Hús vikunnar: Strandgata 11
Við Strandgötu, á milli Geislagötu og Glerárgötu standa nokkur reisuleg timburhús frá fyrsta áratug 20. aldar. Þau eru byggð á grunni húsa, sem öll eyðilögðust í stórbruna, Oddeyrarbrunanum svokallaða haustið 1906. Eitt þessara húsa er Strandgata 11.
Strandgötu 11 reisti Magnús Blöndal kennari og verslunarmaður árið 1907. Fáeinum árum síðar eignaðist húsið Óskar Sigurgeirsson vélsmiður og bjó hann þarna um áratugaskeið. Hann reisti vélsmiðju á baklóðinni árið 1915. Stendur það hús enn, og verður það „Hús vikunnar“ í næstu viku.
Strandgata 11 er tvílyft timburhús á lágum grunni og með risi. Á vesturhlið eru svalir sem standa á stólpum og með útskornu skrauti. Bárujárn er á veggjum og þaki en krosspóstar í gluggum. Frá upphafi hefur neðri hæðin verið verslunar- og þjónusturými en íbúðir á efri hæð. Ýmis starfsemi hefur verið á neðri hæð hússins þau 112 ár sem það hefur staðið.
Ef rýnt er í gagnagrunninn timarit.is má t.d. sjá auglýsingu frá skóverslun Guðlaugs Sigurðssonar frá 1913, Verslun Karls Guðnasonar frá 1916 og á þriðja áratugnum var kaffibrennsla starfrækt í Strandgötu 11. Svo fátt eitt sé nefnt. Lengi vel voru reknar saumastofur og fataverslanir í húsinu, fram eftir 20. öld. Húsið var löngum (og er vitaskuld enn) kallað Lögmannshlíð en það nafn gaf téður Óskar Sigurgeirsson húsinu, en hann var einmitt frá Lögmannshlíð.
Upp úr aldamótum hlaut húsið gagngerar endurbætur að utan sem innan og þá var götuhæð innréttuð sem veitingastaður. Síðustu árin hefur hamborgarastaðurinn DJ Grill verið starfræktur á jarðhæð en tvær íbúðir eru á efri hæð. Húsið er sem áður segir, nýlega uppgert og þar af leiðandi allt sem nýtt og er til mikillar prýði. Myndin er tekin þann 24. febrúar 2019.
Nýjast
-
Svik við launafólk: Loforð um samráð brotin með gegndarlausum gjaldskrárhækkunum
Anna Júlíusdóttir formaður Einingar Iðju skrifar bréf til bæjarstjórnar Akureyrar í dag sem birt er að heimasíðu félagsins, það lætur hún í ljós mikla óánægju með boðaðar hækkanir hjá hinum ýmsu fyrirtækjum og stofnunum bæjarins og er óhætt að segja að Önnu sé misboðið. „Við erum tilbúin til uppbyggilegs samtals,“ sögðum við í júlí þegar bæjaryfirvöld á Akureyri boðuðu breytingar á gjaldskrám. Við fögnuðum loforðum um samráð, um víðtækt samtal við hagsmunaaðila og um reglulegt endurmatsferli þar sem allir kæmu að borðinu. Nú aðeins fjórum mánuðum síðar stendur eftir sársaukafullt svik á trausti launafólks. Í stað samtals og samráðs virðast vera að raungerast víðtækar gjaldskrárhækkanir sem eru hrein árás á kaupmátt launafólks. -
Vegamálin liggja þungt á Grímseyingum
Vegamál liggja þungt á heimamönnum í Grímsey. Bundið slitlag var sett á götur þar árið 1994 og aftur árið 2014, en þá var verkið ekki klárað almennilega, „því það mátti bara setja á ákveðið marga kílómetra,“ eins og það er orðað í bókun hverfisnefndar. -
Gripmælar, róbótar og ratleikur á Opnum degi Um 300 framhaldsskólanemendur lögðu leið sína í Háskólann á Akureyri
Stuðið var gífurlegt á dögunum þegar um 300 framhaldsskólanemendur heimsóttu Háskólann á Akureyri á Opnum degi. Skólinn hefur gert þetta í mörg ár í góðu samstarfi við náms- og starfsráðgjafa í framhaldsskólum á norðaustursvæðinu. -
Óska eftir frambjóðendum sem eru tilbúnir í alvöru breytingar!
Ég óska eftir breytingum svo að ég og allir aðrir menntaðir Heilsunuddarar viti hvað við eigum að kjósa í komandi alþingiskosningum. -
Lítið að frétta í lífi án frétta á landsbyggðunum
Af þeim 27 fjölmiðlum sem hlutu rekstrarstuðning til einkarekinna fjölmiðla 2024 voru 13 staðbundnir fjölmiðlar og af þeim 10 staðsettir utan höfuðborgarsvæðisins. Hver og einn af þessum staðbundnu miðlum þjónar gríðarlega mikilvægu hlutverki í sinni heimabyggð og styrkveitingin því sannarlega fagnaðarefni. -
AtNorth stækkar gagnaver sitt á Akureyri Glatvarmi nýttur til matvælaframleiðslu
Fyrirtækið atNorth vinnur að stækkun gagnavers síns á Akureyri. Einnig hefur félagið kynnt nýtt samstarf um endurheimt og nýtingu varma. Stækkun tveggja gagnavera atnorth, á Akureyri og í Reykjanesbæ er þegar hafin. -
easyJet lengir flugtímabil frá London til Akureyrar
Breska flugfélagið easyJet tilkynnti í dag að það muni bæta við flugferðum frá London Gatwick til Akureyrar í apríl 2025, og í október 2025. Áður stóð til að fljúga út mars á næsta ári, og hefja flugin að nýju í nóvember. Flugfélagið verður því mánuði lengur með flug í boði þennan vetur og að auki næsta haust. -
Snjómokstur í bænum
Töluvert hefur snjóað í bænum um helgina og þennan mánudagsmorguninn er víða illfært um íbúðagötur og stíga. Unnið er að snjómokstri og er mikill fjöldi tækja í notkun á vegum sveitarfélagsins og verktaka. -
Íþróttir fyrir alla!
Hver króna sem fer til íþróttafélaga er króna sem skilar sér margfalt til baka í samfélagið. Um kosti íþróttastarfs á Íslandi verður ekki deilt. Starfið er faglegt, fjölbreytt og gott. Það sem hefur breyst á undanförnum árum er að íþróttir eru gríðarlega atvinnuskapandi. Félögin á Íslandi í dag eru orðin stærri og komin með fleiri starfsmenn í full störf. Ásamt því að afleidd störf tengd íþróttum á Íslandi, t.d. í ferðaþjónustu, eru orðin ansi mörg og drjúg.
