„Höfum náð meirihluta markmiðanna“
Íbúafundir voru haldnir í Hrísey og Grímsey á dögunum á vegum verkefnisins „Brothættar byggðir“. Á fundunum fór Helga Íris Ingólfsdóttir, verkefnisstjóri brothættra byggða í Hrísey og Grímsey, yfir stöðu mála. Vel var mætt á fundina en í Hrísey mættum um 40 heimamenn og 20 í Grímsey.
Meðal nýrra aðgerða í Hrísey sem samþykkt var að bæta inn í verkefnið voru ljósleiðari til Hríseyjar, átak í markaðssetningu með fjölgun íbúa og atvinnutækifæra að leiðarljósi og að efla Hlein sem vinnuaðstöðu fyrir sjálfstætt starfandi fólk eða þá sem stunda fjarvinnu. Á fundinum í Grímsey voru m.a. ræddar ýmsar leiðir til að glæða Grímsey lífi og renna styrkari stoðum undir búsetu þar. Í mörgum af stóru markmiðunum í Grímsey hefur gengið vel. Komið er betra net- og símsamband, ferðum ferjunnar hefur fjölgað og kominn á afsláttur til íbúa af flugfargjöldum. Þau málefni sem efst eru á baugi núna í Grímsey snúi að fækkun barnafjölskyldna í eyjunni og þeim áskorunum sem fylgja því, segir á vef Akureyrarbæjar.
Hefur skilað góðum árangri
Helga Íris Ingólfsdóttir segir í samtali við Vikudag að staðan í eyjunum tveimur sé þokkalega góð. „Fólk er ágætlega bjartsýnt heilt yfir. Það er mín upplifun. Við settum okkur markmið í upphafi fyrir báðar eyjarnar og á báðum stöðum höfum við náð meirihluta markmiðanna. Í Grímsey hafa stórir hlutir gerst eins og bætt netsamband og fleiri ferjuferðir. Ég myndi segja að verkefnið hafi skilað góðum árangri. Það kom t.d. fram á fundinum í Grímsey að fólk var mjög þakklátt og við í verkefnastjórnun erum nokkuð ánægð með árangurinn. En það þýðir ekki að það megi ekki gera betur,“ segir Helga Íris.
Árið 2019 er það síðasta í verkefninu og segir Helga að mikilvægt sé að nýta tímann vel. „Við viljum spýta í lófana og fá sveitarfélagið meira í lið með okkur til að klára ýmislegt og standa betur við verkefnið,“ segir Helga Íris.
Nýjast
-
Örugg skref um allt land.
Heilbrigðiskerfið okkar er hjartað í því velferðarsamfélagi sem tekist hefur að byggja upp á Íslandi. Á yfir 40 fundum sem Samfylkingin bauð til um allt land til að ræða heilbrigðis- og öldrunarmál var ljóst að sinnuleysi og fyrirhyggjuskortur undanfarinna ríkisstjórna er að hola innan öryggistilfinningu fólks. Ekki síst í okkar kjördæmi þar sem vegalengdir eru langar, veður viðsjál og langt til Reykjavíkur. Að heilsugæslan neyðist til að reiða sig á íhlaupalækna til að bjarga vandanum tímabundið stoðar lítt. Það byggir ekki upp það traust og samfellu sem þarf til að fólk njóti þess margháttaða ávinnings sem rannsóknir hafa sýnt að fylgi því að hafa fastan heimilislækni. Enda settum við það sem okkar fyrsta heit í nýju framkvæmdaplani heilbrigðismála til tveggja kjörtímabila. Við erum tilbúin. -
Búsetutengd mismunun í heilbrigðisþjónustu, í boði einkavæðingar og heilbrigðisráðherra Framsóknar.
