13.nóvember - 20.nóvember - Tbl 46
Fengu viðurkenningu fyrir framúrskarandi árangur
Hópurinn sem hlaut viðurkenningu frá fræðsluráði Akureyrarbæjar. Mynd/Akureyrarbær.
Fræðsluráð Akureyrarbæjar afhenti nemendum og starfsfólki leik- og grunnskóla Akureyrarbæjar viðurkenningar fyrir framúrskarandi árangur í námi og starfi, skólaárið 2018-2019, en athöfnin fór fram í Hofi. Óskað var eftir tilnefningum frá skólasamfélaginu um nemendur, starfsfólk eða verkefni sem talin voru hafa skarað fram úr í starfi skólanna á síðasta skólaári. Valnefnd, sem skipuð var fulltrúum frá fræðsluráði, Samtökum foreldra og Miðstöð skólaþróunar við HA fór yfir allar tilnefningar og lagði fram tillögu til fræðsluráðs til samþykktar.
Viðurkenningar hlutu:
Alma Sól Valdimarsdóttir, nemandi í Glerárskóla, fyrir þátttöku í félagsstörfum og að leggja sig alla fram í námi og leik.
Nour Mohamad Naser, nemandi í Brekkuskóla, fyrir dugnað og metnað í námi, jákvæðni og hlýju.
Telma Ósk Þórhallsdóttir, nemandi í Naustaskóla, fyrir áhuga á félagsmálum og hagsmunum nemenda.
Helga Viðarsdóttir, nemandi Giljaskóla fyrir námsárangur, framkomu og fjölhæfni.
Oliwia Moranska, nemandi í Oddeyrarskóla, fyrir metnað, vinnusemi, jákvæðni, sköpun og gagnrýna hugsun.
Hildur Arnarsdóttir, nemandi í Síðuskóla, fyrir dugnað í námi og háttprýði í framkomu.
Elís Þór Sigurðsson, nemandi í Naustaskóla, fyrir jákvæðni, dugnað, eljusemi og framfarir í námi og leik.
Birta Ósk Þórólfsdóttir, nemandi í Oddeyrarskóla, fyrir vinnu við árshátíðir Oddeyrarskóla.
Sunna Svansdóttir, kennari í Síðuskóla, fyrir framúrskarandi starf með nemendum sem eru með greiningar eða fötlun.
Sigurlaug Ásta Grétarsdóttir, fagstjóri í sérdeild Síðuskóla,fyrir fagmennsku, framsækni og lausnaleit í krefjandi starfi.
Heiðar Ríkharðsson, kennari í Giljaskóla, fyrir fjölbreytta kennsluhætti og að vera góð fyrirmynd nemenda.
Dragana Kovacevic, starfsmaður í Kiðagili, fyrir framúrskarandi starfshætti, jákvæðni, þolinmæði og hlýju.
Ágústa Kristjánsdóttir, sérkennari í Lundarskóla, fyrir að vera fyrirmynd og að sýna fagmennsku og alúð í starfi.
Alda Bjarnadóttir, kennari í Lundarskóla, fyrir að mæta ólíkum þörfum nemenda og vera jákvæð og lausnamiðuð.
María Aldís Sverrisdóttir, Ólöf Huld Ómarsdóttir, Vala Magnúsdóttir og Valbjörg Rós Ólafsdóttir, kennarar í Hulduheimum, Seli, fyrir að fylgja áherslum í skólastarfi á jákvæðan, uppbyggilegan og faglegan hátt.
Hafey Lúðvíksdóttir, starfsmaður í Giljaskóla, fyrir hugulsemi og hlýju við nemendur, glaðværð og frumkvæði í starfi.
Halla Kristín Tulinius og Rósa Mjöll Heimisdóttir, sérkennarar í Brekkuskóla, fyrir að þróa starfshætti í sérkennslu til hagsbóta fyrir nemendur.
Leikskólinn Kiðagil, fyrir leikskólalæsi og að vinna með tungumálið á spennandi og áhugaverðan hátt.
Leikskólinn Iðavöllur, fyrir sprotaverkefnið, Þar er leikur að læra - Tengsl við nemendur og foreldra af erlendum uppruna.
Nýjast
-
Búsetutengd mismunun í heilbrigðisþjónustu, í boði einkavæðingar og heilbrigðisráðherra Framsóknar.
