13.nóvember - 20.nóvember - Tbl 46
Hús vikunnar: Strandgata 35
Í síðustu viku var umfjöllunarefnið eitt af elstu húsum Oddeyrar. Við höldum okkur á svipuðum slóðum og við hús á svipuðum aldri. Á austurhorni Strandgötu og Grundargötu stendur veglegt og reisulegt hús, byggt af einum helsta athafnamanni bæjarins á þeim tíma.
Strandgötu 35 reisti Jakob V. Havsteen kaupsýslumaður og útgerðarmaður árið 1888. Húsið er einlyft timburhús með portbyggðu risi og stórum miðjukvisti sem gengur gegnum risið og stendur húsið á steyptum kjallara. Þá er einnig bakálma vestanmegin, tvílyft með lágu risi. Sú bygging mun upprunalega hafa verið geymslu- og gripahús. Húsið er klætt báruðu áli og krosspóstar eru í flestum gluggum.
Auk íbúðarhússins, sem var eitt það stærsta og veglegasta á Oddeyri á sínum tíma, reisti Havsteen fjölmargar byggingar á landareign sinni sem flestar eru horfnar. Um 1900 byggði hann við húsið sólskála, einlyfta byggingu með valmaþaki, austanmegin. Lóð hússins er nokkuð stór og auk hennar átti Havsteen einnig fjöruröndina framan hússins. Allur „reki“ (rekaviður) þar varð sjálfkrafa hans eign og einnig seldi hann á tímabili sand úr fjörunni. Jakob V. Havsteen var sem áður segir umsvifamikill kaupmaður og útgerðarmaður og var auk þess bæjarfulltrúi í áratugi, sem og danskur konsúll. Hann var sæmdur svokallaðri etasráðsnafnbót árið 1907. Havsteen mun hafa búið hér til æviloka, eða til 1920.
Í stórum dráttum er húsið næsta lítið breytt frá upphafi að ytra byrði. Steinskífu, sem var á húsinu drjúgan hluta 20. aldar hefur verið skipt út fyrir málmklæðningu auk breytinga á gluggaskipan (sólskála lokað og verslunargluggum). Ýmis starfsemi hefur verið í húsinu m.a. má nefna afgreiðslu Áfengisverslunarinnar í kjallaranum. Síðustu áratugi hefur húsið alfarið verið íbúðarhús; tvær íbúðir í austurhluta og fjórar í vesturhluta. Húsið, sem er í góðu standi, sómir sér vel í glæsilegri götumynd Strandgötunnar. Myndin er tekin þann 29. mars 2020.
Nýjast
-
AtNorth stækkar gagnaver sitt á Akureyri Glatvarmi nýttur til matvælaframleiðslu
Fyrirtækið atNorth vinnur að stækkun gagnavers síns á Akureyri. Einnig hefur félagið kynnt nýtt samstarf um endurheimt og nýtingu varma. Stækkun tveggja gagnavera atnorth, á Akureyri og í Reykjanesbæ er þegar hafin. -
easyJet lengir flugtímabil frá London til Akureyrar
Breska flugfélagið easyJet tilkynnti í dag að það muni bæta við flugferðum frá London Gatwick til Akureyrar í apríl 2025, og í október 2025. Áður stóð til að fljúga út mars á næsta ári, og hefja flugin að nýju í nóvember. Flugfélagið verður því mánuði lengur með flug í boði þennan vetur og að auki næsta haust. -
Snjómokstur í bænum
Töluvert hefur snjóað í bænum um helgina og þennan mánudagsmorguninn er víða illfært um íbúðagötur og stíga. Unnið er að snjómokstri og er mikill fjöldi tækja í notkun á vegum sveitarfélagsins og verktaka. -
Íþróttir fyrir alla!
Hver króna sem fer til íþróttafélaga er króna sem skilar sér margfalt til baka í samfélagið. Um kosti íþróttastarfs á Íslandi verður ekki deilt. Starfið er faglegt, fjölbreytt og gott. Það sem hefur breyst á undanförnum árum er að íþróttir eru gríðarlega atvinnuskapandi. Félögin á Íslandi í dag eru orðin stærri og komin með fleiri starfsmenn í full störf. Ásamt því að afleidd störf tengd íþróttum á Íslandi, t.d. í ferðaþjónustu, eru orðin ansi mörg og drjúg. -
Hið fullkomna stjórnarfar
Mannkynið hefur gert tilraunir með margskonar stjórnarfar. Þetta lærdómsferli hefur því miður kostnað blóð og mannfórnir en það hefur fært okkur vitneskjuna um að lýðræði er besta stjórnarfarið sem mannkynið hefur þekkt. Ekkert stjórnskipulag hefur fært mannkyni jafn miklar framfarir, öryggi, réttlæti og almenna hagsæld en lýðræðið. -
Hættum að slá ryki í augun á fólki !
Greinin er skrifuð í nafni Stangaveiðifélags Akureyrar, Stangaveiðifélagsins Flúða, Veiðifélags Fnjóskár, Veiðifélags Eyjafjarðarár, Veiðifélags Hörgár, Fiskirannsókna ehf, félagsskapar sem kallast Bleikjan - Styðjum stofninn, SUNN - Samtaka um náttúruvernd á Norðurlandi, Landssambands veiðifélaga, NASF – Verndarsjóðs villtra laxastofna og Íslenska náttúruverndarsjóðsins – IWF. -
Eldri borgarar hafa áhyggjur af öryggismálum í Sölku
Fulltrúar í Félagi Eldri borgara á Akureyri hafa lýst yfir áhyggjum sínum af öryggismálum í kjallara félagsmiðstöðvarinnar Sölku í Víðilundi á Akureyri. Þeir hvetja til þess að vinnueftirlit, heilbrigðiseftirlit og eldvarnareftirlit verði fengið til að gera heildarúttekt á húsnæðinu vegna þeirrar starfsemi sem þar fer fram á vegum Akureyrarbæjar. -
Gestir í Lystigarði um 159 þúsund á 10 mánuðum
Alls heimsóttu rúmlega 159 þúsund gestir í Lystigarðinni á Akureyri á 10 mánaða tímabili, frá byrjun janúar til loka október samkvæmt teljurum sem þar eru. Þetta kemur fram í minnisblaði sem fjallað var um á fundi umhverfis- og mannvirkjaráðs. -
Sólveig Lára er Ungskáld Akureyrar 2024
Það var vel við hæfi að í dag, á degi íslenskrar tungu, voru úrslit í ritlistakeppni Ungskálda 2024 kunngjörð á Amtsbókasafninu. Fyrstu veðlaun hlaut Sólveig Lára Skarphéðinsdóttir fyrir verkið Stök.
