13.nóvember - 20.nóvember - Tbl 46
Hús vikunnar: Aðalstræti 14; Gamli spítalinn
Í síðustu viku var umfjöllunarefnið elsta hús Akureyrar, Laxdalshús við Hafnarstræti. Þá er líklega nærtækast nú að fjalla um annað elsta hús Akureyrar; Aðalstræti 14 eða Gamla Spítalann.
Aðalstræti 14 er tvílyft timburhús með háu risi og er byggt árið 1835, jafnaldri þjóðskáldsins Matthíasar Jochumssonar (d.1920). Húsið mun talið fyrsta tvílyfta íbúðarhúsið hérlendis. Húsið reistu þeir Baldvin Hinriksson og Eggert Johnsen. Fyrstu áratugina var húsið íbúðarhús en árið 1873 gaf þáverandi eigandi, kaupmaðurinn Friðrik C.M. Gudmann, bænum húsið sem hæli fyrir sjúklinga eða spítala. Um svipað leyti var reist viðbygging við húsið að norðan og var spítalinn vígður 7. júlí 1874. Sjúkrarými voru á efri hæð suðurhluta en íbúð fyrir lækni á þeirri neðri Líkhús og þvottahús voru í norðurenda sem og baðhús fyrir almenning, líkast til það fyrsta á Akureyri.
Um 1898 fluttist spítalinn í nýtt og vandað hús nærri norðurbrún Búðargils, þar sem nú er Spítalavegur. Eftir það varð Aðalstræti 14 íbúðarhús og enn er búið í nyrðri hluta, sem skemmdist mikið í bruna árið 1961 en var endurbyggður. Skömmu fyrir aldamót 2000 hófust gagngerar endurbætur á syðri hluta, en þar hafði enginn búið um árabil. Tóku endurbæturnar yfir áratug enda mjög vandað til verka. M.a. var grjóthlaðinn grunnur endurhlaðinn og miðaðist við allt við að halda sem í mest hið upprunalega. Nú er þetta annað elsta hús bæjarins allt sem nýtt og mikil bæjarprýði. Í norðurhluta eru tvær íbúðir en í suðurhluta hefur Aflið, samtök gegn kynferðis- og heimilisofbeldi aðsetur. Myndin er tekin þann 14. maí 2015.
Þess má geta, að undirritaður hefur á vefsíðu sinni, www.arnorbl.blog.is tekið saman lista yfir 100 elstu hús Akureyrar. Listinn er vitaskuld hvorki vísindalegur né óyggjandi, en sjón er sögu ríkari.
Nýjast
-
Búsetutengd mismunun í heilbrigðisþjónustu, í boði einkavæðingar og heilbrigðisráðherra Framsóknar.
Búsetutengdur munur á notkun þjónustu sérgreinalækna er mjög mikill. Íbúar dreifbýlis nota þjónustuna mun minna en höfuðborgarbúar og íbúar Vestfjarða og Austfjarða minnst allra, nefnilega þrisvar sinnum minna en höfuðborgarbúar. Lýðheilsuvísar benda ekki til þess að íbúar í dreifbýli séu heilsubetri en höfuðborgarbúar. Nærtæk skýring á þessum mun er að kaupandi þjónustunnar, ríkið, lætur sig engu varða hvar þjónustan er veitt og hún hefur nær öll byggst upp í Reykjavík. Í versta falli er afleiðingin sú að þau sem búa næst þjónustunni nýta hana umfram þörf og hin sem fjær búa minna en æskilegt væri. Hvoru tveggja er hættulegt og brýnt að rýna lög og hvort þeim er fylgt. -
Svik við launafólk: Loforð um samráð brotin með gegndarlausum gjaldskrárhækkunum
Anna Júlíusdóttir formaður Einingar Iðju skrifar bréf til bæjarstjórnar Akureyrar í dag sem birt er að heimasíðu félagsins, það lætur hún í ljós mikla óánægju með boðaðar hækkanir hjá hinum ýmsu fyrirtækjum og stofnunum bæjarins og er óhætt að segja að Önnu sé misboðið. „Við erum tilbúin til uppbyggilegs samtals,“ sögðum við í júlí þegar bæjaryfirvöld á Akureyri boðuðu breytingar á gjaldskrám. Við fögnuðum loforðum um samráð, um víðtækt samtal við hagsmunaaðila og um reglulegt endurmatsferli þar sem allir kæmu að borðinu. Nú aðeins fjórum mánuðum síðar stendur eftir sársaukafullt svik á trausti launafólks. Í stað samtals og samráðs virðast vera að raungerast víðtækar gjaldskrárhækkanir sem eru hrein árás á kaupmátt launafólks. -
Vegamálin liggja þungt á Grímseyingum
Vegamál liggja þungt á heimamönnum í Grímsey. Bundið slitlag var sett á götur þar árið 1994 og aftur árið 2014, en þá var verkið ekki klárað almennilega, „því það mátti bara setja á ákveðið marga kílómetra,“ eins og það er orðað í bókun hverfisnefndar. -
Gripmælar, róbótar og ratleikur á Opnum degi Um 300 framhaldsskólanemendur lögðu leið sína í Háskólann á Akureyri
Stuðið var gífurlegt á dögunum þegar um 300 framhaldsskólanemendur heimsóttu Háskólann á Akureyri á Opnum degi. Skólinn hefur gert þetta í mörg ár í góðu samstarfi við náms- og starfsráðgjafa í framhaldsskólum á norðaustursvæðinu. -
Óska eftir frambjóðendum sem eru tilbúnir í alvöru breytingar!
Ég óska eftir breytingum svo að ég og allir aðrir menntaðir Heilsunuddarar viti hvað við eigum að kjósa í komandi alþingiskosningum. -
Lítið að frétta í lífi án frétta á landsbyggðunum
Af þeim 27 fjölmiðlum sem hlutu rekstrarstuðning til einkarekinna fjölmiðla 2024 voru 13 staðbundnir fjölmiðlar og af þeim 10 staðsettir utan höfuðborgarsvæðisins. Hver og einn af þessum staðbundnu miðlum þjónar gríðarlega mikilvægu hlutverki í sinni heimabyggð og styrkveitingin því sannarlega fagnaðarefni. -
AtNorth stækkar gagnaver sitt á Akureyri Glatvarmi nýttur til matvælaframleiðslu
Fyrirtækið atNorth vinnur að stækkun gagnavers síns á Akureyri. Einnig hefur félagið kynnt nýtt samstarf um endurheimt og nýtingu varma. Stækkun tveggja gagnavera atnorth, á Akureyri og í Reykjanesbæ er þegar hafin. -
easyJet lengir flugtímabil frá London til Akureyrar
Breska flugfélagið easyJet tilkynnti í dag að það muni bæta við flugferðum frá London Gatwick til Akureyrar í apríl 2025, og í október 2025. Áður stóð til að fljúga út mars á næsta ári, og hefja flugin að nýju í nóvember. Flugfélagið verður því mánuði lengur með flug í boði þennan vetur og að auki næsta haust. -
Snjómokstur í bænum
Töluvert hefur snjóað í bænum um helgina og þennan mánudagsmorguninn er víða illfært um íbúðagötur og stíga. Unnið er að snjómokstri og er mikill fjöldi tækja í notkun á vegum sveitarfélagsins og verktaka.
