13.nóvember - 20.nóvember - Tbl 46
Ferðafélag Akureyrar kom fyrir útsýnisskífu á Ytri-Súlu
Hópurinn sem tók þátt í vígslu útsýnisskífunnar á tindi Ytri-Súlu. Í efri röð eru frá vinstri Árni Ólafsson, Sigurgeir Haraldsson, Fjóla Kristín Helgadóttir og Hjalti Jóhannesson. Neðri röð frá vinstri: Örn Þór Emilsson, Ásthildur Sturludóttir, Ingvar Teitsson, Frímann Guðmundsson, Halldór Brynjólfsson, Þorgerður Sigurðardóttir. Mynd/Árni Ólafsson.
„Við hjá Ferðafélagi Akureyrar trúum því að ferðafólk kunni að meta upplýsingarnar á útsýnisskífunni, því að eins og Tómas Guðmundsson skáld sagði: "Landslag yrði lítils virði, ef það héti ekki neitt." Þetta segir Ingvar Teitsson hjá Ferðafélagi Akureyrar, en félagið hefur komið fyrir útsýnisskífu á Ytri-Súlu sem er í 1144 metra hæð yfir sjávarmáli. Á útsýnisskífunni eru alls 47 örnefni. Þá eru hæðir helstu fjalla sem sjást letraðar á skífuna, svo og fjarlægðin í viðkomandi fjöll.
Tæplega 1500 manns skrifuðu í gestabókina
Súlur eru bæjarfjall Akureyrar og þangað upp ganga margir sér til heilsubótar. Af Ytri-Súlu er mikið útsýni og sjást m.a. Herðubreið, Kverkfjöll og Kaldbakur, þegar skyggni er gott. Ferðafélag Akureyrar, FFA stikaði gönguleið upp á Súlur árið 1991 og hefur haldið leiðinni við æ síðan. Ingvar segir að félagar í FFA hafi meðal annars sett göngubrýr á tvö mýrasund á Súlugötunni og timburbrú á erfiðan læk á leiðinni. „Við hjá FFA töldum fjölda þeirra sem skrifuðu nöfn sín í gestabókina á Ytri-Súlu á 12 mánuða tímabili 2018-2019 og reyndust það vera alls 1.446 manns, þar af 46% útlendingar.“
Ingvar segir að snemma árs 2018 hafi gönguleiðanefnd FFA ákveðið að setja útsýnisskífu á Ytri-Súlu. Fóru félagar á tindinni um mitt sumar í kyrru veðri og heiðríkju. Á hringlaga blað voru teiknuð inn helstu fjöll og kennileiti sem þaðan sjást.
Skífan flutt upp á tind með vélsleða
Árni Ólafsson arkitekt setti frumdrögin á stafrænt form. Letrið var síðan greypt í messing-skífu í Logoflex í Reykjavík. Eftir það var skífan krómhúðuð. Smári Sigurðsson björgunarsveitaforingi og vélsleðamaður flutti skífuna og undirstöðu hennar á vélsleða upp á tind Ytri-Súlu dagana 13. og 14. apríl í vor. Þá var undirstaðan steypt niður og skífan sett upp þann 20. júli síðastliðinn. Og þá var loks hægt að víga útsýnisskífuna en það gerði bæjarstjórinn á Akureyri, Ásthildur Sturludóttir fyrr í þessum mánuði að viðstöddum níu manns frá FFA.
