Hörð gagnrýni minnihlutans á dagvistunarmálin
Minnihlutinn í bæjarstjórn Akureyrar gagnrýndi harðlega meirihlutann í dagvistunarmálum bæjarins á síðasta bæjarstjórnarfundi og sagði aðgerðarleysi ríkjandi í málaflokknum. Formaður fræðsluráðs fór þá yfir starfsáætlun og stefnu í dagvistunarmálum á fundinum. Dagvistunarmálin voru einna mest áberandi fyrir síðustu sveitastjórnarkosningar sl. vor. Börn hafa ekki fengið leikskólapláss vegna plássleysis og skortur hefur verið á dagvistunarúrræðum að loknu fæðingarorlofi. Bæjarfulltrúar minnihlutans segja lítið hafa gerst á því tæpa ári frá því að kosið var.
Mánaða yngri börn tekin inn og jöfnunargreiðslur til foreldra
Drög að nýrri menntastefnu tónlistar-,leik og grunnskóla liggja nú fyrir og hafa verið lögð fyrir fræðsluráð til samþykktar. Eitt af þeim verkefnum sem fræðsluráð stendur frammi fyrir er að styrkja dagforeldrakerfið og þá er stefnt að því að bjóða börnum fæddum í janúar, febrúar, mars og apríl 2018 leikskólapláss í haust. Er það mánuði yngri börnum en árið áður. Þá verða jöfnunargreiðslur til foreldra barna 17 mánaða og eldri hjá dagforeldrum til jafns við kostnað á leikskólum. Þá er áætlað að bæta við tveimur færanlegum kennslustofum við Lundarsel. Sú viðbót gefur bænum um 40-44 auka rými en koma á aðstöðunni upp fyrir 1. september. Byggja á nýjan leikskóla á Glerárskólareitnum sem taka á í notkun haustið 2021. Um er að ræða sjö deilda leikskóla fyrir 144 börn, þar af er gert ráð fyrir tveimur ungbarnadeildum. Nýjum skóla er m.a. ætlað að leysa af hólmi efra húsið í Pálmholti en gert er ráð fyrir að rekstur neðra hússins falli undir Lundarsel.
Segja skort á sýn og stefnubreytingu í málaflokknum
Í umræðum á bæjarstjórnarfundi voru bæjarfulltrúar minnihlutans harðorðir. Gunnar Gíslason oddviti Sjálfstæðisflokksins lýsti undrun sinni á stefnuleysi meirihlutans í dagvistunarmálum og kallaði eftir skýrari sýn á málið. „Ég sé engin merki þess að það sé nokkur stefnubreyting í vændum. Það eru endalausir plástrar hér og þar. Mér finnst algjörlega út úr korti hvert er verið að leiða okkur í þessum málum,“ sagði Gunnar. Eva Hrund Einarsdóttir bæjarfulltrúi Sjálfstæðisflokksins sagði algjört stefnuleysi ríkja í málaflokknum og það væri til skammar að sýnina skuli vanta. „Hvenær ætlum við að ná því út úr umræðunni að hér sé ókleift að fá dagvistunarpláss því þetta er að skaða ímynd bæjarins,“ sagði Eva Hrund.
Sóley Björk Stefánsdóttir oddviti Vg sagði stefnuna í málflokknum tómlega. Hún minnti á að málefnið var það stærsta fyrir síðustu bæjarstjórnarkosningar og aðkomuleysi kjörinna fulltrúa að málaflokknum væri áhyggjuefni. Hlynur Jóhannsson oddviti Miðflokksins sagði það sæta furðu að bæjaryfirvöld væru ekki komin lengra með málið. „Þetta er grafalvarlegt mál. Það er ár síðan kosningar voru og nánast ekkert að gerast. Við eigum ekki að sætta okkur við að vinna á þessum hraða,“ sagði Hlynur.
Nýjast
-
Örugg skref um allt land.
Heilbrigðiskerfið okkar er hjartað í því velferðarsamfélagi sem tekist hefur að byggja upp á Íslandi. Á yfir 40 fundum sem Samfylkingin bauð til um allt land til að ræða heilbrigðis- og öldrunarmál var ljóst að sinnuleysi og fyrirhyggjuskortur undanfarinna ríkisstjórna er að hola innan öryggistilfinningu fólks. Ekki síst í okkar kjördæmi þar sem vegalengdir eru langar, veður viðsjál og langt til Reykjavíkur. Að heilsugæslan neyðist til að reiða sig á íhlaupalækna til að bjarga vandanum tímabundið stoðar lítt. Það byggir ekki upp það traust og samfellu sem þarf til að fólk njóti þess margháttaða ávinnings sem rannsóknir hafa sýnt að fylgi því að hafa fastan heimilislækni. Enda settum við það sem okkar fyrsta heit í nýju framkvæmdaplani heilbrigðismála til tveggja kjörtímabila. Við erum tilbúin. -
Búsetutengd mismunun í heilbrigðisþjónustu, í boði einkavæðingar og heilbrigðisráðherra Framsóknar.
