13.nóvember - 20.nóvember - Tbl 46
Hús vikunnar: Norðurgata 13
Síðastliðið föstudagskvöld horfði greinarhöfundur á kvikmyndina Maverick. Sú mynd er vestri og gerist í suðurríkjum Bandaríkjanna á síðari hluta 19. aldar m.ö.o. „Villta vestrinu“. Þannig varð til hugmynd; að taka fyrir hús byggt á tímum umrædds Villta vesturs.
Norðurgötu 13 reisti maður að nafni Þorvaldur Guðnason árið 1886. Fékk hann útmælda lóðina „á milli húsa Snorra Jónssonar og Björns Jónssonar“, en þar var um að ræða Norðurgötu 11 og 17 (Steinhúsið). Sjá má hluta fyrrnefnda hússins vinstra megin á myndinni sem hér fylgir.
Norðurgata 13 er einlyft timburhús með háu risi og á háum steyptum kjallara. Á bakhlið er kvistur með einhalla, aflíðandi og nær hann að stafni. Þá er einlyft viðbygging meðfram vesturhlið. Í gluggum eru tiltölulega nýlegir sexrúðupóstar. Bárujárn er á þaki og á veggjum svokallað steinblikk.
Steinblikkið hefur verið sett á húsið á þriðja eða fjórða áratug 20. aldar. Og þess má til gamans geta, fyrst vikið var að vestrinu hér í upphafi, að steinblikkið var einmitt flutt inn frá Bandaríkjunum. Fyrir þeim innflutningi stóð húsasmiður á Oddeyri, Gunnar Guðlaugsson, á þriðja og fjórða áratug síðustu aldar. Húsið mun upprunalega hafa verið á lágum grunni en undir það steyptur hár kjallari snemma á 20. öld. Að öðru leyti er Norðurgata 13 lítt breytt frá upphafi að ytra byrði. Fjölmargir hafa búið hér um lengri eða skemmri tíma og ekki ólíklegt, að hér hafi nokkrar fjölskyldur búið samtímis á fyrri hluta 20. aldar. Húsið hefur þó lengst af verið einbýlishús.
Norðurgata 13 er látlaust og smekklegt hús og í mjög góðri hirðu, mætti kalla „sjarmerandi“. Húsið er til mikillar prýði í einni af áhugaverðari götumyndum bæjarins. Samkvæmt lögum frá 2012, um friðun menningarminja eldri en 100 ára, telst Norðurgata 13 friðað vegna aldurs. Myndin er tekin þann 15. nóvember 2014.
Nýjast
-
AtNorth stækkar gagnaver sitt á Akureyri Glatvarmi nýttur til matvælaframleiðslu
Fyrirtækið atNorth vinnur að stækkun gagnavers síns á Akureyri. Einnig hefur félagið kynnt nýtt samstarf um endurheimt og nýtingu varma. Stækkun tveggja gagnavera atnorth, á Akureyri og í Reykjanesbæ er þegar hafin. -
easyJet lengir flugtímabil frá London til Akureyrar
Breska flugfélagið easyJet tilkynnti í dag að það muni bæta við flugferðum frá London Gatwick til Akureyrar í apríl 2025, og í október 2025. Áður stóð til að fljúga út mars á næsta ári, og hefja flugin að nýju í nóvember. Flugfélagið verður því mánuði lengur með flug í boði þennan vetur og að auki næsta haust. -
Snjómokstur í bænum
Töluvert hefur snjóað í bænum um helgina og þennan mánudagsmorguninn er víða illfært um íbúðagötur og stíga. Unnið er að snjómokstri og er mikill fjöldi tækja í notkun á vegum sveitarfélagsins og verktaka. -
Íþróttir fyrir alla!
Hver króna sem fer til íþróttafélaga er króna sem skilar sér margfalt til baka í samfélagið. Um kosti íþróttastarfs á Íslandi verður ekki deilt. Starfið er faglegt, fjölbreytt og gott. Það sem hefur breyst á undanförnum árum er að íþróttir eru gríðarlega atvinnuskapandi. Félögin á Íslandi í dag eru orðin stærri og komin með fleiri starfsmenn í full störf. Ásamt því að afleidd störf tengd íþróttum á Íslandi, t.d. í ferðaþjónustu, eru orðin ansi mörg og drjúg. -
Hið fullkomna stjórnarfar
Mannkynið hefur gert tilraunir með margskonar stjórnarfar. Þetta lærdómsferli hefur því miður kostnað blóð og mannfórnir en það hefur fært okkur vitneskjuna um að lýðræði er besta stjórnarfarið sem mannkynið hefur þekkt. Ekkert stjórnskipulag hefur fært mannkyni jafn miklar framfarir, öryggi, réttlæti og almenna hagsæld en lýðræðið. -
Hættum að slá ryki í augun á fólki !
Greinin er skrifuð í nafni Stangaveiðifélags Akureyrar, Stangaveiðifélagsins Flúða, Veiðifélags Fnjóskár, Veiðifélags Eyjafjarðarár, Veiðifélags Hörgár, Fiskirannsókna ehf, félagsskapar sem kallast Bleikjan - Styðjum stofninn, SUNN - Samtaka um náttúruvernd á Norðurlandi, Landssambands veiðifélaga, NASF – Verndarsjóðs villtra laxastofna og Íslenska náttúruverndarsjóðsins – IWF. -
Eldri borgarar hafa áhyggjur af öryggismálum í Sölku
Fulltrúar í Félagi Eldri borgara á Akureyri hafa lýst yfir áhyggjum sínum af öryggismálum í kjallara félagsmiðstöðvarinnar Sölku í Víðilundi á Akureyri. Þeir hvetja til þess að vinnueftirlit, heilbrigðiseftirlit og eldvarnareftirlit verði fengið til að gera heildarúttekt á húsnæðinu vegna þeirrar starfsemi sem þar fer fram á vegum Akureyrarbæjar. -
Gestir í Lystigarði um 159 þúsund á 10 mánuðum
Alls heimsóttu rúmlega 159 þúsund gestir í Lystigarðinni á Akureyri á 10 mánaða tímabili, frá byrjun janúar til loka október samkvæmt teljurum sem þar eru. Þetta kemur fram í minnisblaði sem fjallað var um á fundi umhverfis- og mannvirkjaráðs. -
Sólveig Lára er Ungskáld Akureyrar 2024
Það var vel við hæfi að í dag, á degi íslenskrar tungu, voru úrslit í ritlistakeppni Ungskálda 2024 kunngjörð á Amtsbókasafninu. Fyrstu veðlaun hlaut Sólveig Lára Skarphéðinsdóttir fyrir verkið Stök.
