13.nóvember - 20.nóvember - Tbl 46
Hús vikunnar: Munkaþverárstræti 5
Helstu heimildir greinarhöfundar varðandi uppruna húsa eru fundargerðir Bygginganefndar, sem varðveittar eru á Héraðskjalasafninu. Margt áhugavert kemur þar fram m.a. afgreiðsla lóðar og byggingarleyfis Friðjóns Tryggvasonar vegna Munkaþverárstrætis 5.
Vorið 1930 sótti hann um lóð við Munkaþverárstræti, þá þriðju að sunnan austanmegin, þ.e. nr. 5. En Friðjón var búsettur að Glerárbakka í Glerárþorpi og 22. apríl bókar bygginganefnd eftirfarandi, orðrétt: „[...]mönnum sem ekki eru búsettir í bænum sje ekki leigðar lóðir fyrr en sýnt sje að þeir flytji í bæinn og geti reist sómasamleg hús þegar í stað“ (Bygginganefnd Akureyrar, fundur nr. 646, 1930). Gilti þá einu um hve langt frá bænum menn væru búsettir; Glerárbakki stóð rétt norðan Glerár, u.þ.b. kílómetra norðan við Munkaþverárstræti.
Á þeim tíma tilheyrði Glerárþorp nefnilega Glæsibæjarhreppi; sveitarfélagamörkin lágu um Glerá. Mánuði síðar komst bygginganefnd að þeirri niðurstöðu, að Friðjón fengi lóðina og um miðjan júní 1930 fékk hann leyfi til að byggja steinsteypt íbúðarhús. Húsið yrði ein hæð á kjallara og með portbyggðu risi og miðjukvisti, 8,2x8,2m að grunnfleti. Teikningar að húsinu gerði Halldór Halldórsson.
Sú lýsing sem gefin var upp í byggingarleyfinu á að mestu við enn í dag, enda mun húsið næsta lítið breytt frá upphafi. Húsið er teiknað sem einbýlishús, en árið 1947 þegar Viggó nokkur Ólafsson auglýsir það til sölu er það sagt tvær íbúðir. Margir hafa búið í Munkaþverárstræti 5. Má m.a. nefna þá feðga Þorstein Þorsteinsson gjaldkera og Tryggva son hans, skólastjóra og skátaforingja með meiru. Þorsteinn var frumkvöðull í hálendisferðum og einn upphafsmanna Ferðafélags Akureyrar. Munkaþverárstræti er glæst og snyrtilegt hús í góðri hirðu og það sama á við um lóðina. Myndin er tekin þann 25. maí 2017.
Nýjast
-
AtNorth stækkar gagnaver sitt á Akureyri Glatvarmi nýttur til matvælaframleiðslu
Fyrirtækið atNorth vinnur að stækkun gagnavers síns á Akureyri. Einnig hefur félagið kynnt nýtt samstarf um endurheimt og nýtingu varma. Stækkun tveggja gagnavera atnorth, á Akureyri og í Reykjanesbæ er þegar hafin. -
easyJet lengir flugtímabil frá London til Akureyrar
Breska flugfélagið easyJet tilkynnti í dag að það muni bæta við flugferðum frá London Gatwick til Akureyrar í apríl 2025, og í október 2025. Áður stóð til að fljúga út mars á næsta ári, og hefja flugin að nýju í nóvember. Flugfélagið verður því mánuði lengur með flug í boði þennan vetur og að auki næsta haust. -
Snjómokstur í bænum
Töluvert hefur snjóað í bænum um helgina og þennan mánudagsmorguninn er víða illfært um íbúðagötur og stíga. Unnið er að snjómokstri og er mikill fjöldi tækja í notkun á vegum sveitarfélagsins og verktaka. -
Íþróttir fyrir alla!
Hver króna sem fer til íþróttafélaga er króna sem skilar sér margfalt til baka í samfélagið. Um kosti íþróttastarfs á Íslandi verður ekki deilt. Starfið er faglegt, fjölbreytt og gott. Það sem hefur breyst á undanförnum árum er að íþróttir eru gríðarlega atvinnuskapandi. Félögin á Íslandi í dag eru orðin stærri og komin með fleiri starfsmenn í full störf. Ásamt því að afleidd störf tengd íþróttum á Íslandi, t.d. í ferðaþjónustu, eru orðin ansi mörg og drjúg. -
Hið fullkomna stjórnarfar
Mannkynið hefur gert tilraunir með margskonar stjórnarfar. Þetta lærdómsferli hefur því miður kostnað blóð og mannfórnir en það hefur fært okkur vitneskjuna um að lýðræði er besta stjórnarfarið sem mannkynið hefur þekkt. Ekkert stjórnskipulag hefur fært mannkyni jafn miklar framfarir, öryggi, réttlæti og almenna hagsæld en lýðræðið. -
Hættum að slá ryki í augun á fólki !
Greinin er skrifuð í nafni Stangaveiðifélags Akureyrar, Stangaveiðifélagsins Flúða, Veiðifélags Fnjóskár, Veiðifélags Eyjafjarðarár, Veiðifélags Hörgár, Fiskirannsókna ehf, félagsskapar sem kallast Bleikjan - Styðjum stofninn, SUNN - Samtaka um náttúruvernd á Norðurlandi, Landssambands veiðifélaga, NASF – Verndarsjóðs villtra laxastofna og Íslenska náttúruverndarsjóðsins – IWF. -
Eldri borgarar hafa áhyggjur af öryggismálum í Sölku
Fulltrúar í Félagi Eldri borgara á Akureyri hafa lýst yfir áhyggjum sínum af öryggismálum í kjallara félagsmiðstöðvarinnar Sölku í Víðilundi á Akureyri. Þeir hvetja til þess að vinnueftirlit, heilbrigðiseftirlit og eldvarnareftirlit verði fengið til að gera heildarúttekt á húsnæðinu vegna þeirrar starfsemi sem þar fer fram á vegum Akureyrarbæjar. -
Gestir í Lystigarði um 159 þúsund á 10 mánuðum
Alls heimsóttu rúmlega 159 þúsund gestir í Lystigarðinni á Akureyri á 10 mánaða tímabili, frá byrjun janúar til loka október samkvæmt teljurum sem þar eru. Þetta kemur fram í minnisblaði sem fjallað var um á fundi umhverfis- og mannvirkjaráðs. -
Sólveig Lára er Ungskáld Akureyrar 2024
Það var vel við hæfi að í dag, á degi íslenskrar tungu, voru úrslit í ritlistakeppni Ungskálda 2024 kunngjörð á Amtsbókasafninu. Fyrstu veðlaun hlaut Sólveig Lára Skarphéðinsdóttir fyrir verkið Stök.
