað við eigum að kjósa í komandi alþingiskosningum. -
Lítið að frétta í lífi án frétta á landsbyggðunum
Af þeim 27 fjölmiðlum sem hlutu rekstrarstuðning til einkarekinna fjölmiðla 2024 voru 13 staðbundnir fjölmiðlar og af þeim 10 staðsettir utan höfuðborgarsvæðisins. Hver og einn af þessum staðbundnu miðlum þjónar gríðarlega mikilvægu hlutverki í sinni heimabyggð og styrkveitingin því sannarlega fagnaðarefni. -
AtNorth stækkar gagnaver sitt á Akureyri Glatvarmi nýttur til matvælaframleiðslu
Fyrirtækið atNorth vinnur að stækkun gagnavers síns á Akureyri. Einnig hefur félagið kynnt nýtt samstarf um endurheimt og nýtingu varma. Stækkun tveggja gagnavera atnorth, á Akureyri og í Reykjanesbæ er þegar hafin. -
easyJet lengir flugtímabil frá London til Akureyrar
Breska flugfélagið easyJet tilkynnti í dag að það muni bæta við flugferðum frá London Gatwick til Akureyrar í apríl 2025, og í október 2025. Áður stóð til að fljúga út mars á næsta ári, og hefja flugin að nýju í nóvember. Flugfélagið verður því mánuði lengur með flug í boði þennan vetur og að auki næsta haust. -
Snjómokstur í bænum
Töluvert hefur snjóað í bænum um helgina og þennan mánudagsmorguninn er víða illfært um íbúðagötur og stíga. Unnið er að snjómokstri og er mikill fjöldi tækja í notkun á vegum sveitarfélagsins og verktaka. -
Íþróttir fyrir alla!
Hver króna sem fer til íþróttafélaga er króna sem skilar sér margfalt til baka í samfélagið. Um kosti íþróttastarfs á Íslandi verður ekki deilt. Starfið er faglegt, fjölbreytt og gott. Það sem hefur breyst á undanförnum árum er að íþróttir eru gríðarlega atvinnuskapandi. Félögin á Íslandi í dag eru orðin stærri og komin með fleiri starfsmenn í full störf. Ásamt því að afleidd störf tengd íþróttum á Íslandi, t.d. í ferðaþjónustu, eru orðin ansi mörg og drjúg. -
Hið fullkomna stjórnarfar
Mannkynið hefur gert tilraunir með margskonar stjórnarfar. Þetta lærdómsferli hefur því miður kostnað blóð og mannfórnir en það hefur fært okkur vitneskjuna um að lýðræði er besta stjórnarfarið sem mannkynið hefur þekkt. Ekkert stjórnskipulag hefur fært mannkyni jafn miklar framfarir, öryggi, réttlæti og almenna hagsæld en lýðræðið. -
Hættum að slá ryki í augun á fólki !
Greinin er skrifuð í nafni Stangaveiðifélags Akureyrar, Stangaveiðifélagsins Flúða, Veiðifélags Fnjóskár, Veiðifélags Eyjafjarðarár, Veiðifélags Hörgár, Fiskirannsókna ehf, félagsskapar sem kallast Bleikjan - Styðjum stofninn, SUNN - Samtaka um náttúruvernd á Norðurlandi, Landssambands veiðifélaga, NASF – Verndarsjóðs villtra laxastofna og Íslenska náttúruverndarsjóðsins – IWF.