Búsetutengdur munur á notkun þjónustu sérgreinalækna er mjög mikill. Íbúar dreifbýlis nota þjónustuna mun minna en höfuðborgarbúar og íbúar Vestfjarða og Austfjarða minnst allra, nefnilega þrisvar sinnum minna en höfuðborgarbúar. Lýðheilsuvísar benda ekki til þess að íbúar í dreifbýli séu heilsubetri en höfuðborgarbúar. Nærtæk skýring á þessum mun er að kaupandi þjónustunnar, ríkið, lætur sig engu varða hvar þjónustan er veitt og hún hefur nær öll byggst upp í Reykjavík. Í versta falli er afleiðingin sú að þau sem búa næst þjónustunni nýta hana umfram þörf og hin sem fjær búa minna en æskilegt væri. Hvoru tveggja er hættulegt og brýnt að rýna lög og hvort þeim er fylgt. -
Svik við launafólk: Loforð um samráð brotin með gegndarlausum gjaldskrárhækkunum
Anna Júlíusdóttir formaður Einingar Iðju skrifar bréf til bæjarstjórnar Akureyrar í dag sem birt er að heimasíðu félagsins, það lætur hún í ljós mikla óánægju með boðaðar hækkanir hjá hinum ýmsu fyrirtækjum og stofnunum bæjarins og er óhætt að segja að Önnu sé misboðið. „Við erum tilbúin til uppbyggilegs samtals,“ sögðum við í júlí þegar bæjaryfirvöld á Akureyri boðuðu breytingar á gjaldskrám. Við fögnuðum loforðum um samráð, um víðtækt samtal við hagsmunaaðila og um reglulegt endurmatsferli þar sem allir kæmu að borðinu. Nú aðeins fjórum mánuðum síðar stendur eftir sársaukafullt svik á trausti launafólks. Í stað samtals og samráðs virðast vera að raungerast víðtækar gjaldskrárhækkanir sem eru hrein árás á kaupmátt launafólks. -
Vegamálin liggja þungt á Grímseyingum
Vegamál liggja þungt á heimamönnum í Grímsey. Bundið slitlag var sett á götur þar árið 1994 og aftur árið 2014, en þá var verkið ekki klárað almennilega, „því það mátti bara setja á ákveðið marga kílómetra,“ eins og það er orðað í bókun hverfisnefndar. -
Gripmælar, róbótar og ratleikur á Opnum degi Um 300 framhaldsskólanemendur lögðu leið sína í Háskólann á Akureyri
Stuðið var gífurlegt á dögunum þegar um 300 framhaldsskólanemendur heimsóttu Háskólann á Akureyri á Opnum degi. Skólinn hefur gert þetta í mörg ár í góðu samstarfi við náms- og starfsráðgjafa í framhaldsskólum á norðaustursvæðinu. -
Óska eftir frambjóðendum sem eru tilbúnir í alvöru breytingar!
Ég óska eftir breytingum svo að ég og allir aðrir menntaðir Heilsunuddarar viti hvað við eigum að kjósa í komandi alþingiskosningum. -
Lítið að frétta í lífi án frétta á landsbyggðunum
Af þeim 27 fjölmiðlum sem hlutu rekstrarstuðning til einkarekinna fjölmiðla 2024 voru 13 staðbundnir fjölmiðlar og af þeim 10 staðsettir utan höfuðborgarsvæðisins. Hver og einn af þessum staðbundnu miðlum þjónar gríðarlega mikilvægu hlutverki í sinni heimabyggð og styrkveitingin því sannarlega fagnaðarefni. -
AtNorth stækkar gagnaver sitt á Akureyri Glatvarmi nýttur til matvælaframleiðslu
Fyrirtækið atNorth vinnur að stækkun gagnavers síns á Akureyri. Einnig hefur félagið kynnt nýtt samstarf um endurheimt og nýtingu varma. Stækkun tveggja gagnavera atnorth, á Akureyri og í Reykjanesbæ er þegar hafin. -
easyJet lengir flugtímabil frá London til Akureyrar
Breska flugfélagið easyJet tilkynnti í dag að það muni bæta við flugferðum frá London Gatwick til Akureyrar í apríl 2025, og í október 2025. Áður stóð til að fljúga út mars á næsta ári, og hefja flugin að nýju í nóvember. Flugfélagið verður því mánuði lengur með flug í boði þennan vetur og að auki næsta haust.