Nýjast
-
Svik við launafólk: Loforð um samráð brotin með gegndarlausum gjaldskrárhækkunum
Anna Júlíusdóttir formaður Einingar Iðju skrifar bréf til bæjarstjórnar Akureyrar í dag sem birt er að heimasíðu félagsins, það lætur hún í ljós mikla óánægju með boðaðar hækkanir hjá hinum ýmsu fyrirtækjum og stofnunum bæjarins og er óhætt að segja að Önnu sé misboðið. „Við erum tilbúin til uppbyggilegs samtals,“ sögðum við í júlí þegar bæjaryfirvöld á Akureyri boðuðu breytingar á gjaldskrám. Við fögnuðum loforðum um samráð, um víðtækt samtal við hagsmunaaðila og um reglulegt endurmatsferli þar sem allir kæmu að borðinu. Nú aðeins fjórum mánuðum síðar stendur eftir sársaukafullt svik á trausti launafólks. Í stað samtals og samráðs virðast vera að raungerast víðtækar gjaldskrárhækkanir sem eru hrein árás á kaupmátt launafólks. -
Vegamálin liggja þungt á Grímseyingum
Vegamál liggja þungt á heimamönnum í Grímsey. Bundið slitlag var sett á götur þar árið 1994 og aftur árið 2014, en þá var verkið ekki klárað almennilega, „því það mátti bara setja á ákveðið marga kílómetra,“ eins og það er orðað í bókun hverfisnefndar. -
Gripmælar, róbótar og ratleikur á Opnum degi Um 300 framhaldsskólanemendur lögðu leið sína í Háskólann á Akureyri
Stuðið var gífurlegt á dögunum þegar um 300 framhaldsskólanemendur heimsóttu Háskólann á Akureyri á Opnum degi. Skólinn hefur gert þetta í mörg ár í góðu samstarfi við náms- og starfsráðgjafa í framhaldsskólum á norðaustursvæðinu. -
Óska eftir frambjóðendum sem eru tilbúnir í alvöru breytingar!
Ég óska eftir breytingum svo að ég og allir aðrir menntaðir Heilsunuddarar viti hvað við eigum að kjósa í komandi alþingiskosningum. -
Lítið að frétta í lífi án frétta á landsbyggðunum
Af þeim 27 fjölmiðlum sem hlutu rekstrarstuðning til einkarekinna fjölmiðla 2024 voru 13 staðbundnir fjölmiðlar og af þeim 10 staðsettir utan höfuðborgarsvæðisins. Hver og einn af þessum staðbundnu miðlum þjónar gríðarlega mikilvægu hlutverki í sinni heimabyggð og styrkveitingin því sannarlega fagnaðarefni. -
AtNorth stækkar gagnaver sitt á Akureyri Glatvarmi nýttur til matvælaframleiðslu
Fyrirtækið atNorth vinnur að stækkun gagnavers síns á Akureyri. Einnig hefur félagið kynnt nýtt samstarf um endurheimt og nýtingu varma. Stækkun tveggja gagnavera atnorth, á Akureyri og í Reykjanesbæ er þegar hafin. -
easyJet lengir flugtímabil frá London til Akureyrar
Breska flugfélagið easyJet tilkynnti í dag að það muni bæta við flugferðum frá London Gatwick til Akureyrar í apríl 2025, og í október 2025. Áður stóð til að fljúga út mars á næsta ári, og hefja flugin að nýju í nóvember. Flugfélagið verður því mánuði lengur með flug í boði þennan vetur og að auki næsta haust. -
Snjómokstur í bænum
Töluvert hefur snjóað í bænum um helgina og þennan mánudagsmorguninn er víða illfært um íbúðagötur og stíga. Unnið er að snjómokstri og er mikill fjöldi tækja í notkun á vegum sveitarfélagsins og verktaka. -
Íþróttir fyrir alla!
Hver króna sem fer til íþróttafélaga er króna sem skilar sér margfalt til baka í samfélagið. Um kosti íþróttastarfs á Íslandi verður ekki deilt. Starfið er faglegt, fjölbreytt og gott. Það sem hefur breyst á undanförnum árum er að íþróttir eru gríðarlega atvinnuskapandi. Félögin á Íslandi í dag eru orðin stærri og komin með fleiri starfsmenn í full störf. Ásamt því að afleidd störf tengd íþróttum á Íslandi, t.d. í ferðaþjónustu, eru orðin ansi mörg og drjúg.
