Hús vikunnar: Aðalstræti 2
Í síðasta pistli kom fram að fá hús hefðu tekið viðlíkum breytingum frá upphafi og Brekkugata 3. Eitt þeirra fáu húsa gæti verið Aðalstræti 2, en þar erum við stödd í pistli vikunnar. Húsið er raunar tvær álmur; suðurhluti er tvílyft timburhús (hluti hússins raunar steinsteyptur) á lágum grunni með háu portbyggðu risi og kvistum á framhlið. Þar af er stór gaflkvistur á suðurstafni og þar eru svalir. Norðurhluti er tvílyftur með lágu risi og snýr A-V. Krosspóstar eru í gluggum og nýlegt bárujárn á þaki og allt er húsið múrhúðað með steiningarklæðningu.
Aðalstræti 2 er eitt af allra elstu húsum Akureyrar, en elsta hluta hússins byggði Gunnlaugur Guttormsson verslunarmaður um 1850. Var húsið þá einfalt, einlyft timburhús með háu risi. Um 1886 mun húsið hafa verið hækkað um eina hæð og árið 1899 var byggt við húsið til norðurs og varð sú bygging síðar sérstakur eignarhluti, 2b. Fimm árum síðar var viðbygging hækkuð um eina hæð. Á þriðja áratugnum réðst þáverandi eigandi, Sigmundur Sigurðsson úrsmiður, í miklar breytingar á húsinu breikkaði það um þrjá metra til vesturs, og byggði upp rishæð með kvistum. Fékk húsið þá að mestu það lag sem það síðan hefur. Um svipað leyti voru byggðar tröppur framan við norðurhluta og verslunarrými innréttað þar undir og í kjallara. Síðar var húsið allt múrhúðað með steiningu (stundum kölluð skeljasandur).
Aðalstræti 2 er stórbrotið og reisulegt hús sem á sér langa og merka sögu. Í húsinu hefur m.a. verið úrsmíðaverkstæði, sportvöruverslun og árið 1939 var verslunin Brynja stofnsett í norðurhluta hússins. Þá var þarna barnaskóli um skamma hríð á ofanverðri 19. öld. Nú eru alls fjórar íbúðir í húsinu, þrjár í suðurhluta og ein í norðurhluta. Myndin er tekin þann 19. júní 2014.
Nýjast
-
Búsetutengd mismunun í heilbrigðisþjónustu, í boði einkavæðingar og heilbrigðisráðherra Framsóknar.
Búsetutengdur munur á notkun þjónustu sérgreinalækna er mjög mikill. Íbúar dreifbýlis nota þjónustuna mun minna en höfuðborgarbúar og íbúar Vestfjarða og Austfjarða minnst allra, nefnilega þrisvar sinnum minna en höfuðborgarbúar. Lýðheilsuvísar benda ekki til þess að íbúar í dreifbýli séu heilsubetri en höfuðborgarbúar. Nærtæk skýring á þessum mun er að kaupandi þjónustunnar, ríkið, lætur sig engu varða hvar þjónustan er veitt og hún hefur nær öll byggst upp í Reykjavík. Í versta falli er afleiðingin sú að þau sem búa næst þjónustunni nýta hana umfram þörf og hin sem fjær búa minna en æskilegt væri. Hvoru tveggja er hættulegt og brýnt að rýna lög og hvort þeim er fylgt. -
Svik við launafólk: Loforð um samráð brotin með gegndarlausum gjaldskrárhækkunum
Anna Júlíusdóttir formaður Einingar Iðju skrifar bréf til bæjarstjórnar Akureyrar í dag sem birt er að heimasíðu félagsins, það lætur hún í ljós mikla óánægju með boðaðar hækkanir hjá hinum ýmsu fyrirtækjum og stofnunum bæjarins og er óhætt að segja að Önnu sé misboðið. „Við erum tilbúin til uppbyggilegs samtals,“ sögðum við í júlí þegar bæjaryfirvöld á Akureyri boðuðu breytingar á gjaldskrám. Við fögnuðum loforðum um samráð, um víðtækt samtal við hagsmunaaðila og um reglulegt endurmatsferli þar sem allir kæmu að borðinu. Nú aðeins fjórum mánuðum síðar stendur eftir sársaukafullt svik á trausti launafólks. Í stað samtals og samráðs virðast vera að raungerast víðtækar gjaldskrárhækkanir sem eru hrein árás á kaupmátt launafólks. -
Vegamálin liggja þungt á Grímseyingum
Vegamál liggja þungt á heimamönnum í Grímsey. Bundið slitlag var sett á götur þar árið 1994 og aftur árið 2014, en þá var verkið ekki klárað almennilega, „því það mátti bara setja á ákveðið marga kílómetra,“ eins og það er orðað í bókun hverfisnefndar. -
Gripmælar, róbótar og ratleikur á Opnum degi Um 300 framhaldsskólanemendur lögðu leið sína í Háskólann á Akureyri
Stuðið var gífurlegt á dögunum þegar um 300 framhaldsskólanemendur heimsóttu Háskólann á Akureyri á Opnum degi. Skólinn hefur gert þetta í mörg ár í góðu samstarfi við náms- og starfsráðgjafa í framhaldsskólum á norðaustursvæðinu. -
Óska eftir frambjóðendum sem eru tilbúnir í alvöru breytingar!
Ég óska eftir breytingum svo að ég og allir aðrir menntaðir Heilsunuddarar viti hvað við eigum að kjósa í komandi alþingiskosningum. -
Lítið að frétta í lífi án frétta á landsbyggðunum
Af þeim 27 fjölmiðlum sem hlutu rekstrarstuðning til einkarekinna fjölmiðla 2024 voru 13 staðbundnir fjölmiðlar og af þeim 10 staðsettir utan höfuðborgarsvæðisins. Hver og einn af þessum staðbundnu miðlum þjónar gríðarlega mikilvægu hlutverki í sinni heimabyggð og styrkveitingin því sannarlega fagnaðarefni. -
AtNorth stækkar gagnaver sitt á Akureyri Glatvarmi nýttur til matvælaframleiðslu
Fyrirtækið atNorth vinnur að stækkun gagnavers síns á Akureyri. Einnig hefur félagið kynnt nýtt samstarf um endurheimt og nýtingu varma. Stækkun tveggja gagnavera atnorth, á Akureyri og í Reykjanesbæ er þegar hafin. -
easyJet lengir flugtímabil frá London til Akureyrar
Breska flugfélagið easyJet tilkynnti í dag að það muni bæta við flugferðum frá London Gatwick til Akureyrar í apríl 2025, og í október 2025. Áður stóð til að fljúga út mars á næsta ári, og hefja flugin að nýju í nóvember. Flugfélagið verður því mánuði lengur með flug í boði þennan vetur og að auki næsta haust. -
Snjómokstur í bænum
Töluvert hefur snjóað í bænum um helgina og þennan mánudagsmorguninn er víða illfært um íbúðagötur og stíga. Unnið er að snjómokstri og er mikill fjöldi tækja í notkun á vegum sveitarfélagsins og verktaka.
