Hús vikunnar: Norðurgata 2
Líkt og fram kom í síðustu grein, er greinarhöfundi aðeins kunnugt um tvö hús á Akureyri sem klædd eru steinskífu. Skífur þessar mynda skemmtilegt munstur sem gefa húsunum sérstætt og einstakt yfirbragð. Steinskífuhúsin standa á svipuðum slóðum á sunnanverðri Oddeyrinni, annars vegar Strandgata 23 og hins vegar Norðurgata 2.
Norðurgötu 2 mun Snorri Jónsson byggingameistari hafa reist árið 1897 fyrir Þorvald Guðnason. Um svipað leyti var Snorri í óða önn að reisa eigið hús við Strandgötu, næst sunnan við Norðurgötu 2. Það var eitt stærsta timburhús bæjarins og var einnig steinskífuklætt lengst af, en var rifið 1987. Norðurgata 2 er einlyft timburhús með portbyggðu risi, á lágum kjallara og með miðjukvisti. Á bakhlið er inngönguskúr auk uppgöngu á rishæð, en þeim megin er þak aflíðandi (risi lyft). Sem fyrr segir er húsið klætt steinskífu en bárujárn er á þaki og í gluggum eru þverpóstar.
Auk íbúðarhússins reisti Þorvaldur á lóðinni fjós og skúr um 1902. Þær byggingar eru nú löngu horfnar. Árið 1911 reisti þáverandi eigandi, Soffanías Baldvinsson, bakhús sem enn stendur, Norðurgötu 2b. Það hús hefur hýst hina ýmsu starfsemi m.a. reykhús, félagsheimili og um tíma hljóðver Ríkisútvarpsins. Norðurgata 2, þ.e. framhúsið sem alla tíð hefur verið íbúðarhús er lítt breytt frá upphafi. Steinskífuklæðningin mun hafa verið sett á húsið eftir 1916, en þá var það, í brunabótamati, sagt járnklætt. Um 1954, var austurhluti rishæðar byggður upp á þann hátt, að frá mæni á milli stafna er full lofthæð undir aflíðandi þaki (ekki undir súð). Kallast þetta að „lyfta risi“.
Nú munu vera tvær íbúðir í Norðurgötu 2, á hæð og í risi. Húsið er til sérlegrar prýði í umhverfinu enda gefur steinskífan húsinu einstakan svip. Þá er lóðin vel gróin og í góðri hirðu. Myndin er tekin fyrir um hálfum öðrum áratug, 5. júní 2006.
Nýjast
-
AtNorth stækkar gagnaver sitt á Akureyri Glatvarmi nýttur til matvælaframleiðslu
Fyrirtækið atNorth vinnur að stækkun gagnavers síns á Akureyri. Einnig hefur félagið kynnt nýtt samstarf um endurheimt og nýtingu varma. Stækkun tveggja gagnavera atnorth, á Akureyri og í Reykjanesbæ er þegar hafin. -
easyJet lengir flugtímabil frá London til Akureyrar
Breska flugfélagið easyJet tilkynnti í dag að það muni bæta við flugferðum frá London Gatwick til Akureyrar í apríl 2025, og í október 2025. Áður stóð til að fljúga út mars á næsta ári, og hefja flugin að nýju í nóvember. Flugfélagið verður því mánuði lengur með flug í boði þennan vetur og að auki næsta haust. -
Snjómokstur í bænum
Töluvert hefur snjóað í bænum um helgina og þennan mánudagsmorguninn er víða illfært um íbúðagötur og stíga. Unnið er að snjómokstri og er mikill fjöldi tækja í notkun á vegum sveitarfélagsins og verktaka. -
Íþróttir fyrir alla!
Hver króna sem fer til íþróttafélaga er króna sem skilar sér margfalt til baka í samfélagið. Um kosti íþróttastarfs á Íslandi verður ekki deilt. Starfið er faglegt, fjölbreytt og gott. Það sem hefur breyst á undanförnum árum er að íþróttir eru gríðarlega atvinnuskapandi. Félögin á Íslandi í dag eru orðin stærri og komin með fleiri starfsmenn í full störf. Ásamt því að afleidd störf tengd íþróttum á Íslandi, t.d. í ferðaþjónustu, eru orðin ansi mörg og drjúg. -
Hið fullkomna stjórnarfar
Mannkynið hefur gert tilraunir með margskonar stjórnarfar. Þetta lærdómsferli hefur því miður kostnað blóð og mannfórnir en það hefur fært okkur vitneskjuna um að lýðræði er besta stjórnarfarið sem mannkynið hefur þekkt. Ekkert stjórnskipulag hefur fært mannkyni jafn miklar framfarir, öryggi, réttlæti og almenna hagsæld en lýðræðið. -
Hættum að slá ryki í augun á fólki !
Greinin er skrifuð í nafni Stangaveiðifélags Akureyrar, Stangaveiðifélagsins Flúða, Veiðifélags Fnjóskár, Veiðifélags Eyjafjarðarár, Veiðifélags Hörgár, Fiskirannsókna ehf, félagsskapar sem kallast Bleikjan - Styðjum stofninn, SUNN - Samtaka um náttúruvernd á Norðurlandi, Landssambands veiðifélaga, NASF – Verndarsjóðs villtra laxastofna og Íslenska náttúruverndarsjóðsins – IWF. -
Eldri borgarar hafa áhyggjur af öryggismálum í Sölku
Fulltrúar í Félagi Eldri borgara á Akureyri hafa lýst yfir áhyggjum sínum af öryggismálum í kjallara félagsmiðstöðvarinnar Sölku í Víðilundi á Akureyri. Þeir hvetja til þess að vinnueftirlit, heilbrigðiseftirlit og eldvarnareftirlit verði fengið til að gera heildarúttekt á húsnæðinu vegna þeirrar starfsemi sem þar fer fram á vegum Akureyrarbæjar. -
Gestir í Lystigarði um 159 þúsund á 10 mánuðum
Alls heimsóttu rúmlega 159 þúsund gestir í Lystigarðinni á Akureyri á 10 mánaða tímabili, frá byrjun janúar til loka október samkvæmt teljurum sem þar eru. Þetta kemur fram í minnisblaði sem fjallað var um á fundi umhverfis- og mannvirkjaráðs. -
Sólveig Lára er Ungskáld Akureyrar 2024
Það var vel við hæfi að í dag, á degi íslenskrar tungu, voru úrslit í ritlistakeppni Ungskálda 2024 kunngjörð á Amtsbókasafninu. Fyrstu veðlaun hlaut Sólveig Lára Skarphéðinsdóttir fyrir verkið Stök.