Búsetutengdur munur á notkun þjónustu sérgreinalækna er mjög mikill. Íbúar dreifbýlis nota þjónustuna mun minna en höfuðborgarbúar og íbúar Vestfjarða og Austfjarða minnst allra, nefnilega þrisvar sinnum minna en höfuðborgarbúar. Lýðheilsuvísar benda ekki til þess að íbúar í dreifbýli séu heilsubetri en höfuðborgarbúar. Nærtæk skýring á þessum mun er að kaupandi þjónustunnar, ríkið, lætur sig engu varða hvar þjónustan er veitt og hún hefur nær öll byggst upp í Reykjavík. Í versta falli er afleiðingin sú að þau sem búa næst þjónustunni nýta hana umfram þörf og hin sem fjær búa minna en æskilegt væri. Hvoru tveggja er hættulegt og brýnt að rýna lög og hvort þeim er fylgt. -
Svik við launafólk: Loforð um samráð brotin með gegndarlausum gjaldskrárhækkunum
Anna Júlíusdóttir formaður Einingar Iðju skrifar bréf til bæjarstjórnar Akureyrar í dag sem birt er að heimasíðu félagsins, það lætur hún í ljós mikla óánægju með boðaðar hækkanir hjá hinum ýmsu fyrirtækjum og stofnunum bæjarins og er óhætt að segja að Önnu sé misboðið. „Við erum tilbúin til uppbyggilegs samtals,“ sögðum við í júlí þegar bæjaryfirvöld á Akureyri boðuðu breytingar á gjaldskrám. Við fögnuðum loforðum um samráð, um víðtækt samtal við hagsmunaaðila og um reglulegt endurmatsferli þar sem allir kæmu að borðinu. Nú aðeins fjórum mánuðum síðar stendur eftir sársaukafullt svik á trausti launafólks. Í stað samtals og samráðs virðast vera að raungerast víðtækar gjaldskrárhækkanir sem eru hrein árás á kaupmátt launafólks. -
Vegamálin liggja þungt á Grímseyingum
Vegamál liggja þungt á heimamönnum í Grímsey. Bundið slitlag var sett á götur þar árið 1994 og aftur árið 2014, en þá var verkið ekki klárað almennilega, „því það mátti bara setja á ákveðið marga kílómetra,“ eins og það er orðað í bókun hverfisnefndar. -
Gripmælar, róbótar og ratleikur á Opnum degi Um 300 framhaldsskólanemendur lögðu leið sína í Háskólann á Akureyri
Stuðið var gífurlegt á dögunum þegar um 300 framhaldsskólanemendur heimsóttu Háskólann á Akureyri á Opnum degi. Skólinn hefur gert þetta í mörg ár í góðu samstarfi við náms- og starfsráðgjafa í framhaldsskólum á norðaustursvæðinu. -
Óska eftir frambjóðendum sem eru tilbúnir í alvöru breytingar!
Ég óska eftir breytingum svo að ég og allir aðrir menntaðir Heilsunuddarar viti hvað við eigum að kjósa í komandi alþingiskosningum. -
Lítið að frétta í lífi án frétta á landsbyggðunum
Af þeim 27 fjölmiðlum sem hlutu rekstrarstuðning til einkarekinna fjölmiðla 2024 voru 13 staðbundnir fjölmiðlar og af þeim 10 staðsettir utan höfuðborgarsvæðisins. Hver og einn af þessum staðbundnu miðlum þjónar gríðarlega mikilvægu hlutverki í sinni heimabyggð og styrkveitingin því sannarlega fagnaðarefni. -
AtNorth stækkar gagnaver sitt á Akureyri Glatvarmi nýttur til matvælaframleiðslu
Fyrirtækið atNorth vinnur að stækkun gagnavers síns á Akureyri. Einnig hefur félagið kynnt nýtt samstarf um endurheimt og nýtingu varma. Stækkun tveggja gagnavera atnorth, á Akureyri og í Reykjanesbæ er þegar hafin. -
easyJet lengir flugtímabil frá London til Akureyrar
Breska flugfélagið easyJet tilkynnti í dag að það muni bæta við flugferðum frá London Gatwick til Akureyrar í apríl 2025, og í október 2025. Áður stóð til að fljúga út mars á næsta ári, og hefja flugin að nýju í nóvember. Flugfélagið verður því mánuði lengur með flug í boði þennan vetur og að auki næsta haust. -
Snjómokstur í bænum
Töluvert hefur snjóað í bænum um helgina og þennan mánudagsmorguninn er víða illfært um íbúðagötur og stíga. Unnið er að snjómokstri og er mikill fjöldi tækja í notkun á vegum sveitarfélagsins og verktaka.