Búsetutengdur munur á notkun þjónustu sérgreinalækna er mjög mikill. Íbúar dreifbýlis nota þjónustuna mun minna en höfuðborgarbúar og íbúar Vestfjarða og Austfjarða minnst allra, nefnilega þrisvar sinnum minna en höfuðborgarbúar. Lýðheilsuvísar benda ekki til þess að íbúar í dreifbýli séu heilsubetri en höfuðborgarbúar. Nærtæk skýring á þessum mun er að kaupandi þjónustunnar, ríkið, lætur sig engu varða hvar þjónustan er veitt og hún hefur nær öll byggst upp í Reykjavík. Í versta falli er afleiðingin sú að þau sem búa næst þjónustunni nýta hana umfram þörf og hin sem fjær búa minna en æskilegt væri. Hvoru tveggja er hættulegt og brýnt að rýna lög og hvort þeim er fylgt. -
Svik við launafólk: Loforð um samráð brotin með gegndarlausum gjaldskrárhækkunum
Anna Júlíusdóttir formaður Einingar Iðju skrifar bréf til bæjarstjórnar Akureyrar í dag sem birt er að heimasíðu félagsins, það lætur hún í ljós mikla óánægju með boðaðar hækkanir hjá hinum ýmsu fyrirtækjum og stofnunum bæjarins og er óhætt að segja að Önnu sé misboðið. „Við erum tilbúin til uppbyggilegs samtals,“ sögðum við í júlí þegar bæjaryfirvöld á Akureyri boðuðu breytingar á gjaldskrám. Við fögnuðum loforðum um samráð, um víðtækt samtal við hagsmunaaðila og um reglulegt endurmatsferli þar sem allir kæmu að borðinu. Nú aðeins fjórum mánuðum síðar stendur eftir sársaukafullt svik á trausti launafólks. Í stað samtals og samráðs virðast vera að raungerast víðtækar gjaldskrárhækkanir sem eru hrein árás á kaupmátt launafólks. -
Vegamálin liggja þungt á Grímseyingum
Vegamál liggja þungt á heimamönnum í Grímsey. Bundið slitlag var sett á götur þar árið 1994 og aftur árið 2014, en þá var verkið ekki klárað almennilega, „því það mátti bara setja á ákveðið marga kílómetra,“ eins og það er orðað í bókun hverfisnefndar. -
Gripmælar, róbótar og ratleikur á Opnum degi Um 300 framhaldsskólanemendur lögðu leið sína í Háskólann á Akureyri
Stuðið var gífurlegt á dögunum þegar um 300 framhaldsskólanemendur heimsóttu Háskólann á Akureyri á Opnum degi. Skólinn hefur gert þetta í mörg ár í góðu samstarfi við náms- og starfsráðgjafa í framhaldsskólum á norðaustursvæðinu. -
Óska eftir frambjóðendum sem eru tilbúnir í alvöru breytingar!
Ég óska eftir breytingum svo að ég og allir aðrir menntaðir Heilsunuddarar viti hvað við eigum að kjósa í komandi alþingiskosningum. -
Lítið að frétta í lífi án frétta á landsbyggðunum
Af þeim 27 fjölmiðlum sem hlutu rekstrarstuðning til einkarekinna fjölmiðla 2024 voru 13 staðbundnir fjölmiðlar og af þeim 10 staðsettir utan höfuðborgarsvæðisins. Hver og einn af þessum staðbundnu miðlum þjónar gríðarlega mikilvægu hlutverki í sinni heimabyggð og styrkveitingin því sannarlega fagnaðarefni. -
AtNorth stækkar gagnaver sitt á Akureyri Glatvarmi nýttur til matvælaframleiðslu
Fyrirtækið atNorth vinnur að stækkun gagnavers síns á Akureyri. Einnig hefur félagið kynnt nýtt samstarf um endurheimt og nýtingu varma. Stækkun tveggja gagnavera atnorth, á Akureyri og í Reykjanesbæ er þegar hafin. -
easyJet lengir flugtímabil frá London til Akureyrar
Breska flugfélagið easyJet tilkynnti í dag að það muni bæta við flugferðum frá London Gatwick til Akureyrar í apríl 2025, og í október 2025. Áður stóð til að fljúga út mars á næsta ári, og hefja flugin að nýju í nóvember. Flugfélagið verður því mánuði lengur með flug í boði þennan vetur og að auki næsta haust.
