Hús vikunnar: Hafnarstræti 86a
Umfjöllun þessi er ekki skipulagðari en svo, að greinarhöfundur ákveður aðeins frá viku til viku, hvaða hús skal tekið fyrir næst. Á Facebook-hópnum Gamlar myndir af Akureyri birtist í vikunni mynd af húsi einu við Hafnarstræti, sem er aldargamalt í ár. Ég áleit upplagt, að það skyldi verða næsta Hús vikunnar. Um er að ræða Hafnarstræti 86a.
Hafnarstræti 86a er tvílyft timburhús með háu risi og miðjukvisti. Veggir og þak eru bárujárnsklædd og krosspóstar í gluggum. Á suðurstafni eru svalir á efri hæðum. Húsið var allt endurbyggt frá grunni árin 2010-12. Þrjár íbúðir eru í húsinu, ein á hverri hæð.
Hafnarstræti 86a reisti Jóhann Ragúels kaupmaður árið 1920. Stundaði hann verslunarrekstur á neðri hæð en bjó á efri hæðum. Verslaði hann með tóbak, sælgæti og ýmis konar smávöru. Hann bjó í húsinu til æviloka, árið 1942, eða í 22 ár. Jóhann og kona hans, Guðrún Davíðsdóttir, önnuðust einnig bókavörslu á Amtsbókasafninu um svipað leyti. Neðri hæð hússins var síðar breytt í íbúðarrými. Margir bjuggu í húsinu um lengri eða skemmri tíma fram eftir 20. öld.
Um 2005 stóð húsið orðið autt, og höfðu þá lengi verið uppi áform um niðurrif þess. Snemma árs 2008 skemmdist húsið mikið í heitavatnsleka, og taldi sá sem þetta ritar, fullvíst að húsið fengi að fjúka. En undirritaður hafði þar rangt fyrir sér, einu sinni sem oftar. En um 2010 hófust gagngerar endurbætur á húsinu. Var húsið allt endurnýjað að utan sem innan, m.a. stigahús á austurhlið rifið og asbestklæðningu skipt út fyrir bárujárn. Ekki þarf að fjölyrða um það, að viðgerðir þessar tókust stórkostlega, svosem meðfylgjandi mynd ber með sér. Hún er einmitt tekin skömmu eftir að endurbótum lauk, eða 30. júní 2012.
Nýjast
-
AtNorth stækkar gagnaver sitt á Akureyri Glatvarmi nýttur til matvælaframleiðslu
Fyrirtækið atNorth vinnur að stækkun gagnavers síns á Akureyri. Einnig hefur félagið kynnt nýtt samstarf um endurheimt og nýtingu varma. Stækkun tveggja gagnavera atnorth, á Akureyri og í Reykjanesbæ er þegar hafin. -
easyJet lengir flugtímabil frá London til Akureyrar
Breska flugfélagið easyJet tilkynnti í dag að það muni bæta við flugferðum frá London Gatwick til Akureyrar í apríl 2025, og í október 2025. Áður stóð til að fljúga út mars á næsta ári, og hefja flugin að nýju í nóvember. Flugfélagið verður því mánuði lengur með flug í boði þennan vetur og að auki næsta haust. -
Snjómokstur í bænum
Töluvert hefur snjóað í bænum um helgina og þennan mánudagsmorguninn er víða illfært um íbúðagötur og stíga. Unnið er að snjómokstri og er mikill fjöldi tækja í notkun á vegum sveitarfélagsins og verktaka. -
Íþróttir fyrir alla!
Hver króna sem fer til íþróttafélaga er króna sem skilar sér margfalt til baka í samfélagið. Um kosti íþróttastarfs á Íslandi verður ekki deilt. Starfið er faglegt, fjölbreytt og gott. Það sem hefur breyst á undanförnum árum er að íþróttir eru gríðarlega atvinnuskapandi. Félögin á Íslandi í dag eru orðin stærri og komin með fleiri starfsmenn í full störf. Ásamt því að afleidd störf tengd íþróttum á Íslandi, t.d. í ferðaþjónustu, eru orðin ansi mörg og drjúg. -
Hið fullkomna stjórnarfar
Mannkynið hefur gert tilraunir með margskonar stjórnarfar. Þetta lærdómsferli hefur því miður kostnað blóð og mannfórnir en það hefur fært okkur vitneskjuna um að lýðræði er besta stjórnarfarið sem mannkynið hefur þekkt. Ekkert stjórnskipulag hefur fært mannkyni jafn miklar framfarir, öryggi, réttlæti og almenna hagsæld en lýðræðið. -
Hættum að slá ryki í augun á fólki !
Greinin er skrifuð í nafni Stangaveiðifélags Akureyrar, Stangaveiðifélagsins Flúða, Veiðifélags Fnjóskár, Veiðifélags Eyjafjarðarár, Veiðifélags Hörgár, Fiskirannsókna ehf, félagsskapar sem kallast Bleikjan - Styðjum stofninn, SUNN - Samtaka um náttúruvernd á Norðurlandi, Landssambands veiðifélaga, NASF – Verndarsjóðs villtra laxastofna og Íslenska náttúruverndarsjóðsins – IWF. -
Eldri borgarar hafa áhyggjur af öryggismálum í Sölku
Fulltrúar í Félagi Eldri borgara á Akureyri hafa lýst yfir áhyggjum sínum af öryggismálum í kjallara félagsmiðstöðvarinnar Sölku í Víðilundi á Akureyri. Þeir hvetja til þess að vinnueftirlit, heilbrigðiseftirlit og eldvarnareftirlit verði fengið til að gera heildarúttekt á húsnæðinu vegna þeirrar starfsemi sem þar fer fram á vegum Akureyrarbæjar. -
Gestir í Lystigarði um 159 þúsund á 10 mánuðum
Alls heimsóttu rúmlega 159 þúsund gestir í Lystigarðinni á Akureyri á 10 mánaða tímabili, frá byrjun janúar til loka október samkvæmt teljurum sem þar eru. Þetta kemur fram í minnisblaði sem fjallað var um á fundi umhverfis- og mannvirkjaráðs. -
Sólveig Lára er Ungskáld Akureyrar 2024
Það var vel við hæfi að í dag, á degi íslenskrar tungu, voru úrslit í ritlistakeppni Ungskálda 2024 kunngjörð á Amtsbókasafninu. Fyrstu veðlaun hlaut Sólveig Lára Skarphéðinsdóttir fyrir verkið Stök.
