Franska kvikmyndahátíðin á Akureyri
Franska kvikmyndahátíðin fer fram á Akureyri um helgina en í tilkynningu segir að franska sendiráðið, Alliance Française og Institut de France, fagni því að hafa fengið stuðning Akureyrarbæjar til að halda Frönsku kvikmyndahátíðina á Akureyri nú í febrúar. Opnunarmyndin er Fagra veröld (La Belle époque) sem sýnd verður í Borgarbíói annað kvöld, fimmtudaginn 6. febrúar kl. 18:00.
Myndin hlaut 4,5 stjörnur af 5 hjá gagnrýnanda Morgunblaðsins og er tilnefnd til 10 verðlauna á frönsku César kvikmyndahátíðinni sem fer fram 28. febrúar næstkomandi. Fagra veröld er stórkostleg rómantísk gamanmynd sem fjallar um Daníel. Honum gefst kostur á því að endurlifa fortíð sína í þeim tilgangi að bjarga hjónabandinu. Seiðmögnuð kvikmynd sem endurspeglar ástina, minningarnar og fortíðarþrána, segir um kvikmyndina sem er sýnd með íslenskum texta.
Sýningin er ókeypis og opin öllum en nauðsynlegt er að taka frá sæti á vefnum www.visitakureyri.is. Aðrar myndir á dagskránni eru klassíska glæpamyndin Forynjurnar (Les Diaboliques) frá 6. áratug síðustu aldar, Sjúklingar (Patients), Litli bóndinn (Petit paysan) og Picassoráðgátan (Le Mystère Picasso). Þessar myndir eru sýndar í Amtsbókasafninu, Menntaskólanum á Akureyri, Háskólanum á Akureyri og í Listasafninu á Akureyri. Þá má geta þess að það voru frönskunemendur í MA sem völdu myndina Sjúklingar og munu kynna hana.
Dagskrá hátíðarinnar og sýningarstaðir má finna á vefnum www.visitakureyri.is.
Nýjast
-
AtNorth stækkar gagnaver sitt á Akureyri Glatvarmi nýttur til matvælaframleiðslu
Fyrirtækið atNorth vinnur að stækkun gagnavers síns á Akureyri. Einnig hefur félagið kynnt nýtt samstarf um endurheimt og nýtingu varma. Stækkun tveggja gagnavera atnorth, á Akureyri og í Reykjanesbæ er þegar hafin. -
easyJet lengir flugtímabil frá London til Akureyrar
Breska flugfélagið easyJet tilkynnti í dag að það muni bæta við flugferðum frá London Gatwick til Akureyrar í apríl 2025, og í október 2025. Áður stóð til að fljúga út mars á næsta ári, og hefja flugin að nýju í nóvember. Flugfélagið verður því mánuði lengur með flug í boði þennan vetur og að auki næsta haust. -
Snjómokstur í bænum
Töluvert hefur snjóað í bænum um helgina og þennan mánudagsmorguninn er víða illfært um íbúðagötur og stíga. Unnið er að snjómokstri og er mikill fjöldi tækja í notkun á vegum sveitarfélagsins og verktaka. -
Íþróttir fyrir alla!
Hver króna sem fer til íþróttafélaga er króna sem skilar sér margfalt til baka í samfélagið. Um kosti íþróttastarfs á Íslandi verður ekki deilt. Starfið er faglegt, fjölbreytt og gott. Það sem hefur breyst á undanförnum árum er að íþróttir eru gríðarlega atvinnuskapandi. Félögin á Íslandi í dag eru orðin stærri og komin með fleiri starfsmenn í full störf. Ásamt því að afleidd störf tengd íþróttum á Íslandi, t.d. í ferðaþjónustu, eru orðin ansi mörg og drjúg. -
Hið fullkomna stjórnarfar
Mannkynið hefur gert tilraunir með margskonar stjórnarfar. Þetta lærdómsferli hefur því miður kostnað blóð og mannfórnir en það hefur fært okkur vitneskjuna um að lýðræði er besta stjórnarfarið sem mannkynið hefur þekkt. Ekkert stjórnskipulag hefur fært mannkyni jafn miklar framfarir, öryggi, réttlæti og almenna hagsæld en lýðræðið. -
Hættum að slá ryki í augun á fólki !
Greinin er skrifuð í nafni Stangaveiðifélags Akureyrar, Stangaveiðifélagsins Flúða, Veiðifélags Fnjóskár, Veiðifélags Eyjafjarðarár, Veiðifélags Hörgár, Fiskirannsókna ehf, félagsskapar sem kallast Bleikjan - Styðjum stofninn, SUNN - Samtaka um náttúruvernd á Norðurlandi, Landssambands veiðifélaga, NASF – Verndarsjóðs villtra laxastofna og Íslenska náttúruverndarsjóðsins – IWF. -
Eldri borgarar hafa áhyggjur af öryggismálum í Sölku
Fulltrúar í Félagi Eldri borgara á Akureyri hafa lýst yfir áhyggjum sínum af öryggismálum í kjallara félagsmiðstöðvarinnar Sölku í Víðilundi á Akureyri. Þeir hvetja til þess að vinnueftirlit, heilbrigðiseftirlit og eldvarnareftirlit verði fengið til að gera heildarúttekt á húsnæðinu vegna þeirrar starfsemi sem þar fer fram á vegum Akureyrarbæjar. -
Gestir í Lystigarði um 159 þúsund á 10 mánuðum
Alls heimsóttu rúmlega 159 þúsund gestir í Lystigarðinni á Akureyri á 10 mánaða tímabili, frá byrjun janúar til loka október samkvæmt teljurum sem þar eru. Þetta kemur fram í minnisblaði sem fjallað var um á fundi umhverfis- og mannvirkjaráðs. -
Sólveig Lára er Ungskáld Akureyrar 2024
Það var vel við hæfi að í dag, á degi íslenskrar tungu, voru úrslit í ritlistakeppni Ungskálda 2024 kunngjörð á Amtsbókasafninu. Fyrstu veðlaun hlaut Sólveig Lára Skarphéðinsdóttir fyrir verkið Stök.
